Ezekieli 7:18 - KITABU KITAKATIFU

¹⁸ Naviviiki zinguvu ziamagunia nukuva muvuti vonene ligali. Mitwi jaavo na jivegwe, kandi vosi vaza vave muzisoni.

Ezekieli 7:18 ပူးပေါင်းရင်းမြစ်များ

Litanga 15:12

Lwi liuva liayera, Aburamu yagona. Hene yaho, kisundi kenene chi litihiza chaza kuye.

Ayubu 21:6

Lwa nzizulizaa agekoleka ku inzi mbendaa mwoyo ligali, kandi mbeeye ni lidegera.

Zaburi 35:26

Leka yavo avasangalira uvusaliri vwange, vaguutwi ligali kandi vadandanywi. Leka yavo avevoora vaveeye avalahi kuvita inzi vaduuki mu lilegwa.

Isaya 3:24

Muvogono vwukutumikira ivifunyaa mwayu, valafunya vugundu, mu vogono vwu kwevoha misibi mirahi, valevoha zimbunu, havogono hi liisu lilahi, valava ni chole, na havogono hi zinguvu zindahi, valivika zinguvu zia madali. Ligondo liavo lilahi lilagirunganywa kuva zisoni.

Jeremia 3:25

Gakuduukiraa kogone hasi muzisoni kandi koleke lileganywa lietu likukuniki. Kunyi navaaguuga viitu kumali kwakora uvwoni ku Yahova Nyasaye wiitu haali kanyingi. Sikwatia malago geege mba.”

Jeremia 48:37

Avandu yava vosi vamali kovega amasu gaavo kandi zinderu ziavo mu lisioma. Vosi vamali kusalaga ku makono gaavo, kandi vuli mundu yiviiki inguvu yi ligunia.

Jeremia 6:25

Kutazia ichova mumilimi anoho kogende kuzinzira, kigira avasigu vaveeye nivivavi kandi litihiza liveeye muzimbega ziosi.”

Jeremia 6:26

Yahova avooreraa avandu veve, “Mwiviki zinguvu ziamagunia na mugalagale muligoke. Musiome vululu kuli unyala kusioma mwana muderwa, kigira oyo uzaa kudiviza munyi nonoho alamwingiira.

Ezekieli 27:31

Vavega masu gaavo kigira munyi, kandi viviika zinguvu zia magunia. Vaali nu vuliduhu mu mioyo jiavo lwa vasioma.

Joeli 1:13

Mwiviki zinguvu ziamagunia na muliri, munyi avasaalisi vayinzira ku vwali! Muzie mu Litembeli na musiome uvudiku vwosi! Sihaveeyeho nu vuswage anoho iwaini yu kuhaana ku Nyasaye winyu mba.

Amosi 8:10

Ndagirung'anyia madiku ginyu giliilia linene kugwa madiku gu kulira nukusioma, nizinyimbu zienyu ziuvusangali zigwi ziukulira novovereri. Ndamulomba muvege mitwi jinyu, na mwiviki zinguvu zia magunia, na mulava kuli aviivuli vasiomera muyaayi wavo muderwa. Lidiku lilava lilulu. Kuduuka ku keheri chalio!