Ezekieli 6:9 - KITABU KITAKATIFU

⁹ uwa valimenya mu lihaminywa. Wene yeyo vaala kanzizulizi nukumanya ndi inzi mali kuvaha mageri nukuvaviika muzisoni, kigira mioyo jaavo jitasuuvila, valeka inzi kandi vayanzilira vifananyi. Valakavihilizane aveene ku aveene kigira zimbi ni ivindu viezisoni via vamali kokora.

Ezekieli 6:9 ပူးပေါင်းရင်းမြစ်များ

2 Avami 16:10

Lwu mwami Ahazi yazia Damasiko ukwagaana nu mwami Tigilazi Pileseri, yalora yo uvwali ma natumira musaalisi Uria lifana lie ligali liavwo, kali kuduuka ku livaala likekeeke ligali liavwo.

Ayubu 42:6

Kunangwa, inzi mbeeye nizisoni ku goosi aga inzi mali kovora, kandi nzivakaa luguchi ni ligoke ukumanyia lieganira liange.”

Zaburi 137:1

Kwikala hasi ku lujinga lwi migera ja Babiloni, hene yaho kwasioma lwa kwizuliza lidivizwa lia Ziyoni.

Zaburi 78:40

Vibaara kuye ligali haali kanyingi mwigendanyama; vamuveereriza haali kanyingi mu changalangwe!

Isaya 43:24

Simwangulira vimuli anoho kunzigutiza ni zitinya zie zinyama zienyu mba. Mu vogono yivwo mwandwika misigo miliduhu nuvwoni vwinyu; mwanduhiza ligali nuvudamanu vwa mwakoraa.

Isaya 63:10

Navuzwa vibaara nokovereriza Roho weve Mutakatifu; Kunangwa Nyasaye yaavikiruka nukugwa musigu wavo kandi nalwaana navo.

Isaya 64:6

Kunyi kwosi kwaveeye avoni, kali vikolwa vietu vilungi viveeye kuli inguvu ifunyaa vugundu. Kigira uvwoni vwitu, koveeye kuli amatu ganiara ma gabulukizwa nimbuuza.

Isaya 7:13

Maku Isaya yativura, “Muhuliri, kalunu, munyi visukululwi via Daudi! Voveeye vudamanu ligali kogeliza liekuzira lia vandu. Mulageriza kandi liekuzira lia Yahova Nyasaye?

Jeremia 3:13

Mwiyame muveeye namahiolo kandi mwayibaala ku inzi Yahova Nyasaye winyu. Mwiyame ndi hasi himisaala jia amatu mavisi mwayanza avanyasaye vageni kandi simwatia malago gange mba. Inzi Yahova mali kovora.

Jeremia 3:6

Yahova yambolera mu madiku giliamiiha liumwami Josia, “Ololi aga Isiraeli, mukali utaveeye musuuvirifu oyo akoli? Agirung'ani kutura ku inzi, kandi kukigulu choosi kitambi kandi isi wu musaala muvisi gwosi akoli kuli utaveeye musuuvirifu.

Jeremia 51:50

Yahova avooreraa avandu veve mu Babiloni ndi, “Munyi mumali kohononoka kutura mu likuza! Kalunu muzie, na mutalindagira mba! Kali niiva muveeye ihale kutura yengo, muganagane inzi, Yahova winyu, kandi mwizurizi Jerusalemi.

Ezekieli 12:16

Ndaleka vakekeeke kuvo vahononoke kutura muliihi, inzara kandi muvulwaye. Uwene yeyo mu zihiiri, navamanyirizi kuli vikolwa viavo viukuvihiliriza vimali kuva, kandi navamanye ndi inzi mbeeye Yahova.”

Ezekieli 16:43

Mwamala kwivilira kuli ndamukolera lwa mwaali avasoleri, kandi mumali kongola kuva nu vutima kigira ivindu viosi viamumali kokora. Yiki nicho kigira mali kumukola mutungi viosi. Kigira ki munyi mwameeda miyinzi jumuviri kuvindu viosi viukuvihiliriza viamwakola?” Yahova Wuvunyali umali kovora.

Ezekieli 16:61

Munyi mwaza mwizurizi kuli mumali kokora lwa mwaza mwiranyilwi avakaana vinyu vakulundu navakaana vinyu vakekeeke. Ndaaza mbakole na vave kuli avavozo ku munyi, kali niiva yili si liali lilagana liange ni munyi mba.

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Ezekieli 20:24

Ndaakola yaga kigira vaali nivavunamyi lilago liange kandi nivasuyi amalago gange, kandi vaali nivononyi lidiku liange lie Lisabato, kandi nivasigamiri vifananyi vilala viere via vaguuga vaavo vaasigamira.

Ezekieli 20:28

Ndaavaleta mu kivala cha ndaali nindaviisuhira ndavaha, valora vigulu vitambi kandi misaala ja matu mavisi, nivahaana visiuviliru kuvio viosi. Vaangora kuva nu vutima kigira visiuviliru via vasamba kandi iwaini ya valeta kuva kihanwa.

Ezekieli 20:43

Maku mulakizulizi vindu viosi vie zisoni via mwakora kandi kuli mweyonogonyia. Mulakave ni livihiririzwa aveene kigira vindu vidamanu viosi via mwakora.

Ezekieli 20:7

Ndaavavoolera valeke avanyasaye vukuvihiliriza, avavaali ni vayaanza kandi vavuli kweyononyia na vanyasaye va Egebeti vuvugadi, kigira Inzi mbeeye Yahova Nyasaye wavo.

Ezekieli 23:30

vumali koleta yaga goosi ku ivi. Wakola uvulaya ni zihiiri kandi niweyonogonyia ni vifananyi viavo.

Ezekieli 5:13

“Maku uvutima vwange uvululu vulava ku munye kuduuka lwa neminywa mwoyo. Lwayaga goosi gakolekaa, mulamanya ndi Inzi, Yahova, mali komoloma ku munyi kigira mbeeye nu vutima na munyi mulivula kuva avasuuvirifu.

Ezekieli 6:10

Navamanye ndi Inzi mbeeye Yahova; Inzi si ndatiihiza vugira koleta kivi kenene yiki kuvo mba.”

Ezekieli 7:16

Ku vosi avalakahononoke valakave mu vigulu nivasioma kuli makuulu gu mumavona kigira uvwoni vwavo.

Hosea 11:8

“Avandu va Isiraeli, inzi nyara ndi kumuleka? Inzi nyara ndi kusuura munyi? Inzi nyara kumudiviza kuli ndaadiviza Adamali, anoho inzi nyara kumukolera kuli ndaakolera Zeboiimu? Inzi si nyara kokora ndio mba! Vuyanzi vwange ku munyi voveeye vunyingi ligali.

Amosi 2:13

“Navuzwa, kalunu ndamuduvulanyira hasi ligali, na mulakenya kuli ligale liezing'ombe ilizuyi vuswage du.

Mika 5:13

Ndanonyie vifananyi vienyu kandi minaara mitakatifu ja magina; simulasigamira kandi vindu via munyi vene mumali kolomba mba.

Zekaria 10:9

Kali niiva ndaavasaalanyia hagati hi zihiiri, kali muvivala viehale, valakanzizulizi. Valakahononoke harara na vana vaavo, kandi valakilane yengo harara.

Livalidza 15:39

Uvuyusi yivu vulava kuli chukwizuliziraku, vuli ing'inga yoosi lwa muheezaa kuvwo, mulizuliza kandi nukutia malago gange. Maku munyi si mulagirung'ana kutura ku inzi nokolonda zinzira zienyu kandi zing'anagani zienyu aveene mba.

2 Petro 2:14

Sivenyaa vaheenze ku kindu kindi mba, navuzwa avakali vaheyi venyine; kandi liegamba liavo ku likora uvwoni siliveeye ne keheri mba. Vagoonya nu kwimilira avandu vadedekere kwingira mu mutego gwu uvwoni. Imioyo jaavo jaanalizwa kuva mu vuhuvaali. Nyasaye yavalaama!