Ezekieli 7:9 - KITABU KITAKATIFU

⁹ Inzi si ndamuleka anoho kumumanyia zimbavasi mba. Inzi nziza kumuha mageri kigira ivindu viukuvihiliriza via mumali kokora, kunangwa muduuki kumanyiriza ndi inzi mbeeye Yahova, kandi Inzi niyie umuhezaa mageri.”

Ezekieli 7:9 ပူးပေါင်းရင်းမြစ်များ

Isaya 9:13

Avandu va Isiraeli vakikiri kwiganira; kali niiva Yahova Wuvunyali uvaheeye mageri, vakikiri kwirana kuye.

Jeremia 13:14

Kunangwa inzi ndavadunyanyia kuli zijuba, avasaakulu navasooleli harara. Livererera anoho zimbavasi sivilangora mburi kuvita mba.”

Jeremia 21:7

Navuzwa ivi, navatumikiri vovo, harara navandu vahononoka muvulwani, inzara, kandi nuvulwaye, munyi mwosi mulagumirwa nu mwami Nebukadineza kandi navasigu vinyu avenya kumwita. Nebukadineza yaza namwiiti. Sialileka mundu kali mulala kumunyi anoho kumumanyia zimbavasi anoho liverererwa mba. Inzi, Yahova mali kovora.”

Jeremia 36:31

Ndakahaane amageri ku ivi, visukululwi vivio, kandi avanene vovo kigira uvwoni vwa mumali kokora. Ivi anoho avandu va Jerusalemi ni Ivuyuda si mwahulira lieganihiza liange mba. Kulwayago, ndakaleteku munyi vosi kivi cha mali koleta kuli litihiza.”

Lisyoma lya Jeremia 2:17

Yahova amali kokora aga yatihiza, kuduukiza. Amali kudiviza vugira kokovererera kuli yaakwiganihiza zing'inga zia kale. Yaaha avasigu viitu liguuta kandi yavakoli kusangalira liigwa lietu.

Ezekieli 22:22

Ndavasalulukizira mu Jerusalemi kuli izahabu isalulukira mumuliru. Maku valamanya ndi inzi, Yahova, mali kuvaha mageri mu vutima vwange.”

Ezekieli 23:49

Ndahaana mageri ku munyi kigira uvudamanu vwinyu kandi uvwoni vwinyu vwu kusigamira vifananyi. Maku mulakamanye ndi Inzi mbeeye Yahova Wuvunyali.”

Ezekieli 5:11

“Kulwayago, kuli inzi mbeeye Nyasaye oveeye mwoyo, Mwami Munene Yahova, kigira mumali kwonogonyia Litembeli liange ni vindu vidamanu kandi ni vindu viukuvihiliriza, ndatuliza liyaanzilira liange ku munyi. Si ndamuhonyia mba kandi si ndamuvererera zimbavasi mba.

Ezekieli 7:10

Lidiku lie kivi lizaa ku vandu va Isiraeli. Kirage kemedeki. Lielola liveeye linyingi ligali.

Ezekieli 7:8

“Nonoho kalunu vuliduhu vwu uvutima vwange vulava ku munyi. Inzi mukalagiraa ku gamumali kokora, kandi ndamutunga ku miyinzi jinyu josi jukuvihiliriza.

Mika 6:9

Yahova avooreraa lidaala linene, vuveeye vulahi kutia lieta lia Yahova; “Huliri, O, ihiiri ni Livugana mu lidaala linene!

Vagalatia 6:7

Mutagadwa mba, Nyasaye sianyala kokolelwa kehenyahenye mba. Ichu mundu atagaa, nicho cha agesaa.

Likunula 20:13

Maku inyanza yaatuliza avakuzu vayo. Likuza ni kivala cha vakuzu kandi viatuliza avakuzu avaari mucho. Vakalagirwa kolondekana ni likora liavo.