Ezekieli 7:2 - KITABU KITAKATIFU

² Yavoola, “Mwana wu Mundu,” yaga nigo aga inzi Yahova Wuvunyali mbolera vandu va Isiraeli: Yili nilimalilika lie kivala choosi!

Ezekieli 7:2 ပူးပေါင်းရင်းမြစ်များ

Litanga 6:13

Nyasaye yavolera Nuhu, “Inzi mali kotovola kudiviza avandu vosi. Ndavadiviza ligali, kigira lirova lizuuyi vikolwa viavo vikirage.

2 Kyetsinyinga 34:7

Mu kivala choosi cha Ivaale wa Isiraeli, yasambula uvwali kandi niyononya vifananyi viu munyasaye Ashera, nashonoranyia vifananyi viosi vigwa luguchi, kandi yavunanya uvwali vwosi vwi vimuli nivigwa vidonye. Lwa yaali ni yakakola yaga goosi, yirana Jerusalemi.

Isaya 47:7

Munyi avandu va Babiloni, mwaganagana mulamiiha mihiga ni mihiga, simwaganagana ku vindu yivi mu mioyo jinyu mba, kandi simwaganangana kuli keheri kiliduuka mba.

Jeremia 12:4

Kivala chietu kiluma nuvunyasi kuniara muvuli mulimi kuduuka ing'inga ki? Zinyama na manyonyi vikuza kigira uvudamanu vwa avandu viitu, avavoora, ‘Nyasaye sialola ichakokoola mba.’ ”

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Jeremia 51:13

Kivala yicho keveeye ni migera minyingi kandi amaviikiru guvutugi, navuzwa ing'inga yacho imali kuduuka, kandi livamwoyo liacho limali kohera.

Lisyoma lya Jeremia 1:9

Uvwoni vwa vandu yava vwaloleka havulavu, navuzwa si vahenda mwoyo ku kivi chavo mba. Liavo liali lidamanu ligali; si yaliho numundu waali anyala kuvaleminya mwoyo mba. Vanira Yahova avavererer mu vudinyu vwavo kigira avasigu vaavo vaali nivamali kuvaguuta!

Lisyoma lya Jeremia 4:18

Avasigu vaakohenzeriza; sikwaali kunyala kogenda mu zinzira. Amadiku giitu gaali nigimbiha; keheri chaali nikiduuki.

Ezekieli 11:13

Lwa ndaali nemporofetaa, Pelatia yagwa hasi nakuza. Ndaagwa hasi mamumama kandi nimbanzuka nimbora, “Awa Mwami munene Yahova! Uzizaa kwita vuli mundu watigala mu Isiraeli?”

Ezekieli 12:22

Yavoola, “Mwana wu Mundu, ni lugano ki lwa umali kuva nalwo yilu kigira kivala cha vandu va Isiraeli, ‘Madiku gameedeka kandi vuli malola si gatwekizangwa mba?’

Ezekieli 21:2

Yavoola, “Mwana wu Mundu, ulandizi uvudamanu vwa vandu va Jerusalemi. Ovoole uvudamanu ha vundu havandu vasigamira misambwa. Wiganihizi avandu va Isiraeli

Ezekieli 21:25

“Ivi mwimiliri muchamu wa vandu va Isiraeli, lidiku liilio lizaa, ing'inga yukumalirika yooyo yokohevwa mageri.

Ezekieli 21:4

Kigira nziza kwita avalahi navadamanu, ndatuliza kivavi change mu chura nu kwita vuli mundu kutura Isavaalu kuduuka Ivaale.

Ezekieli 21:7

Lwa vakoteeva kigira ki okenyaa, uvavoolere ndi nikigira amakuva mageni gaazaa. Lwa nagaaze, navave nuvuti ligali, makono gaavo nagave madedekere, valavula kuva nu vuluviliri kandi amalu gaavo galadegera. Ing'inga imali kuduuka; eveeye hano.” Yahova Wuvunyali umali kovora.

Ezekieli 35:5

“Munyi mwali avasigu kazozo ku vandu va Isiraeli, kandi mwaleka avandu nivaviita mu ing'inga yi kivi, ing'inga yu kumaliriza kuhaana mageri kigira uvwoni vwavo.

Ezekieli 40:2

Mu malola, Nyasaye yambira mu kivala cha Isiraeli ma niyaambika ku kiguru kitambi. Ndaalora zinyumba imbiri wange zialoleka kuli Lidaala linene.

Ezekieli 7:1

Yahova yamoloma na inzi.

Ezekieli 7:3

“Isiraeli, keheri kimali kuduuka ku munyi. Ndava nu vutima ni munyi, kigira nziza kumukalagira ku agamumali kokora. Ndamukalagira kolondekana ku likora lienyu kandi ndamutunga ku miyinzi jinyu josi jukuvihiliriza.

Joeli 1:15

Lidiku lia Yahova liveeye ahimbi; lidiku liu Wuvunyala aleetaa lidiviza. Nuvutihizi vwalugano ki vuliduuka lidiku yilio!

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!

Amosi 8:2

Yahova yandeva, “Amosi, ololaa ki?” Ndaamutivulira, “Ndolanga kihinda cha makuyu amengu.” Yahova yambolera, “Keheri kiduuki ku avandu vange Isiraeli. Sindagirung'anyia zing'anagani ziange ziu kuvaha amageri mba.

Matayo 24:6

Mulahulira amahi nulusuma lwa amahi, navuzwa mutahenda mioyo mba kigira ivindu yivi vilaza, navuzwa ekeheri chene kikiri kuduuka.

Kwidzulitsa 32:20

Yavoola, ‘Sindavakonya kandi mba’ kandi ndalora ichaaza chekoleke kuvo kigira vaveeye likula lie kirage, kandi sivaveeye vasuuvirifu mba.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.

Likunula 20:8

alatula ichova kugaada zihiiri ziosi iziasalana mu lirova liosi, avamanyikani kuli Goga na Magogi. Setani alavavungiza harara mu liihi, navo valava avanyingi kuli umuyeke ku lujinga lwinyanza.

Likunula 7:1

Inyima wa yaga ndaalora zingelosi vane ni vasiingi ku zimbega zine zie lirova. Vagumira izimbuuza zine zie lirova zivuli kuhuuza ku lirova nu kunyanza, kandi ku misaala josi.