Ezekieli 9:1 - KITABU KITAKATIFU

¹ Maku ndaahulira mwoyo gwa Nyasaye niguhanzuka, “Hambi hano, munyi avandu vamuziza kuhana mageri ku lidaala linene. Vuli mulala agingi kivavi chiche.”

Ezekieli 9:1 ပူးပေါင်းရင်းမြစ်များ

2 Avami 10:24

Maku oyo na Jehonadabu vingira mu ukuhaana visiuviliru kandi ni vihaanwa viu kusambwa ku Baali. Yaali naviiki avasaza samanini ichova wi litembeli kandi yaali navaheeye malago ndi: “Gamudukira mwiti avandu yava vosi; ku woosi oleka mulala kuvo azonoke alatungaa ni livamwoyo lilie!”

1 Kyetsinyinga 21:15

Maku yatuma engelosi kudiviza Jerusalemi, navuzwa yagirung'anyia zing'anagani zizie kandi navolera engelosi, “Lekera! Yago gaduuki!” Engelosi yaali nasingiyi ku loze lwa Arauna, kutura Jebusi.

Kutwula 12:23

Lwa Yahova avitira mu Egebeti ukwita vandu va Egebeti, alalora amasahi ku maliva gi miliango kandi ku vibaho vie miliango zie zinyumba, na alavita ku viliango, kandi sialavugilira Engelosi kwingira mu zinyumba zienyu nukukwita vayaayi vinyu mba.

Isaya 6:8

Maku ndahulira Yahova navoora, “Nivwaha wanyala kutuma? Kandi nivwaha unyala kuva mutumwa wiitu?” Maku ndavoora, “Inzi mbeeye hano nduma!”

Jeremia 4:6

Muvuki muzie Ziyoni! Mwiruki muhonywe! Mutalindagira mba! Yahova aletaa kivi kandi ilidivizwa linene kutura Ivaale.

Ezekieli 43:3

Amalola yaga gaali kuli amalola gandalola lwa Nyasaye yaza kudiviza lidaala lia Jerusalemi, kandi kuli amalola gandalola ahimbi nu mugera gwa Kebari. Maku ndaagwa hasi mamumama.

Likunula 14:7

Yavoola kandi nu mwoyo umunene, “Muhe Nyasaye luyali kandi mumukuminyi, kigira ing'inga yi likalaga lilie imali kuduuka. Musigamiri uyu walomba ligulu, lirova, inyanza, ni ivisinukiru via amazi.”