Ezekieli 5:2 - KITABU KITAKATIFU

² Lwi likumberiza lie lidaala lihera, uvuguli kedonye chukutanga ma ukisambiri hagati hi lidaala zana yili. Uvuguli kedonye chakaviri okikalanyie ni kivavi lwa ovodongana ichova wi Lidaala yili. Usalanyie kedonye cha kavaga kunangwa imbuza iduuki kukiduminya, na ndakelondelera ni kivavi change.

Ezekieli 5:2 ပူးပေါင်းရင်းမြစ်များ

Jeremia 13:24

Yahova alamusalanyia kuli mukuzi guhuuziywi ni mbuuza yumuchangalangwi.

Jeremia 15:2

Lwa vakoteeva wavanyala kuzia, uvavoolere ndi inzi malikovoola: Valala kuvo valakuza kigira vulwaye, wene yeyo niyio wavalizia! Avandi valakuzira muvulwani wene yeyo niyio wavalizia! Avandi valakuza kigira inzara! Na avandi valahirwa kuli avahambe wene yeyo niyio wavalizia!

Jeremia 24:10

Ndaleta iliihi kuvo, inzara kandi uvulwaye kuduuka vosi valadivi. Si halakaveho kali na mulala ulitigala mu kivala cha ndaavaha harara na avaguuga vaavo mba.”

Jeremia 38:2

aga Yahova yaali navooye, “Oyo amenyaa mu lidaala yili, aliitwa ni liihi, inzara anoho vulwaye. Navuzwa yavo avaazia kwihana ku avandu va Babiloni si valitwa mba. Valahononoka mu likuza na valava mwoyo.”

Jeremia 39:1

Mu mweli gwi likomi ku muhiga gwa tisa lwa Zedekia yaali mwami wi Ivuyuda, Nebukadineza mwami wa Babiloni yaza harara ni liihi lilie liosi kandi vingilira Jerusalemi.

Jeremia 39:2

Ku lidiku lia tisa mu mweli gwa kane, ku muhiga gwa kumi na moja lwa Zedekia yaali mwami, amadigi gi lidaala linene lia Jerusalemi gaaduyagwa nigavunguluka.

Jeremia 9:15

Kunangwa huliri aga inzi Yahova Wuvunyali, Nyasaye wa avandu va Isiraeli nziza kokora: Inzi ndaha avandu vange ivitagwa vilulu valie kandi isumu vanwi.

Jeremia 9:16

Ndavasalanyira muzihiiri ziayavo kali avaguuga vaavo vakiri kuzihulira ku, kandi ndavatumira amahi gavingiliri kuduuka lwambadiviza ligali.”

Ezekieli 12:14

Ndakasalanyie avasangi vosi avumumugizi gwigwe muzimbega ziosi, niyavo avahaani viziganagani numusikali weve, na avandu valakavenye vaduuki kuvita.

Ezekieli 17:21

Avasikari veve avalahi vosi valitirwa mu liihi, nayavo avalihona valakasalanywe havundu hoosi. Maku mulakamanye ndi inzi Yahova mali kovora.”

Ezekieli 5:10

Kigira yaga, avababa valalia avana vaavo kandi avana valalia avababa vaavo. Ndahaana mageri ku munyi kandi ndasalanyia vosi avalitigala mwoyo.

Ezekieli 5:12

Kedonye chu kutanga cha vandu vovo valakuza kigira vulwaye kandi inzara mu lidaala; kedonye kindi cha kaviri valitirwa mu vulwani ichova wi Lidaala, Kedonye cha kavaga chu kumaliriza ndakisalanyia mu imbuza kandi ndavakunga ni kivavi.

Ezekieli 5:3

Uvuguli liisu likekeeke kutura ku liisu zana yili, ma ulivohe ku lukigiti lwi iganza yooyo.

Kyavalevi 26:33

Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.

Amosi 9:4

Kali niiva avasigu valavavugula mu kuva mu vuhambe ndalaga viitwi. Mali kotovola kudiviza ligali nu kuvula kuvakonya.”

Zekaria 13:8

Avandu viduma viviri ku vivaga mu kivala choosi valitwa, ni kiduma kilala ku vivaga kilatigala mwoyo.