Habakuk 1:8 - KITABU KITAKATIFU

⁸ “Zibarasi ziavo ziveeye ni zimbiru kuvita zingo, kandi ziveeye zinduru kuvita vivwi viveeye ni inzara. Avahiri vi zibarasi vazaa ni vanini kuzio kutura muvivala viveeye ihale; zibarasi ziavo zikwatula malova. Viika kutura ku zibarasi vwangu kuli kihungu kigumi via kihiimaa.

Habakuk 1:8 ပူးပေါင်းရင်းမြစ်များ

Ayubu 9:26

Livamwoyo liange livitaa vwangu kuli liato lia vwangu ligali, kuli indizu yikaa vwangu kumamira kifoyo.

Isaya 11:14

Vombi harara vatangilira Avafilisitia ku lovega lwi madioli nukulanya avandu vamenyaa ku lovega lwi Ivugwi. Valaguuta avandu va Edomu na Moabu, kandi avandu va Amoni valavatia.

Jeremia 4:13

Henza, musigu yaza kuli amalesi. Amagare geege gu vulwani gaveeye kuli imbuza yi kiihi, kandi zibarasi zizie zinyagura vwangu ukuvita izindizu. Kwagota! Kandi kwadiva!

Jeremia 48:40

Yahova umali kulaga ndi ihiiri ilabuluka kuli indizu na ilavaambula zimbaha ziayo ku kivala cha Moabu,

Jeremia 5:6

Kulwayago avasigu valaza kutura mu militu kuli zisimba nukuviita, kandi valaza kulia vivwi kutura mu changalangwi nu kuvatandulanyia mu vidonye. Avasigu yava valavagoneka kuli zingo mu madaala gaavo. Niiva avandu yava valatura ichova, valatandulanywa mu vidonye kigira uvwoni vwavo voveeye uvunyingi. Vuli ing'inga vagirung'ana kutura ku Nyasaye.

Jeremia 50:42

Vamali kuvugura uvuta vwavo nivivavi; vaveeye avalulu kandi vugira zimbavasi. Vahulirika kuli inyanza ihuuma, lwa vahiraa zibarasi ziavo. Vaveeye avetegeke kulwaana vandu va Babiloni.

Lisyoma lya Jeremia 4:19

Avasigu viitu vanyagura zimbiru kuvita zindizu ziu mwigulu; vakukunga kuvitira ku vigulu kandi vaakogoneka mwigendanyama.

Ezekieli 17:12

“Oteeve avandu vukwibaara yava ndi: munyi mwamanya lugano yilu chalovoolaa? Uvavoolere ndi, Mwami wa Babiloni yaza Jerusalemi ma navugura Mwami harara navatumikiri veve navahira Babiloni.

Ezekieli 17:3

kunangwa vaduuki kumanya aga inzi Yahova Wuvunyali mboraa kuvo: Yaliho Indizu enene ligali na mavaha malahi ligali kandi zimbaha zindambi ligali ziavambuka. Indizu yiyi yaaburuka nizia ku vigulu via Lebanoni kandi nivunaga endongozi yu musaala gwu mudaragwa,

Ezekieli 26:11

Avasikari vaavo viliihi naviitili avandu vinyu mu zinzira zienyu. Zitiru zienyu zie zinguru zilagwa hasi.

Hosea 8:1

Yahova avoora, “Ukubi kisiriva! Avasigu vaza mukivala change kuli zindizu! Avandu vange vavunanyia lilagana lia inzi ndalomba navo kandi vamali kwibaala ku lilaga liange.

Nahum 2:5

Alaangaa miganda ja vasikari veve, navuzwa vagenda ni visigatira kunzira. Vanyagura kuzia ku lidigi lie lidaala; vetegeki ni zinguva ziavo ziu vulwani.

Zefania 3:3

Aviimiliri valio vafuuma kuli zisimba, avakalagi valio vaveeye kuli vivwi viveeye ni inzara, avahuvali valiza kali kigumba kuduuka mugambazuri, si vanyara koleka kali kigumba mba.

Matayo 24:28

“Havundu hi miviri mikuzu jiveeye niho ahi zindizu zievungizaa.

Luka 17:37

Hene yaho, aviigi vamuteeva, “Ni hayi, Mwami?” Yeso yavativulira, “Ahu muviri guukuzi goveeye, ahene yaho zisoti zivuganiraa ho.”

Kwidzulitsa 28:49

Yahova alaleeta zihiiri ku munyi kutura ihale, ku keheri chi lirova, ihiiri ya munyi mutamanya lulimi lwayo. Valaza hasi vwangu ku munyi kuli liburuka lie kihungu;