Ezekieli 5:17 - KITABU KITAKATIFU

¹⁷ Ndaleta inzara kandi zinyama ziu muvulimu kwita vana vinyu, kandi ndaleta uvulwaye, kilage kandi iliihi kumwita. Inzi Yahova mali kovora.”

Ezekieli 5:17 ပူးပေါင်းရင်းမြစ်များ

2 Avami 17:25

Lwa vaali ni vakitangira komenya yo, sivasigamira Yahova mba, na ndio yavatumira Zisimba ni ziita valala kuvo.

Kutwula 23:29

Sindavakunga vuzwa mu ing'inga yu muhiga mulala mba; Niiva ndakakoli ndio, kivala chakatigaye vuzwa mang'anye kandi zinyama ziu mbulimu ziakaveeye zinyingi ligali ku munyi.

Jeremia 15:3

Inzi Yahova, mali kotovola ndi, ndalaga vindu vine viukutihiza kokoleka kuvo: Valitirwa mu liihi; zimbizi zilatandula miviri jaavo; amanyonyi galalia miviri jaavo, kandi zinyama ziu mbulimu zilalia miviri jitigala.

Ezekieli 14:15

“Anoho niiva nyara kutuma zinyama ziu muvulimu kwita vandu, nokokola kivala kuva chere chu mundu avula kuvitira mu.

Ezekieli 14:19

“Anoho niiva ndatuma uvulwaye uvudamanu ku kivala yiki, na muvutima vwange nziti avandu ni zinyama,

Ezekieli 14:21

Yaga nigo agu Mwami Munene Yahova avoora: “Ndahaana mageri malulu haali kane ku Jerusalemi; ndaleta iliihi, inzara, zinyama ziu muvulimu kandi uvulwaye vudamanu kudiviza vandu ni zinyama.

Ezekieli 17:21

Avasikari veve avalahi vosi valitirwa mu liihi, nayavo avalihona valakasalanywe havundu hoosi. Maku mulakamanye ndi inzi Yahova mali kovora.”

Ezekieli 17:24

Misaala josi mu kivala jilamanya ndi Inzi mbeeye Yahova. Inzi ndemaa misaala mitambi kandi ngola misaala mimbi jiviruka kandi jitambiha. Nduminyaa misaala mivisi, kandi ngora misaala miumu kugwa mivisi. Inzi Yahova mali kovora kandi ndakora agaamali kovora ndakora.”

Ezekieli 21:3

ndi Inzi, Yahova, mboraa: Inzi mbeeye musigu winyu. Inzi ndasomola kivavi change mu chura chacho nu kwita munyi mwosi, avalahi navadamanu harara.

Ezekieli 21:32

Muliru gulamudiviza. Ndamwitira mu kivala chiinyu aveene, umundu kali mulala sinamwizulizi kandi mba.’ ” Yahova umali kovora.

Ezekieli 22:14

Na musuuviraa mulazizagilira kuva nuvuluviliri anoho mulava ni zinguru mulidiku lia namudivizi? Inzi Yahova mali kovora kandi ndakakole ndio.

Ezekieli 23:47

Ndaleka muganda gwa vandu yava guvalase na magina kandi guvingiliri ni vivavi, viiti avakaana kandi avayaayi vaavo, nu kusamba zinyumba ziavo.

Ezekieli 26:14

Ndamukora muve kuli ulwanda kandi mulagwa havundu hukuvagala zineti zie miluvo. Lidaala linene yili si lilumbakwa kandi mba. Inzi Yahova Wuvunyali mali kovora.”

Ezekieli 28:23

Ndatuma uvulwaye ku munyi, kandi amasahi galizula mu zinzira zienyu. Avasigu valamwingilira ku zimbega ziosi, kandi valiita vandu vinyu vosi. Maku mulamanya ndi Inzi mbeeye Yahova.”

Ezekieli 30:12

Ndakakaminyi mugera gwa Naili kandi ndakagulizi kivala ku vandu vadamanu. Avandu vageni valakadivizi kivala choosi. Inzi, Yahova mali kovora.”

Ezekieli 33:27

“Uvavoolere ndi inzi, Yahova Wuvunyali, mbiganihizaa ndi, kuli mbeeye ligali Nyasaye oveeye mwoyo, avandu vamenyi mu madaala manene gaveeye mang'anye valitwa. Yavo avamenyaa mukivala valalivwa ni zinyama ziu muvulimu. Yavo avivisaa mu vigulu kandi mu zimbangaywa valakakuzi kigira vulwaye.

Ezekieli 37:14

Ndakahuuzi mwika gwange muvo, na mbakole navave mwoyo, kandi ndavaleka vamenye mu kivala chavo aveene. Maku navamanye ndi, inzi mbeeye Yahova. Mali kulaga ndi ndakora yaga, kandi ndakora. Inzi, Yahova, mali kovora.”

Ezekieli 38:22

Nambane kuye mageri gu vulwaye ni likuza. Imbura yi migelera kandi ya magina harara nu muliru gwi kibiriti nikubi kuye harara ni liihi lilie kandi zihiiri zinyingi iziveeye kolovega lwilwe.

Ezekieli 5:15

“Munyi mulava mu manyego kandi mu likolerwa kehenyahenye, mu lieganihizwa kandi kindu chukutiihiza ku zihiiri ziveeye ahimbi na munyi lwa mbana amageri ku munyi mu vutima vwange kandi nu muligondoka.

Ezekieli 5:16

Ndatuliza yavo avahaana chukulia ku munyi na mulakuza kigira inzara. Mulahulira vuzunu vwi inzara kuli mivano juvuta miugi jilasiywi kumudiviza.

Ezekieli 6:1

Yahova yamoloma na inzi.

Ezekieli 6:12

Yavo avaveeye ihale navalwale ligali ma navakuzi; yavo avaveeye ahimbi navakuziri muvulwani; yavo avalihononoka navakuzi kigira inzara. Valakahuliri uvuliduhu vwosi vwu vutima vwange.

Kyavalevi 26:22

Ndatuma zinyama zinduru hagati hinyu na zilita avana vinyu kandi ziladiviza mitugu jinyu. Zilamukola mutigale avakeekeke ligali kali zinzira zienyu zilatigala zinzere.

Matayo 24:35

Ligulu ni lirova vilavita, navuzwa amakuva gange sigalivita mba.”

Kwidzulitsa 32:24

Valakuza kigira inzara kandi luhuuza. Valakuza kigira zinguzu ziu kutihiza. Ndatuma zinyama zinduru ziu mumulitu kuvingilira kandi zinzoka ziu vusungu vululu kuvaluma.

Likunula 6:8

Ndaalora kandi ibarasi imbuheru umuhiri wayo yalangwa Likuza. Kihadisi chamulonda ahimbi na himbi. Vahevwe izingulu ku erobo yi lirova viiti ni kivavi, inzara, uvulwaye harara ni zinyama ziu muvulimu.