Habakuk 2:14 - KITABU KITAKATIFU

¹⁴ Navuzwa kivala kilakave ni limanya linyingi liu vukumi vwa Yahova kuli zinyanza zizura mazi.

Habakuk 2:14 ပူးပေါင်းရင်းမြစ်များ

Zaburi 22:27

Zihiiri ziosi zielirova valizuliza Yahova. Valagirung'ana kuyeeka kuye kutura havundu hoosi mu lirova avandu vizinimi ziosi kulirova valasigamira Yahova.

Zaburi 72:19

Lieta lilie liuvukumi lizominywi uvukumi vwivwe vwizuli lirova liosi. Amini! Amini!

Zaburi 86:9

O, Yahova, zihiiri ziosi zia walomba, zilaza nu kukusigamira ivi; valizominya ovonene vuvwo.

Isaya 11:9

Ku Ziyoni, kiguru kitakatifu cha Nyasaye, sihalava nikindu chukusaliriza anoho kidamanu. Kivala kilizula limanya lia Yahova kuli zinyanza zizura amazi.

Isaya 33:6

na alahaana mirembe ku ihiiri. Yahova akingaa avandu veve kazozo, kandi avaheezaa ovogeri ni limanya. Livikiru liavo linene kuvita liveeye liitia Yahova.

Isaya 40:5

Maku uvukumi vwa Yahova vulaloreka na vandu vosi valavolola. Yahova mwene umali kulaga yaga.”

Isaya 6:3

Zihanzuka harara nizivoora: “Mutakatifu, Mutakatifu, Mutakatifu! Yahova Wuvunyali aveeye Mutakatifu, uvukumi vwivwe vwizuyi mu lirova liosi.”

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Ezekieli 47:5

Yaagera kandi zimita 500, na hene yaho mugera gwaali musi ligali, si ndaali nyara kuvitiramu mba. Gwaali musi ligali kwambuka kuduuka wereme.

Mika 2:9

Mukungaa avakali va avandu vange vatuli mu zingo ziavo ziavayaanzaa. Mumali kunyaga avana vaavo uvugasu vwange mihiga ni mihiga.

Habakuk 2:15

O, vayaayi munyi mwalaamwa kigira! Mu vutima vwinyu vululu mwalegeliza kandi mwachaya vatende vinyu; mwavakola ni vagenda nivayekayeka kuli vahambiku.

Habakuk 3:3

Nyasaye yaazaa kutura Edomu kandi; Nyasaye mutakatifu yaazaa kutura mu vigulu via Parani. Vukumi vwivwe voveeye mwigulu; kandi kivala keveeye ni lizominya lilie linyingi.

Zefania 3:9

“Maku ndakagilunganyie vandu vi zihiiri ziosi, kandi valakasaale kuinzi kandi sivalisaala ku vanyasaye vandi mba. Vosi valakatie inzi.

Livalidza 14:21

Navuzwa ndagaa ndi, ligali kuli inzi mbeeye Yahova omenya, kandi ligali kuli uvukumi vwange vwizuyi mu lirova liosi,

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 15:4

Nivwaha unyala kusuura kulandiza ovonene vuvwo? Ivi weng'ine oveeye umutakatifu. Izihiiri ziosi zilaza kandi zilasigamira Ivi, vikolwa vivio via giligali vilolangwa na vandu vosi.”