Ezekieli 7:4 - KITABU KITAKATIFU

⁴ Inzi si ndamuleka anoho kumumanyia zimbavasi mba. Nziza kumuha mageri kigira vindu viukuvihiliriza viamumali kokora, kunangwa muduuki kumanya ndi, inzi mbeeye Yahova.”

Ezekieli 7:4 ပူးပေါင်းရင်းမြစ်များ

Jeremia 13:14

Kunangwa inzi ndavadunyanyia kuli zijuba, avasaakulu navasooleli harara. Livererera anoho zimbavasi sivilangora mburi kuvita mba.”

Jeremia 16:18

Inzi ndavakora vatungi haali kaviri kigira uvwoni vwavo nuvuchamu vwavo, kigira vamali kwononyia kivala change nivifananyi vitaveeye nilivamwoyo kuli avakuzu, kandi vamali kuviikamu avanyasaye vanyingi vuvugadi.”

Jeremia 25:14

Ndahaana amageri ku avandu va Babiloni kigira uvudamanu vwosi vwa vamali kokora. Avami avanene harara ni zihiiri zinyingi zilavaguuta nukuvakola kuva avatugwa.’ ”

Ezekieli 11:21

Navuzwa nambane amageri ku vandu vayaanza kusigamira ivifananyi viukuvihiliriza vifunya vugundu. Ndakavahe mageri kigira agavamali kokora.” Yahova Wuvunyali amali kovora.

Ezekieli 12:20

Amadara manene agaveeye kalunu na vandu vanyingi nangadivizwi, kandi kivala nakigwi mwigendanyama. Maku navamanyirizi ndi, inzi mbeeye Yahova.”

Ezekieli 16:43

Mwamala kwivilira kuli ndamukolera lwa mwaali avasoleri, kandi mumali kongola kuva nu vutima kigira ivindu viosi viamumali kokora. Yiki nicho kigira mali kumukola mutungi viosi. Kigira ki munyi mwameeda miyinzi jumuviri kuvindu viosi viukuvihiliriza viamwakola?” Yahova Wuvunyali umali kovora.

Ezekieli 22:31

Kunangwa muvutima vwange vululu, ndaaza mbane mageri ku vandu va Isiraeli ku aga vamali kokora, kandi navamanyirizi ndi inzi mbeeye nu vutima.” Yahova umali kovora.

Ezekieli 23:31

Ivi wakola uvudamanu vulala vwere vwa amwavo woovo yakola, kulwayago ndakuha mageri malala mere kuli aga ndahaana ku amwavo woovo.”

Ezekieli 23:49

Ndahaana mageri ku munyi kigira uvudamanu vwinyu kandi uvwoni vwinyu vwu kusigamira vifananyi. Maku mulakamanye ndi Inzi mbeeye Yahova Wuvunyali.”

Ezekieli 24:14

Inzi Yahova Wuvunyali, mali kovora. Ing'inga imali kuduuka kokora kekolwa, si ndagilung'anyia zing'anagani ziange kigira uvwoni vwinyu mba, anoho si ndamuverera mba. Ndamuha mageri ku aga mumali kokora.” Yahova umali kovora.

Ezekieli 33:29

Lwa nambane mageri ku vandu kigira uvwoni vwavo kandi lwa nangore kivala hazwa, maku navalakamanye ndi Inzi mbeeye Yahova.”

Ezekieli 5:11

“Kulwayago, kuli inzi mbeeye Nyasaye oveeye mwoyo, Mwami Munene Yahova, kigira mumali kwonogonyia Litembeli liange ni vindu vidamanu kandi ni vindu viukuvihiliriza, ndatuliza liyaanzilira liange ku munyi. Si ndamuhonyia mba kandi si ndamuvererera zimbavasi mba.

Ezekieli 6:14

Yee, ndanyira mukono gwange nukudiviza kivala chavo. Ndakekola kuva amang'anye kutura mwigendanyama kuduuka mu lidaala linene lia Ribula Ivaale, vugira koleka havundu hoosi ha vandu va Isiraeli vamenya. Maku vuli mundu namanyirizi ndi inzi mbeeye Yahova.”

Ezekieli 6:7

Avandu valitwa havundu hoosi, kandi yavo avalihononoka valakamanye ndi, Inzi mbeeye Yahova.

Ezekieli 7:27

Mwami alakasiome, na mwana wumwami alakuza mwoyo, kandi avandu valadegera nuvuti. Ndamuha mageri ku goosi gamumali kokora. Ndamukalagira munzira ndala nzere kuli mukalagiraa vandi. Yaga galamumanyia ndi inzi mbeeye Yahova.”

Ezekieli 7:3

“Isiraeli, keheri kimali kuduuka ku munyi. Ndava nu vutima ni munyi, kigira nziza kumukalagira ku agamumali kokora. Ndamukalagira kolondekana ku likora lienyu kandi ndamutunga ku miyinzi jinyu josi jukuvihiliriza.

Ezekieli 7:9

Inzi si ndamuleka anoho kumumanyia zimbavasi mba. Inzi nziza kumuha mageri kigira ivindu viukuvihiliriza via mumali kokora, kunangwa muduuki kumanyiriza ndi inzi mbeeye Yahova, kandi Inzi niyie umuhezaa mageri.”

Ezekieli 8:18

Kulwayago, ndahaana mageri kuvo mu vutima vwange. Sindavahonya anoho kuvamanyia zimbasi mba. Kali nivasaara ku inzi mu lihanzuka linene, navuzwa si ndavahuliriza mba.”

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Hosea 12:2

Yahova aveeye namayalo ku vandu vi Ivuyuda. Azizaa kandi kuhaana mageri ku avandu va Isiraeli kigira likora liavo. Alavatuunga ku agavamali kokora.

Hosea 9:7

Ing'inga yu kuhaana mageri imali kuduuka. Yiyi ni ing'inga lwa avandu navanyoole agadukanaa navo. Lwa yago gakolekaa, avandu va Isiraeli valamanya! Mulavoola ndi, “Muporofeti uyu aveeye umusiru; kandi aveeye na roho gwu vulalu.” Avandu munyi muvadunyira kigira uvwoni vwinyu voveeye ovonene ligali.

Amosi 7:8

Maku, Yahova yandeva, “Amosi, ni kindu ki chololaa?” Ndaativura, “Ndolaa mugoye gwi kibimiru.” Maku, Yahova yavoola, “Henza, ngitumikiraa kumanyia ndi avandu vange vaveeye kuli lidigi litaveeye lirungi, iliavedeka. Sindagirung'anyia zing'anagani ziange kandi kuvula kuvaha amageri.

Zekaria 11:6

Yahova yavoola, “Sindazizagilira kuva ni zimbavasi ku mundu woosi mu kivala mba. Ndaviika vandu vosi mu zinguru zia vamiihi vaavo. Avamihi yavo valaduvaga vandu vu mu kivala, kandi sindakakihonye kutura mu zinguru ziavo mba.”

Vahebraina 10:30

Kigira kumanya uyu uwavoola, “Kisaalia ni change, nda tunga.” Kandi uyu wavoola, “Mwami alakalagira avandu veve.”