Habakuk 2:10 - KITABU KITAKATIFU

¹⁰ Navuzwa lilohiza lienyu limali koleta zisoni ku zinyumba zienyu; kandi lwa mudiviza zihiiri zinyingi mweleteraa lidiva aveene,

Habakuk 2:10 ပူးပေါင်းရင်းမြစ်များ

1 Avami 2:23

Maku Solomoni yisuha mu lieta lia Yahova navoora; “Nyasaye anduyi nguzi, niiva sindakola Adonija atungi ni livamwoyo lilie mu liteeva yaga!

2 Avami 10:7

Lwa vanyoola ibarwa ya Jehu, aviimiliri va Samaria vita visukululwi vosi sabwini va Ahabu; ni vaviika mitwi jaavo mu vihinda ma nivagihira ku Jehu ha Jezireeli.

2 Avami 9:26

‘Ndoli liitwa lia Nabozi na vayaayi veve mugolova, na ligali ngusuuvirizaa ndi ndakoheera amageri hano mu mulimi mulala mwere yigu.’ Kunangwa vugula muviri gwa Joramu, na ugusiuvi mu mulimi gwaali gwa Nabozi, kunangwa lisuuviriza lia Yahova liduuki kuduukizwa.”

Tsing'ano 1:18

navuzwa, avandu kuli yava vetegekeraa mitego aveene, mitego jaza giviiti.

Tsing'ano 20:2

Utie mwami wu vutima kuli unyala kutia isimba ihugumaa nu vutima; kokora mwami ave nu vutima ni kuli kwisunga.

Tsing'ano 8:36

Yavo vatanyoolaa visalilizaa vene, ku woosi oveeye nu vusigu ninzi yayanza likuza.”

Isaya 33:11

Munyi mulomba lilohiza litanyala kokoonya kindu kandi vindu viosi via mukoraa viveeye via vuzwa. Mwika gwange goveeye kuli muliru ugwaza gumudivizi.

Jeremia 22:30

“Mundu oyo amali kukalagirwa ku agotiza avana veve, kandi mundu unyala kuzizagilira mba. Si alakave ku ni visukululwi iviliamiiha mu Ivuyuda kuli avavugura uvwamihi kutura ku Daudi mba. Inzi Yahova, mali kovora.”

Jeremia 26:19

Mwami Hezekia navandu vi Ivuyuda siviita Mika mba. Navuzwa, Hezekia yaaha Yahova luyali kandi nageriza koyeeka kuliyaanzilira lilie. Maku Yahova yagirung'anyia zing'anagani zizie kigira kivi chayaali navooye alaleeta kuvo. Kalunu koveeye ahimbi koleta kivi chilitiihiza kukunyi aveene.”

Jeremia 36:31

Ndakahaane amageri ku ivi, visukululwi vivio, kandi avanene vovo kigira uvwoni vwa mumali kokora. Ivi anoho avandu va Jerusalemi ni Ivuyuda si mwahulira lieganihiza liange mba. Kulwayago, ndakaleteku munyi vosi kivi cha mali koleta kuli litihiza.”

Jeremia 44:7

“Kunangwa, Inzi Yahova Wuvunyali, Nyasaye wa avandu va Isiraeli, kalunu muteeva ndi, kigira ki mwekolelaa munyi aveene vindu vidamanu kuli yivi? Mwenya koleta lidiviza ku avasaza na avakali, avana vasoleri kandi avana avadoto, kunangwa mundu ku avandu vinyu avuli kutigala?

Nahum 1:14

Yaga nigo ga Yahova amali kulaga kolondekana na vandu va Asiria. Sivalakave ni visukululwe vilizizagiliza lieta liavo mba. Ndakadivizi vifananyi viveeye mu matemberi ga vanyasaye vaavo. Nombaa kilindwa cha vandu va Siria; sivadukanaa komenya mba!

Habakuk 2:16

Munyi kandi mulava mu zisoni havogono hu kuva nu luyali. Munyi mulakanwi kandi mulakagende ni muyekayeka. Yahova alakahaane mageri ku munyi kuli gamudukira, kandi luyali lwinyu lulakagirunganywi kuva lichaya.

Livalidza 16:38

Ziagwa zindakatifu lwa zialetwa ku vwali vwa Yahova. Kunangwa vugula zinju yizi kutura ku vandu viitwa kigira vwoni vwavo aveene, uziduyi zive zisahani zing'erere ma uzilombe zive ziu kufuma ku vwali. Yili lilava lieganihiza ku vandu va Isiraeli.”

Matayo 27:25

Avandu vosi vavoola, “Amasahi geege gave ku kunyi, kandi ku vana viitu!”