Habakuk 2:17 - KITABU KITAKATIFU

¹⁷ Mwatema militu ja Lebanoni; kalunu na munyi mulatemwa. Mwitaa zinyama zimenyi mu; kalunu zinyama yizio zilamutihiza. Yaga galakekoleke kigira vwiti vwa mumali kokora kandi kigira kivihiri chiinyu cha mukoleraa vandu vi kivala na madaala manene.

Habakuk 2:17 ပူးပေါင်းရင်းမြစ်များ

Zaburi 137:8

Munyi avandu va Babiloni, muladivizwa ligali. Aveeye nuvugasu mundu uvanzira kunyi kisaalia ku munyi kigira aga mumali kokokolera.

Zaburi 55:23

O, Nyasaye, oleete aviiti na avagaadi vazie mu kilindwa imbiri wi inusu yi livamwoyo liavo nilikikiri kuduuka. Navuzwa inzi, ndakusuuvira.

Tsing'ano 28:17

Mundu onyooleka na mahiolo gukwita wundi alima kilindwa chichie vwangu ligali kuli anyala, utageriza kumugaya mba.

Jeremia 50:14

“Vasaza vukulasa uvuta, muzie mulwaane avandu va Babiloni kandi muvakumbilizi. Muvalase mivano jinyu josi, kigira vamali kokora uvwoni ku inzi, Yahova.

Jeremia 50:28

Avahaali virukanga kutura Babiloni kuzia Jerusalemi, ma vavoola kuli Yahova Nyasaye wiitu yaavanza kisaalia ku aga vandu va Babiloni vaali nivakoli ku Litembeli.

Jeremia 51:24

Yahova avoora, “Mulalora inzi nimbanza kisaalia ku Babiloni harara na vandu valio kigira uvwoni vwosi vwa vaakora ku Jerusalemi.

Ezekieli 28:16

Mu vunyingi vwi likiranyia liilio, yaga gakokola kuva ni kirage kandi kokora uvwoni. Kulwayago, ndaakuniga kutura mu kiguru change kitakatifu, kandi engelosi yakulinda yaakukunga kutura hagati ha magina gu muliru.

Ezekieli 31:16

Lwu musaala yigu gulakakuzi nukuzia mu kivala cha vakuzu, lihulirika lie liigwa liagwo lilakadegerizi zihiiri. Misaala josi ja Edeni kandi misaala josi mitovole kandi milahi ja Lebanoni, ijasamwa mazi vulahi, ijiveeye hasi ku lirova, jilakasangaliri liigwa liu musaala yigu.

Joeli 3:19

“Egebeti kilava kivala chi changalangwi, kandi Edomu kilava kivala chu mwigendinyama, kigira vingilira vandu vi Ivuyuda kandi ni vita vandu vacho avataali nimbala.

Habakuk 1:17

Valazizagilira kutumikira vivavi viavo zing'inga ziosi nu kudiviza zihiiri vugira zimbavasi?

Habakuk 2:8

Mwalanya vandu vi zihiiri zinyingi, navuzwa kalunu yavo avamali kohononoka valamulanya kigira vulumindi vwamwakola kandi kigira kivihiri cha mukoleraa vandu vi kivala na madaala manene.

Zekaria 11:1

Mwiguli viliango vienyu, O, Lebanoni, kunangwa muliru guduuki kusamba ligali misaala ji midaragwa jinyu!