Ezekieli 8:12 - KITABU KITAKATIFU

¹² Maku Nyasaye yambolera, “Mwana wu Mundu, ololaa agaviimiliri va Isiraeli vakora mu vwivisu? Vosi vaveeye mukeng'oze chizuuyi vifananyi kandi vavisigamiraa. Vavola ndi, Yahova akolola mba! ‘Yahova umali koleka kivala.’ ”

Ezekieli 8:12 ပူးပေါင်းရင်းမြစ်များ

2 Avami 17:9

Visiraeli vakora ivindu mu vuvisi ligali iviavula kuva vilungi ku Yahova Nyasaye wavo. Vumbaka havundu hu kusigamira misambwa mu madaala goosi, kutura ku lidaala likekeeke kuduuka ku lidaala linene kuvita goosi.

Zaburi 10:11

Mundu muchamu avola mu mwoyo gwigwe, “Nyasaye yiiviriiyi! Amolizi zimoni zizie, na sianyala kondola mba!”

Zaburi 14:1

Avandu vasiru vavola mu mioyo jaavo ndi, “Nyasaye siaveeye ho mba.” Vosi vaveeye avadamanu, kandi vamali kokora agukuvihiririza; sihaveeye ho nu mundu kali mulala okolaa agaveeye malungi mba.

Zaburi 73:11

Avandu vadamanu vavoola ndi, “Nyasaye siunyala kumanya mba; Nyasaye oveeye igulu ligali sianyala kumanya aga kokoraa mba.”

Isaya 29:15

O, vayaayi, kivi keveeye ku munyi, avavisaa lienya liavo ku Yahova! Vakora gaveenya mu kisundi ma vaganagana ndi siaveeyeho numulala unyala kuvalola anoho kumanya agavakola mba.

Isaya 47:10

“Mwayanzilira kokora uvudamanu, mwaganagana ndi mundu kali mulala siyaali anyala kumulora mba. Ovogeri kandi limanya lienyu viamugotiza, kandi mwavoora mu mioyo jinyu, ‘Kunyi koveeye Nyasaye, siaveeye ho nu wundi kuli kunyi mba.’

Ezekieli 14:1

Valala ku vimiliri va Isiraeli vaza ku inzi kwenyeleriza zing'anagani kigira lienya lia Yahova.

Ezekieli 20:1

Ku lidiku lie likomi ku mweli gwa katano mu muhiga gwa saba gwu muvuhambe vwitu, valala ku vimiliri va Isiraeli vaza nivikara imbiri wange. Venyeleriza kutura ku inzi kigira lienya lia Yahova.

Ezekieli 8:11

Aviimiliri 70 va Isiraeli harara na Jaazania mwana wa Shafani vaali nivasingiyi imbiri wi vifananyi yivi. Vuli mulala kuvo yaali nagumiyi ikiju cha vasambiraku ivifunyaa umwayu, kandi umwochi gwatura ku vifunya umwayu, niguvuya kuzia mwigulu.

Ezekieli 8:13

Maku Yahova yambolera kandi, “Ulavalola ni vakora kali vindu vinyingi ligali viu kuvihiliza kuvita yivi.”

Ezekieli 8:15

Yahova yateva, “Mwana wu Mundu, ololaa yaga? Ulalola kali vindu vinyingi ligali viukuvihiliriza kuvita yivi.”

Ezekieli 8:17

Maku Yahova yambolera, “Mwana wu Mundu, ololaa yaga? Avandu vi Vuyuda yava vakikiri kuduukira mu likora vindu viosi viu kuvihiliriza via ivi umali kolola yaaha kandi nokokola kirage mu kivala choosi. Awa vaduukana vaaze kuvikolera mu Litembeli nokongola kali kuva nu vutima vunyingi ligali? Henza kuli vanyega mu liiva liosi liokokola uvudamanu!

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Zefania 1:12

“Ing'inga yeyo ndakavuguli itaya nu kwenyeleriza Jerusalemi. Ndakahaane mageri ku vandu visuuvirizaa vene kandi avaluviriri, avevoora ndi, ‘Yahova siakolaa kindu choosi kilahi anoho kidamanu mba.

Vafeso 5:12

Ziveeye zisoni kali kovora vindu via vandu vatatizaa Nyasaye vakora mu vwivisu.

Kwidzulitsa 27:15

“ ‘Alaamwe mundu olomba kifananyi chavazwa anoho kutulwa, ikindu keveeye chu kuvihiliriza ku Yahova, miyinzi ja makono gu musiza, na akisingirizi muvwivisu, akisigamiri’ “Kandi avandu vosi valavoora, ‘Amini!’