Ezekieli 7:8 - KITABU KITAKATIFU

⁸ “Nonoho kalunu vuliduhu vwu uvutima vwange vulava ku munyi. Inzi mukalagiraa ku gamumali kokora, kandi ndamutunga ku miyinzi jinyu josi jukuvihiliriza.

Ezekieli 7:8 ပူးပေါင်းရင်းမြစ်များ

2 Kyetsinyinga 34:21

“Muzie koteeve Yahova kulwange nu ku lwa vandu vatigara mu Isiraeli ni Ivuyuda, kigira amigizu gi kitabu yiki. Uvutima vwa Yahova voveeye vonene ligali kigira avaguuga viitu sivahulira makuva ga Yahova kandi si vakora kolondekana na makuva goosi agang'odwa mu kitabu yiki mba.”

Zaburi 79:6

Girung'anyia uvutima vuvwo ku zihiiri zindamanu zitakusigamiraa, kandi ku vandu vatasaalaa ku ivi.

Isaya 42:25

Kunangwa Yahova yakokola ni kuhulira uvulitu vwu vutima vwivwe kandi nikusalirizwa mu vulwani. Uvutima vwa Yahova vwasamba avandu va Isiraeli kuli muliru. Navuzwa sikwamanya kindu chekoleka mba; kandi sikwayiga kindu kali hakuzu mba.

Jeremia 36:31

Ndakahaane amageri ku ivi, visukululwi vivio, kandi avanene vovo kigira uvwoni vwa mumali kokora. Ivi anoho avandu va Jerusalemi ni Ivuyuda si mwahulira lieganihiza liange mba. Kulwayago, ndakaleteku munyi vosi kivi cha mali koleta kuli litihiza.”

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Lisyoma lya Jeremia 2:17

Yahova amali kokora aga yatihiza, kuduukiza. Amali kudiviza vugira kokovererera kuli yaakwiganihiza zing'inga zia kale. Yaaha avasigu viitu liguuta kandi yavakoli kusangalira liigwa lietu.

Lisyoma lya Jeremia 2:4

Yanyira uvuta vwivwe kukuinyi kuli avasigu: Yayita vandu viitu vosi avaari vusangali nu vuyanzi vwitu. Hano mu Jerusalemi kwahulira vutima vwivwe uvululu uvusambaa.

Lisyoma lya Jeremia 4:11

Yahova umali kololekiza vutima vwivwe uvululu. Uhambizi muliru mu Ziyoni ugwasaamba mise jie lidaala.

Ezekieli 11:21

Navuzwa nambane amageri ku vandu vayaanza kusigamira ivifananyi viukuvihiliriza vifunya vugundu. Ndakavahe mageri kigira agavamali kokora.” Yahova Wuvunyali amali kovora.

Ezekieli 14:19

“Anoho niiva ndatuma uvulwaye uvudamanu ku kivala yiki, na muvutima vwange nziti avandu ni zinyama,

Ezekieli 16:43

Mwamala kwivilira kuli ndamukolera lwa mwaali avasoleri, kandi mumali kongola kuva nu vutima kigira ivindu viosi viamumali kokora. Yiki nicho kigira mali kumukola mutungi viosi. Kigira ki munyi mwameeda miyinzi jumuviri kuvindu viosi viukuvihiliriza viamwakola?” Yahova Wuvunyali umali kovora.

Ezekieli 16:59

Yahova Wuvunyali avoora, “Inzi ndamukolera kuli gamuduukira, kigira mwaregeliza lilagana lienyu kandi nimuvunanyia Lilagana Liandalomba.

Ezekieli 18:30

“Kalunu Inzi Yahova Wuvunyali ndamukalagira avandu va Isiraeli, vuli mulala kolondekana ni likora lilie. Mwiganiri na muleke uvudamanu vwosi vwa mukoraa, kandi mutaleka uvwoni vwinyu vumudivizi mba.

Ezekieli 20:13

Navuzwa avandu va Isiraeli vibaara ku Inzi mwigendanyama. Sivagumira lilago liange mba, kandi vasuura malago gange agaleetaa livamwoyo ku mundu woosi wegehiza kugo. Vamali kwononyia lidiku liange lie Lisabato. Ndavika kuva nu vutima vwange vululu mwigendanyama kandi ndavadiviza ligali.

Ezekieli 20:21

“Navuzwa vana vaavo vibaara ku Inzi; vaavunanyia lilago liange kandi sivagumira malago gange agaleetaa livamwoyo ku mundu woosi wegehiza kugo mba. Vonogonyia Lidiku liange lie Lisabato. Ndaaganagana kuva nu vutima vululu kuvo mu changalangwi nu kuviita vosi.

Ezekieli 20:33

“Ligali kuli Inzi mbeeye Yahova Wuvunyali, mbeeye Nyasaye omenya. Mwiganihizaa ndi, Inzi ndamwamiiha mu vutima vwange kandi ni zinguru ziange ziosi.

Ezekieli 20:8

Navuzwa vibaara ku inzi kandi sivenya kumbulira mba. Si venya koleka anoho kusiuva ihale vifananyi viukuvihiliriza viavo anoho koleka vanyasaye va Egebeti avavaali ni vayaanza mba. Mu vutima vwange uvululu, inzi ndaatovora kuhaana mageri ku vandu va Isiraeli mu kivala cha Egebeti.

Ezekieli 22:31

Kunangwa muvutima vwange vululu, ndaaza mbane mageri ku vandu va Isiraeli ku aga vamali kokora, kandi navamanyirizi ndi inzi mbeeye nu vutima.” Yahova umali kovora.

Ezekieli 24:14

Inzi Yahova Wuvunyali, mali kovora. Ing'inga imali kuduuka kokora kekolwa, si ndagilung'anyia zing'anagani ziange kigira uvwoni vwinyu mba, anoho si ndamuverera mba. Ndamuha mageri ku aga mumali kokora.” Yahova umali kovora.

Ezekieli 30:15

Ndakaviiki uvutima vwange vululu ku vandu vi lidaala lia Pelusiamu, liveeye zimbinga zinene, zia Egebeti. Ndakadivizi vuhinda vwa vandu vi lidaala lia Zebesi.

Ezekieli 33:20

Navuzwa munyi avandu va Isiraeli muvooraa ndi, aga ngolaa sigaveeye malungi mba. Nziza kumukalagira kolondekana na agamukolaa.”

Ezekieli 6:12

Yavo avaveeye ihale navalwale ligali ma navakuzi; yavo avaveeye ahimbi navakuziri muvulwani; yavo avalihononoka navakuzi kigira inzara. Valakahuliri uvuliduhu vwosi vwu vutima vwange.

Ezekieli 7:27

Mwami alakasiome, na mwana wumwami alakuza mwoyo, kandi avandu valadegera nuvuti. Ndamuha mageri ku goosi gamumali kokora. Ndamukalagira munzira ndala nzere kuli mukalagiraa vandi. Yaga galamumanyia ndi inzi mbeeye Yahova.”

Ezekieli 7:9

Inzi si ndamuleka anoho kumumanyia zimbavasi mba. Inzi nziza kumuha mageri kigira ivindu viukuvihiliriza via mumali kokora, kunangwa muduuki kumanyiriza ndi inzi mbeeye Yahova, kandi Inzi niyie umuhezaa mageri.”

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Ezekieli 9:8

Lwa vaali nivazizagilira kwita, inzi ndaahononoka. Ndaagwa hasi mamumama kandi nindira nembora, “Mwami munene Yahova, ivi oveeye nu vutima ligali na vandu va Jerusalemi na uzizaa kwita vuli mundu woosi uwatigala mu Isiraeli?”

Danyeli 9:11

Avandu va Isiraeli vosi vaavunaga malago googo kandi vasuura kuhulira aga wavoola. Wavika ku kunyi kilaamo cha ng'odwa mu malago ga Musa mutumikiri woovo kigira kwamala kokora uvwoni.

Danyeli 9:27

Mwamihi oyo alakalombe lilagana lidinyu na vandu vanyingi ku mihiga 7, kandi lwi inusu yi mihiga 7 ilakaviti, alakaherizi visiuviliru kandi vihaanwa. “Kindu kidamanu ligali keleetaa lidiviza kilakaviikwi kondongozi kwi Litembeli, kandi kilakaveku kuduuka umundu wakiviikaku alakadivizwi kuli Nyasaye yalagaa.”

Hosea 12:3

Muguuga wavo Yakobo yang'usana na amwavo weve Esau malongo lwa vombi vaali nivakikiri munda mwa mama wavo. Lwa Yakobo yaviruka yalwana na Nyasaye.

Hosea 5:10

Yahova avoora, “Aviimiliri vi Ivuyuda vamali kwingilira avandu va Isiraeli, kandi vasundi ulwako. Ndasundura uvutima vwange uvululu kuli migera ja mazi.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Likunula 14:10

Ye umwene kandi alanwa iwaini yu vutima vwa Nyasaye imali kuzukwa mu kekombe vugira kuzuganywa nu uvutima vwa Nyasaye! Kandi alasalirizwa nu muliru gwi kibiriti imbiri wi zingelosi avatakatifu kandi imbiri wu Mwana wi Ligondi.