Habakuk 1:15 - KITABU KITAKATIFU

¹⁵ Avandu va Babiloni vagumira vandu ni zindoani kuli zisuzi. Vavang'usaa kutura mumuluvo kandi vahanzuka nu vusangali kuli vavagumiyi!

Habakuk 1:15 ပူးပေါင်းရင်းမြစ်များ

Zaburi 10:9

Agonekaa machiriri mu ahukwivisa hehe kuli isimba. Agonekaa machiriri aduuki kuhamba vadaka. Agumiraa avadaka mu mitego jije nukuvakwesa.

Isaya 19:8

Vuli mundu woosi onyoora lilia lilie kutura ku liluva zisuzi mu mugera gwa Naili alava ni liverera kandi alalira; kigira zindohani ziavo kandi zineti ziavo si zilava kindu imbiri wavo mba.

Jeremia 16:16

Yahova avoora, “Nziza kutuma avaruvi vanyingi vaze vagumiri avandu yava. Maku ndatuma avahizi vanyingi vaze kuvahima kutura mu vigulu kandi mu tugulu kandi kutura mu zimbinga ziezinyanda.

Jeremia 5:26

“Avandu vadamanu vamenyaa hagati ha avandu vange; viivisi nukulindilira kuli avasaza vategi umutego vagumiri amanyonyi, navuzwa vamali kotega mitego jaavo kugumira avandu.

Jeremia 50:11

Yahova avoora, “Avandu va Babiloni, munyi mwalanya kivala change. Munyi muveeye nuvuyanzi kandi nuvusangali, muzizaa yiyi na yiyi kuli eng'ombe esenasena vuswage anoho kuli muliviti gwi zibarasi,

Ezekieli 25:6

“Yaga nigo aga Yahova Wuvunyali avoora: Mwakubaga makono kandi nimutumagira kigira vusangali. Munyi mwalegeliza kivala cha vandu va Isiraeli.

Ezekieli 26:2

Yavoola, “Mwana wu Mundu,” Yiki nicho kigira vandu va Tiro vasangala. Vahanzuka nivavoora, “Jerusalemi imali kudivizwa! Likiranyia lialio lie zinguru limali kohera! Si valahingana kandi nikunyi mba.”

Ezekieli 35:15

kuli mwasangalira lidivizwa lia vandu Vaisiraeli miandu jange, kunangwa inzi ndamukora kuva hazwa, kiguru cha Seiri, yee, kivala choosi cha Edomu, ndakikola kuva hazwa. Maku vuli mundu woosi alakamanye ndi inzi mbeeye Yahova.”

Amosi 4:2

Kuli Yahova Nyasaye Wuvunyali umali kwisuuha ku lieta lilie litakatifu ndi, “Madiku gaaza ku munyi lwa kunguswa ni zindoani, na vuli mulala munyi alavugulwa kuli zisuzi ku zindoani.

Habakuk 1:14

Kigira ki okolera vandu kuli zisuzi anoho kiganda chi viguguli vitaveeye nu mwamihi kuvimilira?

Habakuk 2:5

Vutugi voveeye vugadi. Avandu vahuvaalu vaveeye ni liekonya kandi sivituuliraa mba. Vaveeye kuli likuza kigira si vaguuta mba. Nicho kigira nivaguuta zihiiri.

Matayo 13:19

Ku vosi uhuliraa likuva liu vwami, na avula kulimanya, aveeye kuli uvuguza vwamizwa nivugwa kunzira. Mudamanu yazaa mamunyaga iliamiizwa mu mwoyo gwigwe.

Matayo 17:27

Navuzwa, kigira sikwenyaa kwikigitariza avandu yavo, zia ku inyanza ulimbiki izisuzi; uvuguli isuzi itangaa kugumirwa, ukunuli munwa gwayo, na ulanyora mu mabese gadukanaa kutunga uvusuru vwi Litembeli. Vugula agene yago uzie kutunga uvusuru vwitu.”

Likunula 11:10

Avandu vamenya mu lirova, valayanzizwa nu kusangara ku likuza liavo kandi valahaanilana vihaanwa kigira avaporofeti vaviri yavo avaleeta uvusaliri ovonene ligali ku avandu vamenya ku lirova.