Ezekieli 9:6 - KITABU KITAKATIFU

⁶ Mwiti avasaakulu, avayaayi avasoleri kandi avakaana vasoleri, avakali kandi avana vakekeeke. Navuzwa mutadiiri ku mundu woosi oveeye ni kelolero ku vweni vwivwe mba. Mutangili hano mu Litembeli liange.” Kunangwa vatanga kwita aviimiliri vaali nivasingiyi ha Litembeli.

Ezekieli 9:6 ပူးပေါင်းရင်းမြစ်များ

Litanga 4:15

Navuzwa Yahova yavolera Kaini, “Si gaveeye ndio mba. Niiva mundu woosi alakwita, ndavanza kisaalia kuye haali saba.” Kunangwa Yahova yavika kimanyiru ku Kaini kwiganihiza mundu woosi umunyoola avuli kumwita.

2 Kyetsinyinga 36:17

Kunangwa Yahova yaleeta mwami wa Babiloni kuvingilira. Mwami zana yita avayaayi vi Ivuyuda, kali yavo avaari mu Litembeli lia Yahova. Si yaali niliverera ku mundu woosi, muyaayi anoho musakulu, musaza kinga mukali, mulwaye anoho mulamu mba. Nyasaye yavahana vosi kuye.

Kutwula 12:23

Lwa Yahova avitira mu Egebeti ukwita vandu va Egebeti, alalora amasahi ku maliva gi miliango kandi ku vibaho vie miliango zie zinyumba, na alavita ku viliango, kandi sialavugilira Engelosi kwingira mu zinyumba zienyu nukukwita vayaayi vinyu mba.

Jeremia 16:6

Avatugi navadaka valakuza mu kivala yiki, navuzwa siaveeyeho kali mulala ulivasiomera anoho kuvayavira mba. Siaveeyeho kali mulala ulakikale mwene anoho kovega mutwi gwigwe kumanyia ovovereri mba.

Jeremia 25:29

Ndatanga miyinzi jange ju kudiviza lidaala linene liange mwene. Vasuviraa valahononoka kuhevwa amageri? Awa, valahevwa amageri, kigira ndatuma vulwani ku avandu vosi avaveeye ku lirova. Inzi Yahova Wuvunyali mali kovora.

Jeremia 44:7

“Kunangwa, Inzi Yahova Wuvunyali, Nyasaye wa avandu va Isiraeli, kalunu muteeva ndi, kigira ki mwekolelaa munyi aveene vindu vidamanu kuli yivi? Mwenya koleta lidiviza ku avasaza na avakali, avana vasoleri kandi avana avadoto, kunangwa mundu ku avandu vinyu avuli kutigala?

Jeremia 44:8

Kigira ki mungolaa nimba nu vutima ku Lisigamira vifananyi kandi ku lihaana visiuviliru ku avanyasaye vandi mukivala cha Egebeti, havundu ha muuzi komenya? Mukoraa yaga kunangwa muduuki kwidiviza munyi aveene, kandi vuli ihiiri ku lirova iduuki kumukolera kehenyahenye kandi kutumikira lieta lienyu kuli kilaamo?

Jeremia 6:11

Uvutima vuvwo kuvo vwaka kandi mu inzi, Yahova sinyala kuvuviika kandi mba.” Maku Yahova yambolera, “Manyia uvutima vwange ku avana muzinzira kandi kuviduma via vasoleri. Avasaza na vakali valahirwa ihale kandi avakulundu sivalahononoka mba.

Jeremia 9:21

Likuza liayingira kuvitira mumadirisia kandi liziiyi muzinyumba zietu ziuvwami; liiti avana kuzinzira, kandi avasaza vasoleri liviti.

Ezekieli 11:1

Roho wa Nyasaye yang'inga igulu kandi nambira mu kirivwa chi Ivugwi chi Litembeli. Hene yaho ahimbi nikilivwa ndaalora avasaza 25, harara na Jaazania mwana wa Azuri, Pelatia mwana wa Benaya na aviimiliri vaviri vi kivala.

Ezekieli 9:4

“Zia mu lidaala linene lia Jerusalemi liosi na uviiki kelolero ku vweni vwa vuli mundu overeraa kandi usiomaa kigira vindu viosi viu kuvihiliriza vikoleka mu lidaala yili.”

Ezekieli 9:5

Kandi ndaahulira Nyasaye navolera vandu vandi, “Mumulonde kuduuka mu lidaala linene, kandi mu mwiti. Mutaleki mundu kali mulala mba; kandi mutavererera mundu kali mulala mba.

Amosi 3:2

“Kuzihiiri ziosi ziokulirova, munyi nivo mweng'ine avadamanya nukuvalinda. Yiki nicho kekolaa uvwoni vwinyu kuva vudamanu ligali. Yiki nicho kigira muhe amageri malulu ligali.”

Luka 12:47

“Navuzwa mutumikiri oyo umanyi uvulariri vwu Mwami weve, navuzwa siyetegeka anoho akole kuli Mwami yenya, oyo alanyoola likuywa linene ligali.

Kwidzulitsa 2:34

Ku Ing'inga ndala nzere kwagumira kandi nikudiviza vuli lidaala, nikwita, avasaza vosi, avakali, kandi avana. Sikwaleka kali mulala.

Kwidzulitsa 3:6

Kwagadiviza goosi ligali kuli kwakora ku Sihoni mwami wa Heshiboni, kwiita avandu vosi, avasaza, avakali, kandi avana vosi.

Kwidzulitsa 32:23

“ ‘Ndaleta amaduywa gataveeye nekeheri kuvo.

Likunula 14:4

Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.

Likunula 7:3

Engelosi yavoola, “Mutononyia lirova anoho inyanza, anoho imisaala, kuduuka kutange kuviika umuhuri mu uvweni vwa avatumikiri va Nyasaye wiitu.”

Likunula 9:4

Ziavolerwa na Nyasaye ndi zitononyia uvulimu vwi lirova, anoho kindu choosi ekeveeye kivisi, anoho umusaala kali mulala; navuzwa ziononyie avandu vataveeye nu umuhuri gwa Nyasaye ku uvweni vwavo.

1 Samweli 15:3

Zia wingiliri avandu va Maleki na udivize ligali vindu viosi via vaveeye navio. Mutavalekela kindu kali kilala mba. Mwiite avasaza, avakali, avana vosi kandi avana vadoto vosi; zing'ombe, amagondi, zing'amia kandi zibunda ziosi.”