Ezekieli 7:14 - KITABU KITAKATIFU

¹⁴ Kisiriva kikubaa ma vuli mundu yetegeka. Navuzwa siaveeye ho kali mulala uzizaa mu liihi, kigira vutima vwa Nyasaye vulava ku vuli mundu woosi keleng'ani.

Ezekieli 7:14 ပူးပေါင်းရင်းမြစ်များ

Jeremia 12:12

Engereka wivisuru vie viangalangwi, avandu vamali kuuza ku valanya. Mali kutuma uvulwani kwononyia kivala choosi; siaveeyeho kali mulala oveeye mumirembe mba.

Jeremia 4:5

Mukubi kisiriva mukivala choosi chi Ivuyuda! Muhanzuki vudinyu kandi vulahi! Muvoolere avandu vi Ivuyuda na Jerusalemi vanyaguri kuduuka mu madaala gizimbinga.

Jeremia 51:27

“Muhaane kimanyiru chu kwingilira! Mukubi kisiriva kunangwa zihiiri zihuliri! Mwetegekizi zihiiri kulwaana Babiloni! Muvoolere uvwami vwa Ararati, Mini, na Ashikenazi vingiliri Babiloni. Mutovole munene ave mwimiliri wi liihi. Muleete zibarasi kuli muganda gwi zisigi.

Jeremia 6:1

Avandu va Benjamini, mwiruki munyore lihonywa! Muhononoke kutura ku avandu va Jerusalemi! Mukubi kisiriva mu Tekoa kandi mwumbake kimanyiru chu muliru mu Bezi Hakeremi. Kivi ni liononyia viveeye ahimbi kuuza kutura Ivaale.

Jeremia 6:11

Uvutima vuvwo kuvo vwaka kandi mu inzi, Yahova sinyala kuvuviika kandi mba.” Maku Yahova yambolera, “Manyia uvutima vwange ku avana muzinzira kandi kuviduma via vasoleri. Avasaza na vakali valahirwa ihale kandi avakulundu sivalahononoka mba.

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Lisyoma lya Jeremia 2:3

Yatulizaho zinguru zia vandu va Isiraeli mu vutima vwivwe uvululu. Yaatuliza vokonyi vwivwe kuvo imbiri wa vasigu vaavo. Yasamba visukululwi va Yakobo nolomemo lwu muliru, nukudiviza ivindu viosi.

Lisyoma lya Jeremia 2:4

Yanyira uvuta vwivwe kukuinyi kuli avasigu: Yayita vandu viitu vosi avaari vusangali nu vuyanzi vwitu. Hano mu Jerusalemi kwahulira vutima vwivwe uvululu uvusambaa.

Livalidza 10:9

Lwamuzia kulwaana avasigu vamudambiza mu kivala chiinyu, maku mulakuba visiliva; ninzi Yahova Nyasaye winyu ndamukonya kandi ndamuhonyia kutura ku vasigu vinyu.