Ezekieli 9:2 - KITABU KITAKATIFU

² Nonoho avasaza sita vaza kutura kunzira ya higulu, kulovega lwi kirivwa cha Ivaale. Vuli mulala kuvo yaali nagingi ichugi. Harara navo, yaliho nu mundu uwaali niyiviiki inguvu yu luvaala, kandi nagiingi kindu chu kong'odera. Vosi vaza nivasingila ha vwali vwu mugasa.

Ezekieli 9:2 ပူးပေါင်းရင်းမြစ်များ

2 Avami 15:35

Navuzwa havundu hu kusigamira misambwa sihononywa mba. Avandu vazizagilira kuhaana visiuviliru nu kusaamba vimuli ahene yaho. Yaali Jozamu uwaakola zinguru kwumbaka kirivwa cha ivaale chi Litembeli lia Yahova.

2 Kyetsinyinga 27:3

Yaali Jozamu uwumbaka kirivwa cha Ivaale chi Litembeli kandi naakora miyinzi minene ju kwumbaka ku lidigi lie lidaala linene mu losoma lwa Jerusalemi ulwaalangwa Ofeli.

2 Kyetsinyinga 4:1

Mwami Solomoni yalomba uvwali vwu mugasa uvutambi zimita 9 uvugalamu zimita 9 na uvudiguluku igulu zimita 4.5.

Kutwula 40:29

Uwene yeyo, imbiri wi isuuka, yavika yo uvwali vwu kusambira ku vihaanwa, yitira ku kisiuviriru chukusambwa kandi nahaanira ku kihanwa chu vuswage, kuli Yahova yaali naamulagi.

Jeremia 1:15

kigira ndalaga zihiiri ziosi kuza kutura Ivaale. Avami vaavo valalomba uvwami vwavo ha vwingiliru vwi virivwa via Jerusalemi, kandi ku zimbega ziosi zia amadigi, kandi ku zimbega ziosi zia amadara gi Ivuyuda.

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 26:10

Maku lwa aviimiliri vi Ivuyuda vahulira agekoleka, vadidikana kutura munyumba yu vwami ni vazia mu Litembeli nivikara mu kirivwa kihia.

Jeremia 4:6

Muvuki muzie Ziyoni! Mwiruki muhonywe! Mutalindagira mba! Yahova aletaa kivi kandi ilidivizwa linene kutura Ivaale.

Ezekieli 10:2

Nyasaye yavolera mundu yaali ni yiviiki inguvu yuluvaala, “Uzie hagati ha magurudumu isi wa vakerubi ma uvuguli amanda gu muliru ugasalanyie mu lidaala linene.” Ndaalora mundu uyu nazizaa.

Ezekieli 8:3

Kelombe yiki chanyiira mukono nigudiila liisu ku mutwi gwange. Maku mu malola yaga Roho wa Nyasaye yang'inga igulu mwigulu niyambila mu Jerusalemi. Yambira mugati mwuvwingiliru vwa Ivaale vwi Litembeli, ahikifananyi chukuvihiliriza ku Nyasaye chaali.

Ezekieli 9:11

Maku mundu yaali niyiviiki inguvu yu luvaala yirana navoora, “Inzi mali kokora kuli wandaga.”

Ezekieli 9:3

Maku uvukumi vwa Nyasaye wa Isiraeli vwazia Igulu kutura ku vakerubi, nivuzia kuvwingiliru vwi Litembeli. Yahova yalanga mundu waali niyiviiki inguvu yu luvaala navoora,

Danyeli 10:5

Ndahenza igulu nendoraa umundu yiviiki zinguvu zie ikatani, kandi mu kesinde chiche yaali yevohi musibi mulahi gwi izahabu indahi kutura Ufazi.

Danyeli 12:6

Mulala kuvo yateeva engelosi yaali ni singiyi ihale ku luginga lwu mugera niyiviiki inguvu yi ikatani, “Vindu viu kogenya yivi vilavaho kuduuka ing'inga ki?”

Kyavalevi 16:4

Haruni nakikiri kwingira havundu hatakatifu ligali, kuduuka yisingi muviri gwosi kandi yiviiki zinguvu ziuvusalisi yizi: Iganza ni suruhali yi katani, musibi gwi katani ne kelemba chi katani. Yizi nizinguvu zindakatifu.

Amosi 9:1

Ndaalora Yahova nasingiyi ahimbi nu vwali. Yahaana malago navoora, “Ukuya vudinyu mitwi ji zitiru zie Litembeli kunangwa imise jiduuki kodegera. Uvunanyie mitwi zana mu vidonye, ma oleke vigwi ku mitwi ja avandu vosi. Ndaza nzite avandu vandi vosi avamanya vatigale mu vulwani. Mundu kali mulala si aliruka, kandi mundu kali mulala sialahononoka mba.

Likunula 15:6

Zingelosi saba yavo avaari ni vagingi vulwaye saba vaatura mu Litembeli, niviviiki zinguvu zindavu ni zing'ereng'ana, kandi nivevohi zingova zie zahabu mu viritu viavo.