Ezekieli 8:10 - KITABU KITAKATIFU

¹⁰ Kunangwa ndingira mugati nimbenza. Ndalora ovong'ole ku madigi vwi zinzoka, ni zinyama zindi ziukuvihiliriza kandi vifananyi viosi, via vandu va Isiraeli vaasigamira.

Ezekieli 8:10 ပူးပေါင်းရင်းမြစ်များ

Kutwula 20:4

“Mutelomberi vifananyi vie kindu choosi mwiligulu anoho chuku lirova, anoho chu mumazi musi mwi lirova mba.

Isaya 44:13

Umuvazi agelaa lubaho numugoye. Akekolaa umufano gwi kindu cha yenya kuvaaza, ma akivaaza ni viju vivie nokokelomba mu lifana liu mundu, mu lifana liu mundu mulahi wukuyaanziza ma akiviika munyumba yeye.

Jeremia 16:18

Inzi ndavakora vatungi haali kaviri kigira uvwoni vwavo nuvuchamu vwavo, kigira vamali kwononyia kivala change nivifananyi vitaveeye nilivamwoyo kuli avakuzu, kandi vamali kuviikamu avanyasaye vanyingi vuvugadi.”

Jeremia 3:9

kandi siyalolaku zisoni mba. Yononyia kivala navula kuva musuuvirifu, nasigamira amagina ni misaala.

Jeremia 44:21

“Visiuviliru via mwahaana harara na avaguuga vinyu, avami kandi aviimiliri vinyu, kandi na avandu vi kivala mu madaala gi Ivuyuda kandi nu muzinzira zia Jerusalemi, muganaganaa Yahova si yavula kuvimanya anoho yaavivilira?

Jeremia 44:4

Ndaazizagilira kutuma ku munyi avatumikiri vange avaporofeti, avamuvoleraa muvuli kokora vindu vidamanu yivi iviandunyiraa.

Ezekieli 11:12

Munyi mulakamanye ndi inzi mbeeye yahova kandi simwalonda malago givivala viveeye ahimbi ni munyi mba, mwavunanyia malago nukuvula kutia malagano gange.”

Ezekieli 23:14

“Navuzwa Oholiba yameda kokora uvulaya ligali. Yalora ling'orwa liavasaza mu vwakanyu ku lidigi, mu lifana lia vasaza va Babiloni.

Ezekieli 8:11

Aviimiliri 70 va Isiraeli harara na Jaazania mwana wa Shafani vaali nivasingiyi imbiri wi vifananyi yivi. Vuli mulala kuvo yaali nagumiyi ikiju cha vasambiraku ivifunyaa umwayu, kandi umwochi gwatura ku vifunya umwayu, niguvuya kuzia mwigulu.

Ezekieli 8:9

Yambolera, “Ingira mugati na olole uvudamanu kandi vindu viukuvihiliriza via vandu vakolaamu.”

Varumi 1:23

mu vogono vwu kusigamira Nyasaye uhindiraa mihiga ni mihiga, vasigamira nukukuminya vifananyi vialombwa vive mu liiva liu mundu ukuza anoho vifananyi via manyonyi, zinyama anoho zinzoka.

Kwidzulitsa 14:3

“Mutalia kindu choosi cha Yahova yavoola keveeye kidamanu mba.

Kwidzulitsa 4:16

muvuli kokora uvwoni ku lielombera aveene kifananyi ku lifaana liosi mba, nikiva kisaza anaho kikali,

Kwidzulitsa 4:18

lifaana lie kindu choosi kemolaa kumalova anaho ku lifaana lie izuzi.

Kwidzulitsa 4:23

Mwilindi munyi aveene, kandi mutivilira lilagana lia Yahova Nyasaye winyu yalomba ni munyi mba. Muhuliri lilaga lilie kandi mutelombera kifananyi ku choosi chavazwa cha Yahova Nyasaye winyu yagaya mba;

Kwidzulitsa 4:25

“Kali lwa muliiva nimwakamenya mukivala zana ku ing'inga indambi, nokwivula avana na aviisukulu, mutakola uvwoni ku lielombera munyi aveene kifananyi chavazwa mu lifaana lie kindu choosi mba. Yaga gaveeye madamanu imbiri wa Yahova Nyasaye winyu kandi galamuvihiliriza.