Ezekieli 5:13 - KITABU KITAKATIFU

¹³ “Maku uvutima vwange uvululu vulava ku munye kuduuka lwa neminywa mwoyo. Lwayaga goosi gakolekaa, mulamanya ndi Inzi, Yahova, mali komoloma ku munyi kigira mbeeye nu vutima na munyi mulivula kuva avasuuvirifu.

Ezekieli 5:13 ပူးပေါင်းရင်းမြစ်များ

Isaya 1:21

Lidaala linene iliali ing'inga indala lisuuvirifu kalunu liveeye ni miima kuli ji liraya! Ing'inga ndala liizula vandu valungi, navuzwa kalunu avalumindi vatigaye mulio.

Isaya 1:24

Kunangwa kalunu, muhuliri aga Yahova Wuvunyali, Nyasaye Wizingulu wa Isiraeli, avoora: “Ndavanza kisaalia ku munyi, avasigu vange, na simulangubiza kivi kandi mba.

Isaya 59:17

Aliviika likalaga lirungi kuli likoti lie salamba, na zinguru ziovohonyi kuli igudwa. Aliiviika umwene uvugulu vonene kulungikiza ivindu kandi ukuhaana mageri nukuvaanza kisaalia cha vandu vasalira.

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

Jeremia 14:12

Kali niiva valahonga lilia, nu kwanira ku inzi, si ndahulira lilira liavo kigira ovokonyi mba. Kali niiva valahaana vihaanwa viu kusambwa kandi, vihaanwa viu vuswage ku inzi, sindayaanzizwa navio mba. Navuzwa nditira avandu yava mu muvulwani, kandi ninzara enene ligali nuvulwaye.”

Jeremia 15:9

Mukali wagotiza avana veve saba umali kukinda, nukugamula imieka. Vulavu vwi lidiku lilie vumali kugirung'ana kugwa kisundi kenene; Umali kuduuka mu zisoni kandi mwoyo gwigwe gulwaye. Ndaleka avasigu vinyu viiti yavo kumunyi avakikiri mwoyo. Inzi Yahova, mali kovora.”

Jeremia 25:12

Inyima wi mihiga 70, ndahaana amageri ku zihiiri ziosi harara nu mwami wa Babiloni kigira uvwoni vwavo. Ndadiviza kivala yiki ligali na kilatigala amang'anye mihiga ni mihiga.

Lisyoma lya Jeremia 4:11

Yahova umali kololekiza vutima vwivwe uvululu. Uhambizi muliru mu Ziyoni ugwasaamba mise jie lidaala.

Lisyoma lya Jeremia 4:22

O, munyi avandu va Ziyoni, mumali koheevwa mageri kigira uvwoni vwinyu Yahova si alaleka muzizagiliri komenya mu lihaminywa mba. Navuzwa munyi avandu va Edomu Yahova alahaana mageri kumunyi kigira uvwoni vwinyu; kandi alalang'aminya vikolwa vinyu viuvwoni havulavu.

Ezekieli 13:15

“Uvutima vwange vulava ku lidigi harara ni yavo avavaka ovodohi kulio. Maku ndamuvolera ndi lidigi harara na vaavaka ovodohi kulio vamali kudivizwa,

Ezekieli 14:21

Yaga nigo agu Mwami Munene Yahova avoora: “Ndahaana mageri malulu haali kane ku Jerusalemi; ndaleta iliihi, inzara, zinyama ziu muvulimu kandi uvulwaye vudamanu kudiviza vandu ni zinyama.

Ezekieli 16:42

Maku uvutima vwange navolekele kandi na ngiling'ane. Si ndaza mbe nu vutima anoho embodoka kandi mba.

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Ezekieli 17:21

Avasikari veve avalahi vosi valitirwa mu liihi, nayavo avalihona valakasalanywe havundu hoosi. Maku mulakamanye ndi inzi Yahova mali kovora.”

Ezekieli 20:21

“Navuzwa vana vaavo vibaara ku Inzi; vaavunanyia lilago liange kandi sivagumira malago gange agaleetaa livamwoyo ku mundu woosi wegehiza kugo mba. Vonogonyia Lidiku liange lie Lisabato. Ndaaganagana kuva nu vutima vululu kuvo mu changalangwi nu kuviita vosi.

Ezekieli 20:8

Navuzwa vibaara ku inzi kandi sivenya kumbulira mba. Si venya koleka anoho kusiuva ihale vifananyi viukuvihiliriza viavo anoho koleka vanyasaye va Egebeti avavaali ni vayaanza mba. Mu vutima vwange uvululu, inzi ndaatovora kuhaana mageri ku vandu va Isiraeli mu kivala cha Egebeti.

Ezekieli 21:17

Inzi ndakubaga makono gange kandi, nu vutima vwange vulafa. Inzi, Yahova mali kovora.”

Ezekieli 21:22

Kalunu! Mukono gwigwe mulungi goveeye nu vuta vwang'odwa ku ‘Jerusalemi!’ Vumuvooleraa azie asingilizi viugi viukusambula kuvilivwa, yumbake vitumi, kandi yumbake minaara jukukumbiliza.

Ezekieli 23:25

Kigira mbeeye nu vutima nivi, ndaleka vakole goosi ga vanyara ku ivi mu vutima vwavo. Valakalaga amatu googo kandi amuru googo na valitigala valitwa ni kivavi. Valavugula vayaayi na vakana vovo na valasambwa nu muliru nivaveeye mwoyo.

Ezekieli 24:13

Munyi avandu va Jerusalemi, vikolwa vienyu vidamanu vimali kumwonogonyia. Kali niiva ndaageriza kumukola muve avanifu, navuzwa simwenya kuva avanifu mba. Munyi simulava avanifu kandi mba, kuduuka lwa nambane amageri gange amalulu ku munyi.

Ezekieli 43:8

Avandu va Isiraeli harara na vami vaavo valomba oloze lwavo kandi vigutu viavo vie miliango ahimbi no loze lwange kandi vigutu vie miliango ji Litembeli liange, kunangwa hatigale vuzwa ni lidigi hagati hange navo. Vonogonyia lieta liange Litakatifu ni vindu viu kuvihiliriza via vaakora. Ku lwayago, ndavadiviza mu vutima vwange uvululu.

Ezekieli 6:10

Navamanye ndi Inzi mbeeye Yahova; Inzi si ndatiihiza vugira koleta kivi kenene yiki kuvo mba.”

Ezekieli 6:12

Yavo avaveeye ihale navalwale ligali ma navakuzi; yavo avaveeye ahimbi navakuziri muvulwani; yavo avalihononoka navakuzi kigira inzara. Valakahuliri uvuliduhu vwosi vwu vutima vwange.

Ezekieli 7:3

“Isiraeli, keheri kimali kuduuka ku munyi. Ndava nu vutima ni munyi, kigira nziza kumukalagira ku agamumali kokora. Ndamukalagira kolondekana ku likora lienyu kandi ndamutunga ku miyinzi jinyu josi jukuvihiliriza.

Ezekieli 7:8

“Nonoho kalunu vuliduhu vwu uvutima vwange vulava ku munyi. Inzi mukalagiraa ku gamumali kokora, kandi ndamutunga ku miyinzi jinyu josi jukuvihiliriza.

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

Danyeli 9:2

Mu muhiga gwu kutanga gwi liamiiha lilie, ndaali ni soma vitabu vitakatifu kandi ninganagana ku mihiga 70 ji lidaala lia Jerusalemi liali live mulidivizwa kolondekana ku makuva ga Yahova yaali na mali kovoolera muporofeti Jeremia.

Hosea 10:10

Inzi ndingilira vandu vu uvwoni yava kandi ndahaana mageri. Zihiiri zilahambana harara nukuvalwana kandi ndavaha mageri kigira uvwoni vwavo vunyingi.

Zekaria 6:8

Maku engelosi yambanzukira, “Zibarasi ziziyi Ivaale wa Babiloni zia homatiza vutima vwa Yahova.”

Kwidzulitsa 28:63

kandi galava, kuli gayaanziza Yahova kumukolera vulahi mu lizizagilira nokumukola muve avanyingi, kandi ndio galamuyaanziza mu livadiviza kandi mu lileeta kivi kumunyi. Mulatulizwa mu kivala cha muveeye ahimbi kwidikira mu.

Kwidzulitsa 32:36

Yahova alakakaragiri avandu veve. Alavererera avatumikiri veve lwa lilola zinguru ziavo nizigehaa, kandi sihavaho nu mundu ulitigala mba, muhambe anoho muvoholore.