Habakuk 2:15 - KITABU KITAKATIFU

¹⁵ O, vayaayi munyi mwalaamwa kigira! Mu vutima vwinyu vululu mwalegeliza kandi mwachaya vatende vinyu; mwavakola ni vagenda nivayekayeka kuli vahambiku.

Habakuk 2:15 ပူးပေါင်းရင်းမြစ်များ

Litanga 9:22

Lwa Hamu, baba wa Kanaani, yalora baba weve naveeye chahonyo, yatura ichova navolera avamwavo veve vaviri.

2 Samweli 11:13

Daudi yamugenihiza kulia chukulia cha mugolova naye, kandi naanwa kuduuka nahambika. Navuzwa uvudiku yivwo kandi, Uria siyaazia yengo weve mba. Mu vogono yivwo, yagona ku mulingedi gwigwe mu keng'oze chu kulindira inyumba yu vwami harara na avasikari vandi.

Kutwula 32:25

Kunangwa Musa yamanya ndi Haruni niyie uwaleka avandu vibaale kandi vaagwa vindu viokosekerizwa na vasigu vaavo.

Isaya 28:7

Kali vaporofeti navasaalisi vaveeye vahambiku ligali kali vagenda nivayekayeka vanweeye iwaini namalwa malulu kali vikigitara mugoyana. Avaporofeti vaveeye vahambiku ligali kali sivanyala kumanyiriza malola ga Nyasaye atumaa mba, na vasaalisi navo kandi vaveeye vahambiku ligali kali sivanyala kukalaga viyaalo viletwaa kuvo mba.

Isaya 28:8

Zimesa ziosi aha viikara ziizuyi maluki, na sihaveeye ho na havundu hanifu hatigaye mba.

Isaya 5:22

O, vayaayi, kivi keveeye ku yavo avizingulu mu linwa iwaini! Kandi avaluviriri mu lizuganyia vilulu viu kuhambikiza.

Jeremia 25:15

Yahova, Nyasaye wa avandu va Isiraeli, yambolera, “Mbeeye nu vutima uvunyingi kuli kekombe chizuuyi iwaini. Vugula kekombe yiki chuvutima vwange uhili ku zihiiri ziosi zia Inze ngutumaa kuzio, na uvakole kunwa iwaini yiyi.

Jeremia 51:7

Avandu va Babiloni vaali kuli kekombe chi zahabu mu mukono gwange, ichaloomba kivala choosi kuhambika. Zihiiri zianwa iwaini ma nivararuka.

Hosea 7:5

Ku lidiku lieliilia liumwami valomba umwami harara na vatumikiri vene kuhambika iwaini kisiru.

Habakuk 2:14

Navuzwa kivala kilakave ni limanya linyingi liu vukumi vwa Yahova kuli zinyanza zizura mazi.

Habakuk 2:16

Munyi kandi mulava mu zisoni havogono hu kuva nu luyali. Munyi mulakanwi kandi mulakagende ni muyekayeka. Yahova alakahaane mageri ku munyi kuli gamudukira, kandi luyali lwinyu lulakagirunganywi kuva lichaya.

Likunula 17:2

Avami vi lirova liosi vaakora ovoheyi naye, kandi avandu vamenya mu lirova avahambiki kutura ku linwa iwaini yo ovoheyi vwivwe.”

Likunula 17:6

Ndaalora kandi umukali zana nahambiki amasahi ga vandu va Nyasaye, kandi gayavo viitwa kigira vaali vasuuvirifu ku Yeso. Lwa ndaamulola, ndaali niligenya linene ligali.

Likunula 18:3

Zihiiri ziosi ziahambikizwa kigira iwaini induru yo ovoheyi vwalio; Avami vilirova vakora cho voheyi nalio. Akiranyi kutura mu lirova liosi avagwiyi avatugi, kigira livula kwigalira ovoheyi vwavo.”