Ezekieli 8:17 - KITABU KITAKATIFU

¹⁷ Maku Yahova yambolera, “Mwana wu Mundu, ololaa yaga? Avandu vi Vuyuda yava vakikiri kuduukira mu likora vindu viosi viu kuvihiliriza via ivi umali kolola yaaha kandi nokokola kirage mu kivala choosi. Awa vaduukana vaaze kuvikolera mu Litembeli nokongola kali kuva nu vutima vunyingi ligali? Henza kuli vanyega mu liiva liosi liokokola uvudamanu!

Ezekieli 8:17 ပူးပေါင်းရင်းမြစ်များ

Litanga 6:11

Vuli umundu yaali mudamanu imbiri wa Nyasaye kandi kirage chaali havundu hoosi.

Litanga 6:13

Nyasaye yavolera Nuhu, “Inzi mali kotovola kudiviza avandu vosi. Ndavadiviza ligali, kigira lirova lizuuyi vikolwa viavo vikirage.

2 Avami 21:16

Mwami Manase yita avandu vanyingi ligali avaari vugira kisaalia, kuduuka kali zinzira zia Jerusalemi zidorokaa amasahi; yakola yaga komeeda ku limilira avandu vi Ivuyuda mu lisigamira vifananyi navakola kokora uvwoni imbiri wa yahova.

2 Avami 24:4

na kuvita ligali kigira avandu va yaali ni yita avatali ni kisaalia kuvo. Yahova siyaali unyala kusamiha Manase ku yaga mba.

Jeremia 19:4

Nziza kokora yaga kigira avandu vamali kondeka kandi vononyi havundu yaaha nukuhaana zisadaka zievisiuviliru ku vanyasaye vandi - Yavo aveene anaho avaguuga vaavo anoho avami vi Ivuyuda sivamanyi kindu kigira avanyasaye zana yavo mba. Vamali kwita vandu vatali nimbala havundu yaaha,

Jeremia 20:8

Lwa molomanga, nzanira ku ivi kandi mbanzukanga, “Kirage! Kandi vwoneku!” Yahova, inzi mali koleganywa kandi kokolelwa kehenyahenye vuli ing'inga kigira nandizaa likuva liilio.

Jeremia 44:3

kigira avandu va madaala yaga vaakora uvudamanu kandi vaangora kuva nu vutima. Vahaana visiuviliru ku avanyasaye vandi kandi nivatumikira avanyasaye vavavula kumanya anoho avavaguuga vaavo vavura kusigamira.

Jeremia 6:7

Kuli kidaho kilinda mazi gacho vulahi, nindio avandu va Jerusalemi valinda uvudamanu vwavo vulahi. Mbulira kilage ligali niliononyia mu lidaala; ndolaa uvulwaye nizingwagu.

Lisyoma lya Jeremia 1:5

Avasigu vaavo vaguuta, vavaviiki mu zinguru ziavo. Yahova uvakoli kusalira kigira uvwoni vwavo vunyingi. Avana vaavo vamali kugumirwa nukuhirwa ihale muvuhambe.

Ezekieli 11:6

Munyi mumali kwita vandu vanyingi mu lidaala linene yili kunangwa miviri javakuzu jizuyi muzinzira du.

Ezekieli 16:26

Mwasigamira avanyasaye va avandu va Egebeti, avatende vinyu, kandi nimungola kuva nu vutima kigira livula kusuuvira.

Ezekieli 18:12

kudambiza vadaka, kwiva, kuvula kutunga magovi, nu kuzia kusigamira misambwa kandi vifananyi viu kuvihiliriza

Ezekieli 23:25

Kigira mbeeye nu vutima nivi, ndaleka vakole goosi ga vanyara ku ivi mu vutima vwavo. Valakalaga amatu googo kandi amuru googo na valitigala valitwa ni kivavi. Valavugula vayaayi na vakana vovo na valasambwa nu muliru nivaveeye mwoyo.

Ezekieli 28:16

Mu vunyingi vwi likiranyia liilio, yaga gakokola kuva ni kirage kandi kokora uvwoni. Kulwayago, ndaakuniga kutura mu kiguru change kitakatifu, kandi engelosi yakulinda yaakukunga kutura hagati ha magina gu muliru.

Ezekieli 45:9

Yahova Wuvunyali yavoola, “Munyi avamihi va Isiraeli, mwakora uvwoni ku ing'inga indambi! Mulekere kolola kilage kandi lidambiza. Mukore agaveeye amalungi kandi likalaga lirungi. Mutakungi avandu vange vatuli mu kivala chavo kandi mba. Inzi Mwami Munene Yahova muvooleraa yaga.

Ezekieli 7:11

Kirage kemedaa uvuchamu vunyingi. Avandu vaavo, anoho uvuhinda vwavo anoho uvukumi vwavo si navitigale mba.

Ezekieli 7:23

“Vuli kindu keveeye muligoyana kandi kivala chizuuyi avalumindi kandi avandu vikirage vizuye madaala manene.

Ezekieli 8:6

Nyasaye yambolera, “Mwana wu Mundu, ololaa agekolekaa? Henza ku vindu viukuvihiliriza yivi via vandu va Isiraeli vakora hano, kongola kuzia ihale ligali kutura hatakatifu hange. Ulalola kali vindu viukuvihiliriza vinyingi kuvita yivi.”

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Amosi 3:10

Yahova avoora, “Avandu yava sivakora agaveeye amalahi mba, avaviika ivindu via vanura nukwivila avandu mu zinyumba ziavo.

Amosi 6:3

O, kivi keveeye ku munyi ava muvura kuvugilira ndi lidiku lidamanu liekivi liizaa navuzwa gamukolaa galetaa lidiku yili himbi kirage?

Mika 2:2

Lwa vakayirwa imilimi, vajivugula; lwa vakayirwa zinyumba vazivugula; vadambiza umundu na avinyumba yeye, nu kuvugura miandu jije.

Mika 6:12

Avatugi vinyu vanyaga vadaka, kandi munyi mwosi muveeye avagaadi.

Zefania 1:9

Ndakahaane mageri ku vosi avasigamiraa vifananyi kandi yavo avivaa nu kwiita kunangwa vaduuki kwizuliza zinyumba zia vami vaavo ni vindu via valanyi.”