Habakuk 2:13 - KITABU KITAKATIFU

¹³ Zihiiri zia mwaguuta ziveeye ni miyinzi ja vuzwa kandi viosi viavamali kwumbaka visambwa mu lumemo liu muliru. Yahova Wuvunyali umali kokora yaga.

Habakuk 2:13 ပူးပေါင်းရင်းမြစ်များ

2 Samweli 15:31

Lwa Daudi yavolerwa ndi, Ahizofeli yiyungi ni liebaala lia Abisolomu, yasaala, “Yahova, mwaza, girung'anyia lihaana zing'anagani zia Ahizofeli kuva uvusiru!”

Zaburi 39:6

kandi aveeye vuzwa kuli chiriri. Viosi akolaa siviveeye kindu mba, avungiza uvutugi vwivwe, na siamanyi mundu ulivugula mba.

Tsing'ano 21:30

Vogeri vwu mundu, vwideri kandi limanyiriza si viveeye novokonyi niiva Yahova yamusula mba.

Isaya 50:11

Munyi vosi avalohizaa kwita avandi muladivizwa nililohiza lienyu aveene. Yahova mwene alakola yaga kokoleka, mulava mu vudinyu vunyingi ligali.

Isaya 55:2

Kigira ki mutumikiri mabese ginyu ku kindu kitakonya? Kigira ki mutumikiri mitungu jienyu navuzwa mukikiri ni inzara? Mumbulirizi vudinyu ligali, na mukore aga inzi mboraa, na mulasangalira viukulia viveeye vilahi ku viosi.

Jeremia 51:58

Amadigi amadinyu gi lidaala lia Babiloni galavunguluka, virivwa vialio vitambi vilasambwa. Miyinzi midinyu ja vandu jilava hazwa, miyinzi ji zihiiri jirava kuli jolomemo lwu muliru. Inzi, Yahova wuvwami mali kovora.”

Jeremia 51:64

Maku ovoole, ‘Kivala cha Babiloni kilagwa, na si kilasingila kandi mba, kigira lidiviza lia Yahova azizaa koleta kucho.’ ” Makuva ga inzi Jeremia gaheri yaaha.

Malaki 1:4

Niiva visukululwi via Esau, avandu va Edomu vavoola, “Madaala giitu gamali kudivizwa, navuzwa kulagumbaka vuhia,” maku Yahova alakativuli, “Leka vagumbake vuhia, ndagasambula kandi. Avandu valalanga vandu va Edomu, ‘Kivala kichamu kandi ihiiri ya Yahova aveeye nayo nu vutima mihiga ni mihiga.’ ”