Ezekieli 7:20 - KITABU KITAKATIFU

²⁰ Maziambiri velola kigira magina gaavo guvuguli, navuzwa vaagatumikila kolomba vifananyi viukuvihiliriza. Kulwayago inzi ndavikola kuva ivindu kitaveeye vinifu kuvo.

Ezekieli 7:20 ပူးပေါင်းရင်းမြစ်များ

2 Avami 21:4

Yumbaka uvwali vwu kusigamira misambwa mu Litembeli, havundu ha Yahova yaali navooye halava ahasigamirwaa.

2 Avami 21:7

Yavika kifananyi chu munyasaye wi kikali Ashera mu Litembeli, ahimbi na ha vundu ha Yahova yaali navoleeye Daudi kandi muyaayi weve, Solomoni: “Hano mu Jerusalemi, mu Litembeli yili, halava havundu hamali kotovola kutura mu kivala choosi chi zihiiri komi na mbiri zia Isiraeli kuli havundu hanyala kusigamirwa.

2 Kyetsinyinga 2:9

mu lietegekiza zimbaho zinyingi kigira Litembeli lia nyenya kwumbaka liveeye linene ligali kandi liokogenyia.

2 Kyetsinyinga 36:14

Komeeda ku gene yago, aviimiliri vosi vi Ivuyuda, avasaalisi, kandi avandu vosi valonda liiva lio vwoni lia vizihiiri vavakumbiriza; mu lisigamira vifananyi viukuvihiliriza kunangwa vonogonyia Litembeli lia Yahova mwene yatakasa mu Jerusalemi.

Ezara 3:12

Avanyingi ku avasaalisi vakulundu, avandu vinyumba ya Levi, kandi aviimiliri vizihiiri vaali nivalora Litembeli liukutanga. Maku lwavaalora musingi gwi Litembeli yili niguvikwa, vaalira nivasioma. Navuzwa avandi vaaliho vahanzuka nuvuyanzi.

Zaburi 48:2

Ziyoni, kiguru cha Nyasaye, keveeye kitambi kandi kilahi ligali, lidaala linene liu mwami munene, keletaa vusangali ku vandu vosi mu kivala.

Zaburi 50:2

Nyasaye ang'ereng'anaa kutura ku kiguru cha Ziyoni, lidaala liveeye lilahi ligali kandi liduukiru!

Isaya 30:22

Maku mulavugula vifananyi vienyu iviavakwa ku ifeza, kandi vifananyi viavakwa izahabu, ma muvisiuve ihale ligali kuli kindu kifunyi na muvoore, “Tuli muzimoni ziange!”

Isaya 64:11

Litembeli lietu lilahi kandi Litakatifu, havundu ha vaguuga viitu vizominya ivi, limali kusambwa nu muliru, kandi havundu hoosi ha kwayaanza.

Jeremia 7:14

Kunangwa agandakola ku Shilo, ndakora ku Litembeli liange yili, iliamwali ni mwasuuvira mulio. Havundu yaaha ahandahaana ku avaguuga vinyu kandi ni munyi, ndakora kindu kilala chere cha ndaakola ku Shilo.

Jeremia 7:30

“Avandu vi Ivuyuda vamali kokora vindu vidamanu imbiri wange. Vamali kuviika vifananyi viavo via inzi ndasuura mu Litembeli liange kandi vamali kuliononyia.

Lisyoma lya Jeremia 1:10

Avasigu vamali kuvanura ivindu viavo viosi viu vuguli ovonene. Valora zihiiri ni zingiraa mu Litembeli; avandu va Yahova yagaya vavuli kwingira mu Litembeli lilie.

Lisyoma lya Jeremia 2:1

Yahova amali yakunika avandu va Jerusalemi ni kisundi mu vutima vwivwe. Yaagirung'anyi uvukumi vwa Jerusalemi kugwa mang'anye kulirova. Si yizuliza Litembeli lilie lidiku liu vutima vwivwe mba.

Lisyoma lya Jeremia 2:7

Yahova amali kusura uvwali vwivwe kandi yamala koleka Litembeli lilie Litakatifu; yaleka avasigu kusambula madigi gi zinyumba ziavo ziu vwami. Vahaanzuka nokokola liyoga mu Litembeli kuli lidiku lie lisavo.

Ezekieli 11:18

Lwa na viirane, navatuliziho ivifananyi viosi viukuvihiliriza vifunya vugunda viavanyoola mu.

Ezekieli 16:16

Mwavugula zindala ku zigaanza zienyu nimulomba ahukusigamira vifananyi nanimukolelaku kuzio uvoheyi. Vindu kuli yivi sividukana viekoleke ku kali hakuzu mba.

Ezekieli 16:19

Ndaamuha viukulia: Uvusie vulahi ligali, maguta gumuzeituni, kandi uvwuki, navuzwa mwavihaana kuli visiuviliru konyoora liyaanzilira lie vifananyi.” Yaga nigo ga Yahova Wuvunyali avoora.

Ezekieli 23:38

Si gaveeye yago geng'ine ga vaakora mba, navuzwa vonogonyia Litembeli liange kandi vaavunaga lidiku liange lie Lisabato, lia Inzi mwene ndaviikaho.

Ezekieli 24:21

mbolere munyi avandu va Isiraeli makuva yaga: munyi mwigingiraa kigira Litembeli liezingulu. Mwayaanza kulihenza kandi kuzia mulio, navuzwa Yahova azizaa kuliononyia. Avana vinyu avakaana na vayaayi avalitigala mu Jerusalemi valakitirwi mu vulwani ni kivavi.

Ezekieli 5:11

“Kulwayago, kuli inzi mbeeye Nyasaye oveeye mwoyo, Mwami Munene Yahova, kigira mumali kwonogonyia Litembeli liange ni vindu vidamanu kandi ni vindu viukuvihiliriza, ndatuliza liyaanzilira liange ku munyi. Si ndamuhonyia mba kandi si ndamuvererera zimbavasi mba.

Ezekieli 7:22

Inzi si ndasora Litembeli liange litakatifu lwa avanuuli valingila mu nukuliononya mba.

Ezekieli 9:7

Nyasaye yavavolera, “Yonogonyi Litembeli; kandi muviiki miviri javakuzu mu migizi ja lio. Zi mutange miyinzi!” Kunangwa vatanga kwita vandu mu lidaala.

Haggai 2:3

“Aveeye ho mundu hagati hinyu unyala kwizuliza kuli vukumi vwi Litembeli lialange navwo? Liloleka ndi ku munyi kalunu? Kuduuka yiki keve ni kelolekaa kuva hazwa.

Vakalagi 8:24

Navuzwa yaazizagilira kovora, “Nyenya koteeva munyi ikindu kilala. Vuli mulala ku munyi alaanzilanyila izimingili ziumumatui ziamwa vugula kutura muvulwani.” (Avamidiani kuli avandu vandi avamenya mu ligendanyama vaali ni zimingiri zie zahabu ziumumatui.)

Vakalagi 8:27

Gidioni yalomba ikimanyiru chi zahabu ma naakiviika mu lidaala lilie lia Ofura. Avaisiraeli vosi valeka Nyasaye nivasigamira ikimanyiru yiki. Yigu gwaali umutego ku Gidioni na vinyumba yeeye.