Ezekieli 8:16 - KITABU KITAKATIFU

¹⁶ Kunangwa yambugura niyambila mugati mwu mugizi gwi Litembeli. Hene yaho, ahimbi nu vwingiliru vwi Litembeli, hagati hu vwali nulusimbu, vaaliho avasaza ishilini natano. Vaali nivakubi Litembeli migongo kandi vaali nivinaminyi mitwi jaavo nivahenzi Ivugwi, nivasigamiraa iliuva liali nilitongaa.

Ezekieli 8:16 ပူးပေါင်းရင်းမြစ်များ

1 Avami 8:29

Linda Litembeli yili mbasu nuvudiku, havundu hano ha ivi umali kotovola usigamirwi ho. Yaanza uhuliri lisaala liange lwa nyumika Litembeli yili nukusaala.

2 Avami 16:14

Uvwali vwu mugasa uvwaviikwa halovega kigira uvutumiki vwa Yahova vwali hagati hu vwali vuhia ni Litembeli, kunangwa Ahazi yavusunda ku lovega lwa ivaale wu vwali vwivwe vuhia.

2 Avami 21:5

Mu migizi giviri je Litembeli, yumbaka uvwali vwu kusigamira zing'ereng'ani.

2 Avami 23:11

Yaatuliza ho zibarasi zia vami vi Ivuyuda vaali ni vaviika ku makono zive zindakatifu ku lisigamira munyasaye wi liuva, kandi yasamba magare gatumikirwa mu lisigamira yili. Yivi viavikwa mu mugizi gwi Litembeli ahimbi ni kirivwa kandi ahimbi ni zinyumba zio komenya mu ziu munene walangwa Nazani-Meleki,

2 Avami 23:5

Yaatuliza ho avasaalisi vosi va vami vosi vi Ivuyuda vaali ni vaviika, kuhaana visiuviliru ku vwali vwa vandu vatamanyi Yahova Nyasaye mu madaala manene gi Ivuyuda kandi muvivala iviali himbi na Jerusalemi - avasaalisi vosi avahaana visiuviliru ku Baali, ku liuva, mweli, kandi zing'ereng'ani kandi ku vindi viosi viu muvwerefu.

2 Kyetsinyinga 29:6

Avaguuga viitu sivali avasuuvirifu imbiri wa Yahova Nyasaye wiitu, makandi vaakora agataali amalungi imbiri wa Yahova. Vaatura ku Yahova ma ni vazia kuzinzira ziavo aveene.

2 Kyetsinyinga 7:7

Mwami Solomoni yatakasa hagati humugizi imbiri wi Litembeli lia Yahova, na yahaanira ho vihaanwa vie mirembe kandi vihaanwa viu kusambwa, uvuswage kandi zitinya zie vihaanwa vie mirembe. Yakola ndio kigira uvwali vwu mugasa vwa yaali niyumbaki vwali vokekeeke ligali.

Jeremia 2:27

Munyi vosi mulavikwa mu zisoni, munyi avavoora ndi umusaala goveeye kuli baba winyu, kandi lwanda loveeye mama winyu. Yaga galakoleka kigira mwagirung'ana kuzia ihale kutura ku inzi havogono hukugirung'ana nu kuza ku inzi. Navuzwa lwa muveeye mu vudinyu, muteeva inzi kuza nu kumuhonyia.

Jeremia 32:33

Vamali kugirung'ana kutura ku inzi, kali niiva ndaazizagilira kuvigiza, navuzwa si venya kuhulira kandi kwiga mba.

Jeremia 44:17

Navuzwa kulakola vindu viosi via kwavoola kulakola. Kulahaana visiuviliru ku nyasaye wiitu wi kikali, mwami wikikali wu mwigulu, kandi kulahaana vihaanwa vie Iwaini kuye, kuli kwakora na avaguuga viitu, avami na aviimiliri viitu kuli vakoola mu madaala gi Ivuyuda kandi mu zinzira zia Jerusalemi. Mulikola ndio, kwalange ni viukulia vinyingi; kwagasizwa kandi si kwali nu vudinyu mba.

Jeremia 7:18

Avana vatenya iziingu, na avasaza valomba umuliru na avakali vaduvula uvusie vaduuki kolombera munyasaye wi kikali migadi - ulangangwa ‘Mwami wi kikali wu mwigulu.’ Kandi vahaana vihaanwa vie iwaini ku avanyasaye vandi, kunangwa vaduuki kusinyikiza.

Jeremia 8:2

Vigumba yivi vilakavagalwe ku muvasu kandi ku mweli ni zing'ereng'ani via vayaanza kandi via vatumikira, kandi via venya zing'anagani kutura ku vio, kandi via vasigamira. Vigumba yivi sivilakavungizwi nu kuyavirwa mba, navuzwa vilakave kuli isiina kumalova.

Ezekieli 10:3

Vakerubi vaali nivasiingiyi Isavaalu wi Litembeli lwu mundu uyu yingilamu. Kandi amalesi gakunikaa mugizi gwu mugati gwi Litembeli.

Ezekieli 11:1

Roho wa Nyasaye yang'inga igulu kandi nambira mu kirivwa chi Ivugwi chi Litembeli. Hene yaho ahimbi nikilivwa ndaalora avasaza 25, harara na Jaazania mwana wa Azuri, Pelatia mwana wa Benaya na aviimiliri vaviri vi kivala.

Ezekieli 23:35

Kalunu yaga nigo ga Yahova Wuvunyali avoora, “Kigira ivi umali kunzivilira kandi kungirung'ana, ulanyora mageri kigira uvudamanu vuvwo kandi uvulaya vwuvwo.”

Ezekieli 23:39

Lidiku lilala liere lia vita vana vaavo kuva kuli visiuviliru ku vifananyi viavo, vaza mu Litembeli liange nivalionogonyia! Yaga nigo agavaakola mu Litembeli liange.

Ezekieli 40:28

Maku mundu uyu yambira mugati mwu mugizi gwi kirivwa chi Isavaalu. Yaagera kirivwa yiki na chaali ni ligera lilala liere kuli kirivwa chu mugizi gwi chova.

Ezekieli 40:6

Maku yazia mu kirivwa cholovega lwi Ivugwi, kuduuka ku vika via cho, nagera vwingiliru vwi kirivwa na vwali zimita 3 uvugalamu.

Ezekieli 43:5

Maku Roho wa Yahova yaali ku Inzi, kandi yambira mu mugizi gwu mugati, na ndaalora uvukumi vwa Yahova nivwizuyi mu Litembeli.

Ezekieli 43:8

Avandu va Isiraeli harara na vami vaavo valomba oloze lwavo kandi vigutu viavo vie miliango ahimbi no loze lwange kandi vigutu vie miliango ji Litembeli liange, kunangwa hatigale vuzwa ni lidigi hagati hange navo. Vonogonyia lieta liange Litakatifu ni vindu viu kuvihiliriza via vaakora. Ku lwayago, ndavadiviza mu vutima vwange uvululu.

Ezekieli 45:19

Musaalisi alavugula ku masahi gi kihanwa chu vwoni na avake ku maliva gi kiliango chi Litembeli, mu zikona zine ziu vwali kandi ku vigutu vie kirivwa chu mugizi gwu mugati.

Ezekieli 46:1

Mwami Munene Yahova avoora, “Kirivwa chi Ivugwi chu mugizi gwu mugati kuduuka kihanwe ing'inga ya madiku 6 gi liyinzira, navuzwa kuduuka kandi chigulwi ku lidiku lie lisabato kandi kulisavo liu mweli muhia.

Ezekieli 7:23

“Vuli kindu keveeye muligoyana kandi kivala chizuuyi avalumindi kandi avandu vikirage vizuye madaala manene.

Ezekieli 8:15

Yahova yateva, “Mwana wu Mundu, ololaa yaga? Ulalola kali vindu vinyingi ligali viukuvihiliriza kuvita yivi.”

Joeli 2:17

Avasaalisi avatumikiri va Yahova hagati hu vwali kandi nuvwingiliru vwi Litembeli, kuduuka valiri, vasaale na vavoole: “Yahova, overerere avandu vovo. Utaleka izihiiri zindi zikulege nokokokolera kehenyahenye nokovoora, ‘Aveeye hayi Nyasaye winyu?’ ”

Kwidzulitsa 17:3

ku lisigamira nukutumikira avanyasaye vandi, anoho liuva anoho mweli anoho zing'ereng'ani vindu via Nyasaye yasura,

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.