Ezekieli 7:27 - KITABU KITAKATIFU

²⁷ Mwami alakasiome, na mwana wumwami alakuza mwoyo, kandi avandu valadegera nuvuti. Ndamuha mageri ku goosi gamumali kokora. Ndamukalagira munzira ndala nzere kuli mukalagiraa vandi. Yaga galamumanyia ndi inzi mbeeye Yahova.”

Ezekieli 7:27 ပူးပေါင်းရင်းမြစ်များ

1 Avami 20:28

Muporofeti yazia ku mwami Ahabu navoora: “Yiki nicho cha Yahova avoora; ‘Kigira Vandu va Siria vavoola ndi inzi ni Nyasaye wivigulu navuzwa simbeeye Nyasaye wivileremo, ndakuha vuguuti ku liihi liavo linene, ivi na vandu vovo mulamanya ndi inzi mbeeye Yahova.’ ”

Ayubu 8:22

Navuzwa yavo avakudunyiraa valava mu zisoni. Kandi zinyumba zia vachamu ziladivizwa.”

Zaburi 109:18

Kuye lilaama liali vuzwa kuli lieviika inguvu. Leka vilaamo vivie mwene viinikwi mu muviri gwigwe kuli amazi, kandi viinikwi mu vigumba vivie kuli maguta!

Zaburi 109:19

Leka vilaamo yivio vimukuniki kuli inguvu, kandi vimuvondogane kuli lokova.

Zaburi 109:29

Leka vasigu vange vaviikwi mu zisoni zinene ligali; leka viviiki zisoni kuli iganza.

Zaburi 35:26

Leka yavo avasangalira uvusaliri vwange, vaguutwi ligali kandi vadandanywi. Leka yavo avevoora vaveeye avalahi kuvita inzi vaduuki mu lilegwa.

Zaburi 9:16

Yahova umali kwiivula umwene ku likalaga lilie lirungi, na avachamu vamali kuhambwa mu vikolwa viavo vidamanu.

Isaya 3:11

Navuzwa avandu vadamanu valadivizwa; agavakolera avandi, navo kandi valakolerwa ndio.

Ezekieli 14:23

Maku ulakalole vikolwa viavo, kandi ulakamanye ndi ndaali nikivuni chukuhaana mageri kuvo.” Yahova Wuvunyali umali kovora.

Ezekieli 18:30

“Kalunu Inzi Yahova Wuvunyali ndamukalagira avandu va Isiraeli, vuli mulala kolondekana ni likora lilie. Mwiganiri na muleke uvudamanu vwosi vwa mukoraa, kandi mutaleka uvwoni vwinyu vumudivizi mba.

Ezekieli 21:25

“Ivi mwimiliri muchamu wa vandu va Isiraeli, lidiku liilio lizaa, ing'inga yukumalirika yooyo yokohevwa mageri.

Ezekieli 26:16

Maku avanene vosi avamenyi ahimbi ninyanza navaturi ku zindeve ziavo ziu vwami, navatulizi zinguvu ziavo ziamangilinya kandi navatulizi zigaanza ziavo. Navave mulitiihizwa linene ligali kigira vuduamanu vwinyu, kali sinavalekele kodegera mba.

Ezekieli 7:3

“Isiraeli, keheri kimali kuduuka ku munyi. Ndava nu vutima ni munyi, kigira nziza kumukalagira ku agamumali kokora. Ndamukalagira kolondekana ku likora lienyu kandi ndamutunga ku miyinzi jinyu josi jukuvihiliriza.

Ezekieli 8:1

Ku lidiku lia katano ku mweli gwa sita mu muhiga gwa sita gwi lihaminywa lietu, ndaali ninzikaye munyumba yange harara na vimiliri vi lihaminywa kutura Ivuyuda. Nonoho ndaahulira zinguru ziu Mwami Munene Yahova ziizi ku inzi.

Joeli 3:17

“Maku, munyi Isiraeli mulamanya ndi inzi mbeeye Yahova Nyasaye winyu. Menyaa mu Ziyoni, kiguru change Kitakatifu. Jerusalemi lilava lidaala Litakatifu; avageni sivalaliguuta kandi mba.

Matayo 7:2

Kuli mukalagiraa avandi, munyi kandi mulakalagirwa ndio; nekegero cha mugereranga mu avandi, nicho cha Nyasaye alimugerera mu.

Yakobo 2:13

Nyasaye sialimanyia livererera lwa alikalagira umundu uyu uwavula kuva ni zimbavasi; navuzwa zimbavasi ziveeye ni liguuta ku likalaga.