Habakuk 1:6 - KITABU KITAKATIFU

⁶ Nziza kuhaana zinguru ku vandu va Babiloni, avandu valulu, vataveeye ni lisosa. Vagenda ni kivigu mu kivala nu kuguuta vwami vundi.

Habakuk 1:6 ပူးပေါင်းရင်းမြစ်များ

2 Avami 24:1

Lwa Jehoyakimu yaali mwami wi Ivuyuda, mwami Nebukadineza wa Babiloni yingilira kivala chi Ivuyuda, ku mihiga givaga, Jehoyakimu yanigwa kuva haasi hu vwamihi vwa Nebukadineza, maku, ni yibaala.

2 Avami 24:2

Yahova yatuma miganda ji liihi lia vandu va Babiloni, Vasiria, Vamoabu, Vamoni kuzia kulwaana Jehoyakimu nu kudiviza kivala chi Ivuyuda, kuli Yahova yaali navooye kuvitira mu vatumikiri veve avaporofeti, gayenyaa kokora.

2 Kyetsinyinga 36:17

Kunangwa Yahova yaleeta mwami wa Babiloni kuvingilira. Mwami zana yita avayaayi vi Ivuyuda, kali yavo avaari mu Litembeli lia Yahova. Si yaali niliverera ku mundu woosi, muyaayi anoho musakulu, musaza kinga mukali, mulwaye anoho mulamu mba. Nyasaye yavahana vosi kuye.

2 Kyetsinyinga 36:6

Lwa Jehoyakimu yaali mwami wi Ivuyuda, mwami Nebukadineza wa Babiloni yingilira kivala chi Ivuyuda, nagumira Jehoyakimu naamuvoha ni minyororo ma naamuhira Babiloni kuli muhambe.

Isaya 23:13

Sivali vandu va Siria mba, navuzwa vaali vandu va Babiloni valeka zinyama ziu muvulimu nizimenya mu Tiro. Vingilira, nivasambula zimbinga zia Tiro, kandi nivaleka lidaala yilio mu mang'anye.

Jeremia 13:20

Avandu va jerusalemi, heenzi! Avasigu vinyu vazaa kutura Ivaale! Vaveeye hayi avandu vaviikwa kumulinda, avandu va mwigingiliraa ku?

Jeremia 21:4

vavoolere Zedekia ndi Yahova, Nyasaye wa avandu va Isiraeli avoora, “Zedekia nziza kuguuta liihi liilio ililwanaa mwami wa Babiloni harara ni liihi lilie. Inzi ndavungiza viugi viavasikali vinyu hagati hilidaala.

Jeremia 21:7

Navuzwa ivi, navatumikiri vovo, harara navandu vahononoka muvulwani, inzara, kandi nuvulwaye, munyi mwosi mulagumirwa nu mwami Nebukadineza kandi navasigu vinyu avenya kumwita. Nebukadineza yaza namwiiti. Sialileka mundu kali mulala kumunyi anoho kumumanyia zimbavasi anoho liverererwa mba. Inzi, Yahova mali kovora.”

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 30:5

“Inzi ndaahulira lilira liukutihiza, lilira liuvuti kandi litaveeye liemirembe.

Jeremia 4:11

Ing'inga yiza lwa avandu va Jerusalemi navavolerwe ndi imbuza yumuliru ihuuzaa kutura muchangalangwe kuzia kolovega lwavo. Siilakave imbuza yagalaha ihuuzaa vuzwa umukuzi mba.

Jeremia 4:6

Muvuki muzie Ziyoni! Mwiruki muhonywe! Mutalindagira mba! Yahova aletaa kivi kandi ilidivizwa linene kutura Ivaale.

Jeremia 4:8

Kunangwa mwiviki zinguvu ziamagunia, muliri kandi musiome; kigira vutima vululu vwa Yahova vukikiri kugirung'ana kutura ku avandu vi Ivuyuda.

Jeremia 5:15

Avandu va Isiraeli, Yahova aletaa ihiiri kutura ihale kumwingilira. Eveeye ihiiri yizingulu kandi iyakale ligali, lulimi lwavo simulumanyi mba:

Jeremia 8:10

Kulwayago ndahaana milimi jaavo ku avandu vandi kandi avakali vaavo valahevwa avasaza vandi. Vuli mundu, munene kandi mukekeeke alageriza kolomba amabesa munzira itaveeye isuuvirifu. Kali avaporofeti na avasaalisi vagada avandu.

Ezekieli 16:40

“Navakole muganda gwa vandu kumwingilira nu kumulasa na magina kandi navamukalanyie mu vidonye ni vivavi viavo.

Ezekieli 21:31

Vutima vwange vululu vulamusaliriza kuli muliru. Ndakuvika mu makono gavandu valulu avamanya kudiviza ligali.

Ezekieli 28:7

Ndaleta avasigu vukutihiza kuza kukwingilira. Valakulwaana nukwononyia vindu vivio vilahi via wanyoola novogeri vuvwo, kandi nuvutugi vuvwo vwosi.

Ezekieli 31:12

Avageni vi zihiiri vukutihiza valagotema kandi valagoleka. Zisia ziagwo kandi amatu gagwo galavunguluka ku vuli kiguru kandi livona mu kivala. Zihiiri ziosi iziamenyaa mu chiriri chagwo zilagoleka.

Joeli 2:3

Ziliizaa vitagwa kuli muliru. Imbiri wazio kivala keveeye kuli mulimi gwa Edeni, navuzwa inyima wazio keveeye ichangalangwi kigumba. Sikeveho kinyala kohononoka mba.