Ezekieli 9:8 - KITABU KITAKATIFU

⁸ Lwa vaali nivazizagilira kwita, inzi ndaahononoka. Ndaagwa hasi mamumama kandi nindira nembora, “Mwami munene Yahova, ivi oveeye nu vutima ligali na vandu va Jerusalemi na uzizaa kwita vuli mundu woosi uwatigala mu Isiraeli?”

Ezekieli 9:8 ပူးပေါင်းရင်းမြစ်များ

Litanga 18:23

Aburahamu yisunda ahimbi na Yahova ma nateeva, “Uladiviza vadamanu harara na valungi?

1 Kyetsinyinga 21:16

Daudi yalora engelosi nasingiyi mu vwerefu hagati, nagumiyi kivavi chiche mu mukono gwigwe, niyetegeki kudiviza Jerusalemi. Maku Daudi na aviimiliri va avandu, vosi avaari niviviiki zinguvu zia magunia, vaagwa haasi mamumama.

Ezara 9:5

Lwing'inga yaduuka yu kuhaana kisiuviriru cha mugorova, ndaasingira kutura handaali ninzikaye mu vovereri, kandi ndaali ningikiri ni zinguvu ziatanduka. Ndaasigama hasi mu lisaala kandi ning'inga makono gange ku Yahova Nyasaye wange.

Jeremia 14:13

Maku ndaavoora, “Ai Yahova Nyasaye, ivi umanyi ndi avaporofeti vavoolera avandu ndi, vulwani si vulakaveho mba anoho inzara, kigira ivi umali kuvasuuviriza. Vavoola ndi, umurembe gweng'ine nigwo gulivaho mukivala chietu.”

Jeremia 14:19

Yahova, ivi umali kusuura Ivuyuda ligali? Umali kudunyira avandu va Ziyoni? Kigira ki ivi umali kusaliriza kunyi vudamanu ligali na si kunyala kohona mba? Kwahenzelera mirembe, navuzwa kindu kilahi si chekoleka mba. Kwegomba kohonywa, navuzwa mu vogono vwene yivwo litihiza liaza.

Jeremia 4:10

Maku ndavoora, “Yahova Wuvunyali, ivi umali ligali kovehera avandu va Jerusalemi! Umali kovora mirembe jilavaho, navuzwa kivavi kilaviita.”

Ezekieli 11:13

Lwa ndaali nemporofetaa, Pelatia yagwa hasi nakuza. Ndaagwa hasi mamumama kandi nimbanzuka nimbora, “Awa Mwami munene Yahova! Uzizaa kwita vuli mundu watigala mu Isiraeli?”

Ezekieli 4:14

Maku ndaamutivulira, “Ah Mwami Munene Yahova! Inzi sindayeyononyia ku kali hakuzu mba. Kutura mu vosooleri vwange kuduuka kalunu ndi, inzi sindaalia ku kindu choosi chaakuza anoho ichiitwa ni zinyama ziu muvulimu mba, anoho si ndaaliaku inyama yukuvihiririza mba.”

Ezekieli 7:8

“Nonoho kalunu vuliduhu vwu uvutima vwange vulava ku munyi. Inzi mukalagiraa ku gamumali kokora, kandi ndamutunga ku miyinzi jinyu josi jukuvihiliriza.

Livalidza 14:5

Maku Musa na Haruni vinama hasi imbiri wa vandu vosi va Isiraeli.

Livalidza 16:4

Lwa Musa yahulira yaga, yagwa hasi mamumama nasaara,

Livalidza 16:45

“Singira ihale kutura ku vandu yava, na ndavadiviza lwene yilu!” Vombi vinama hasi, nu vweni vwavo vwaduuka kumalova,

Kwidzulitsa 9:18

Maku ndaagwa hasi kandi mamumama imbiri wa Yahova kuli maziambiri ku madiku arubaini na sindaalia anoho kunwa kindu kali hakuzu mba. Ndaakola ndio kigira mwaali nimwoni ku Yahova kandi nimumuvihilirizi.

Joshua 7:6

Joshua harara na viimiliri va Isiraeli vatandula zinguvu ziavo mu vovereri, nivagwa hasi mamumama imbiri wi Lisandugu lie Lilagana, nivava ho kuduuka hamugorova, niviiyuhiyi uluguchi ku mitwi jaavo kumanyia ovovereri.