Ezekieli 5:6 - KITABU KITAKATIFU

⁶ Navuzwa Jerusalemi limali kwibaala ku malago gange kandi limali kumanyia ndi ni Lichamu ligali kuvita zihiiri zindi, kandi siliveeye nuvuti kuvita vivala vindi viagikumberiza. Jerusalemi yasura lilaga liange kandi vavura kolonda malago gange.

Ezekieli 5:6 ပူးပေါင်းရင်းမြစ်များ

2 Avami 21:11

“Mwami wi Ivuyuda umali kokora uvwoni vwu kuvihiliriza yivu. Umali kokora kifavwi kinene kali kuvita vwa Vakanani vakora; kandi harara ni ivifananyi vivie, yimiliyi avandu vi Ivuyuda mu likora vwoni.

2 Avami 21:9

Navuzwa avandu vi Ivuyuda sivahulira Yahova, kandi mwami Manase yaavimilira kokora kali vwoni vwali vonene ligali kuvita uvwoni vwakolwaa ni zihiiri zindi zia Yahova yaali nakungi kutura mu kivala yicho lwa vandu veve viingira mu.

Nehemia 9:34

Avaguuga viitu, avami viitu, aviimiliri viitu, avasaalisi viitu sivalinda Lilaga liilio mba. Sivahuliriza ku malago googo na amiganihizu googo mba.

Nehemia 9:35

Kigira vugaswa vuvwo Avami vamiiha avandu, lwa vamenya mu kivala kenene ni ekenoru cha ivi wavaha; navuzwa vasuura kugirung'ana kutura muvwoni vwavo nu kukutumikira.

Zaburi 106:20

Vaagirung'anyia uvukumi vwa Nyasaye, kugwa kifananyi chi inyama yaya vunyasi.

Zaburi 78:10

Sivagumira lilagana liavo na Nyasaye mba; vasuura kuhulira lilago lilie.

Kutwula 16:28

Maku Yahova yavolera Musa, “Avandu munyi mulasuura kugumira amalago gange kuduuka ng'inga ki?

Jeremia 11:10

Vamali kwirana kokora uvwoni vwa avaguuga vaavo, avasuuraa kuhulira amakuva gange. Vamali kugirung'ana kuzia kusigamira kandi kutumikira avanyasaye vandi. Avandu va Isiraeli na vandu vi Ivuyuda vamali kuvunaga lilagana lia ndaalomba na avaguuga vaavo.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Jeremia 8:5

Kigira ki munyi avandu vange mugirung'anaa kutura ku inzi navuzwa simwirana kuinzi mba. Mwahanda ku vifananyi vienyu kandi mwasuura kwirana ku inzi.

Jeremia 9:6

Yahova avoora vakora uvugadi vuli ing'inga; kigira uvugadi vwavo vasuura kumanyiriza inzi, Yahova avoora.

Ezekieli 11:12

Munyi mulakamanye ndi inzi mbeeye yahova kandi simwalonda malago givivala viveeye ahimbi ni munyi mba, mwavunanyia malago nukuvula kutia malagano gange.”

Ezekieli 16:51

“Vwoni vwa vandu va Samaria vakora si voveeye inusu yu vwoni mba. Munyi mwakora ivindu viukuvihiliriza ligali kuvita aga yavo vakora. Uvwoneku vwinyu vwalomba avakaana vinyu kufana avataveeye nimbala.

Danyeli 9:15

“O, Yahova Nyasaye wiitu wamanyia zinguru zizio lwa watuliza avandu vovo mu kivala cha Egebeti, kandi zinguru zizio zikizulizwa. Kwamala kokora uvwoni kandi kwamala kokora uvuchamu.

Danyeli 9:5

“Kumali kokora uvwoni, koveeye avadamanu, kumali kokora vuchamu, kwaleka guwakulaga kokole, kandi kwagirung'ana kutura ku gawakumanyia agaveeye malungi.

Danyeli 9:8

O, Yahova, kunyi kandi avami viitu, avayaayi va vami kandi avaguuga viitu, koveeye mu zisoni kigira kwakora uvwoni ku ivi.

Zekaria 7:11

“Navuzwa vandu vange vasuura kuhulira. Vahaana matu gaavo kuhulira zing'anagani ziavo vavuli kuhulira

1 Vakorintho 5:1

Kalunu gamali kulanda ligali ndi muveeye ni kifavwi cho voheyi hagati hinyu. Voheyi voveeye vudamanu ligali kuvita kali uvundi vwosi vutaveeye ku hagati ha yavo avatamanyi Nyasaye. Mali kovoolerwa ndi, umundu aheyaa na mama weve wakaviri.

Yudasi 1:4

Avandu valala avataveeye nu uvunyasaye avilikaragirwa ni lidivizwa liavo lia ng'odwa zing'inga zia kale ligali, vamali koseeta nu kwingira hagati hiitu mu vwivisu, yava vaveeye avandu vavura kutia Nyasaye; avagirung'anyia amakuva gi zimbavasi zia Nyasaye wiitu ziduuki kuva kuli ikindu chukuvugilira vudamanu vwavo vwovoheyi, kandi avambakanaa Yeso Kristo, Munene kandi Mwami wiitu yeng'ine.