Habakuk 2:16 - KITABU KITAKATIFU

¹⁶ Munyi kandi mulava mu zisoni havogono hu kuva nu luyali. Munyi mulakanwi kandi mulakagende ni muyekayeka. Yahova alakahaane mageri ku munyi kuli gamudukira, kandi luyali lwinyu lulakagirunganywi kuva lichaya.

Habakuk 2:16 ပူးပေါင်းရင်းမြစ်များ

Zaburi 75:8

Yahova ugumiyi kekombe mu mukono gwigwe, nichizuyie iwaini induru yu vutima vwivwe. Agisundulaa ichova na avandu vachamu vosi vu mulirova, vaginwezaa; yee, vaginwezaa ku engelageriza yu kumalirika.

Tsing'ano 3:35

Avandu vageri valanyora ilizominywa liuluyali, navuzwa avasiru valanyora zisoni.

Isaya 20:4

Mwami wa Asiria alahila ihale avahambe vayagumira kutura Egebeti na Ezopia. Avayaayi kandi avahindira, valagenda ni virenge viere kandi nichahonyo, na amadako gaavo kuvulavu, nokoleta zisoni ku Egebeti.

Isaya 47:3

Avandu valalola chahonyo chiinyu, kandi mulava mu zisoni. Ndatunga kisaalia, na sindaleka mundu kali mulala mba.”

Isaya 49:26

Ndakora avadambizi vinyu viitane aveene naveene, kandi valahambika masahi gaavo aveene kuli iwaini; maku, avandu vosi valamanya ndi, inzi mbeeye Yahova, uwavahonyia kandi wavaha avovoholole. Valamanya ndi inzi mbeeye Nyasaye wi zinguru wa vandu va Isiraeli.”

Jeremia 25:15

Yahova, Nyasaye wa avandu va Isiraeli, yambolera, “Mbeeye nu vutima uvunyingi kuli kekombe chizuuyi iwaini. Vugula kekombe yiki chuvutima vwange uhili ku zihiiri ziosi zia Inze ngutumaa kuzio, na uvakole kunwa iwaini yiyi.

Jeremia 25:17

Kunangwa ndaavugura kekombe chi iwaini kutura ku Yahova, ninzia kuhaana ku zihiiri zia Yahova yaali niyandumi ku, kandi ndaavakora vanwi iwaini yiyi.

Jeremia 51:57

Ndakora avanene vaavo kandi avasaza vovogeri, avamihi vaavo kandi aviimiliri vaavo, na avasikari vaavo vahambiki. Valazia kogona na si valavuka kandi mba. Inzi, mwami, Yahova Wuvunyali, mali kovora.

Jeremia 51:7

Avandu va Babiloni vaali kuli kekombe chi zahabu mu mukono gwange, ichaloomba kivala choosi kuhambika. Zihiiri zianwa iwaini ma nivararuka.

Lisyoma lya Jeremia 4:21

Museke O, munyi avandu va Edomu, na avamenyi mu kivala cha Uzi, musangare kuli munyaliza. Navuzwa munyi kandi muladuuka mukivi; mulatuliza zinguvu nukutigara chahonyo.

Ezekieli 23:33

Ulava kuli muhambiku kandi wovovereri, amageri gu kutihiza kandi gu kudiviza, amageri ga mwavo woovo Samaria.

Hosea 4:7

“Lwa munyi avasaalisi muveeye avanyingi, nilwo lwa mukolera inzi uvwoni vunyingi, kunagwa inzi ndakagirung'anyie luyali lwinyu kuva zisoni.

Hosea 7:5

Ku lidiku lieliilia liumwami valomba umwami harara na vatumikiri vene kuhambika iwaini kisiru.

Habakuk 2:10

Navuzwa lilohiza lienyu limali koleta zisoni ku zinyumba zienyu; kandi lwa mudiviza zihiiri zinyingi mweleteraa lidiva aveene,

Habakuk 2:15

O, vayaayi munyi mwalaamwa kigira! Mu vutima vwinyu vululu mwalegeliza kandi mwachaya vatende vinyu; mwavakola ni vagenda nivayekayeka kuli vahambiku.

Vafilipi 3:19

Keheri cha avandu yava keveeye ilidivizwa, kigira nyasaye wavo ni lienya lie imiviri jaavo, kandi vasangalira vindu viavenyekaa vave ni zisoni navio. Zing'anagani ziavo ziveeye vuzwa ku vindu vie lirova yili.

Likunula 18:6

Mulikole kuli lia mukolera, kandi mulituungi haali kaviri ku miyinzi josi ja liakora. Kekombe cha liazuganyiraa mu iwaini induru, mu mulizuganyiri mu haali kaviri.