Ezekieli 5:11 - KITABU KITAKATIFU

¹¹ “Kulwayago, kuli inzi mbeeye Nyasaye oveeye mwoyo, Mwami Munene Yahova, kigira mumali kwonogonyia Litembeli liange ni vindu vidamanu kandi ni vindu viukuvihiliriza, ndatuliza liyaanzilira liange ku munyi. Si ndamuhonyia mba kandi si ndamuvererera zimbavasi mba.

Ezekieli 5:11 ပူးပေါင်းရင်းမြစ်များ

2 Avami 21:4

Yumbaka uvwali vwu kusigamira misambwa mu Litembeli, havundu ha Yahova yaali navooye halava ahasigamirwaa.

2 Avami 21:7

Yavika kifananyi chu munyasaye wi kikali Ashera mu Litembeli, ahimbi na ha vundu ha Yahova yaali navoleeye Daudi kandi muyaayi weve, Solomoni: “Hano mu Jerusalemi, mu Litembeli yili, halava havundu hamali kotovola kutura mu kivala choosi chi zihiiri komi na mbiri zia Isiraeli kuli havundu hanyala kusigamirwa.

2 Avami 23:12

Mwami Josia yasambula uvwali vwosi vwa vami vi Ivuyuda vaali ni vumbaka ku kesegese chinyumba yu vwami ahimbi no vomenyo vwu mwami Ahazi, kandi yasambula uvwali vwa Manase yaali Ni yumbaka mu migizi givili ji Litembeli lia Yahova. Yasambula uvwali nukuvwatanyia mu vijonjo kandi navisiuva mu livona lia Keduroni.

2 Kyetsinyinga 33:4

Yumbaka uvwali vwu kusigamira misambwa mu Litembeli, havundu ha Yahova yaali niyavoola ndi halava aha sigamirwa mihiga ni mihiga.

2 Kyetsinyinga 33:7

Yavika kifananyi cha yalomba mu Litembeli, havundu ha Nyasaye yavolera Daudi nu muyaayi weve Solomoni, “Hano mu Jerusalemi, mu Litembeli yili, ni havundu ha inzi mali kotovola kutura mu kivala choosi chi zihiiri zia Isiraeli kuli havundu ha inzi sigamirwa mihiga ni mihiga.

2 Kyetsinyinga 36:14

Komeeda ku gene yago, aviimiliri vosi vi Ivuyuda, avasaalisi, kandi avandu vosi valonda liiva lio vwoni lia vizihiiri vavakumbiriza; mu lisigamira vifananyi viukuvihiliriza kunangwa vonogonyia Litembeli lia Yahova mwene yatakasa mu Jerusalemi.

Ayubu 27:22

Imbuza ilamuhunguza vugira kumuvererera, valageliza kuhandalara vaduuki kohona kutura mu vu vudinyu yivu.

Zaburi 107:39

Lwa vandu va Nyasaye vaguutwa na vasigu vaavo nu kuvikwa mu zisoni; va dambizwa ligali nukusalirizwa,

Zaburi 95:11

Kunangwa ndisuuha mu vutima vwange nimbora, ‘Sivalingira mu kivala cha ndakavaheye vweremerizi mba.’ ”

Jeremia 10:24

Yahova, ogelihizi avandu vovo; navuzwa utava mululu kukunyi mba, anoho utakuha amageri lwa oveeye nu vutima mba; kigira yiki kilava keheri chiitu.

Jeremia 16:18

Inzi ndavakora vatungi haali kaviri kigira uvwoni vwavo nuvuchamu vwavo, kigira vamali kwononyia kivala change nivifananyi vitaveeye nilivamwoyo kuli avakuzu, kandi vamali kuviikamu avanyasaye vanyingi vuvugadi.”

Jeremia 32:34

Kali vaviika vifwananyi viavo viu kuvihiliriza mu Litembeli liumbakwa kigira lisigamira, kandi vamali kuliononyia.

Jeremia 44:4

Ndaazizagilira kutuma ku munyi avatumikiri vange avaporofeti, avamuvoleraa muvuli kokora vindu vidamanu yivi iviandunyiraa.

Lisyoma lya Jeremia 2:17

Yahova amali kokora aga yatihiza, kuduukiza. Amali kudiviza vugira kokovererera kuli yaakwiganihiza zing'inga zia kale. Yaaha avasigu viitu liguuta kandi yavakoli kusangalira liigwa lietu.

Lisyoma lya Jeremia 2:21

Avasoleri kandi avasaakulu vaagoni avakuzu mu luguchi lwa madaala manene. Avayaayi kandi avakaana vamali kwitwa ni vivavi via vasigu. Ivi wavita mulidiku liilio liu vutima; umali kuvasinza vugira kuvavererera.

Ezekieli 11:18

Lwa na viirane, navatuliziho ivifananyi viosi viukuvihiliriza vifunya vugunda viavanyoola mu.

Ezekieli 11:21

Navuzwa nambane amageri ku vandu vayaanza kusigamira ivifananyi viukuvihiliriza vifunya vugundu. Ndakavahe mageri kigira agavamali kokora.” Yahova Wuvunyali amali kovora.

Ezekieli 23:28

Yaga nigo ga Yahova Wuvunyali avoora, “Ndakuviika mu zinguru zia vandu va ivi udunyiraa, kandi ava ivi uvihiliraa.

Ezekieli 23:38

Si gaveeye yago geng'ine ga vaakora mba, navuzwa vonogonyia Litembeli liange kandi vaavunaga lidiku liange lie Lisabato, lia Inzi mwene ndaviikaho.

Ezekieli 23:39

Lidiku lilala liere lia vita vana vaavo kuva kuli visiuviliru ku vifananyi viavo, vaza mu Litembeli liange nivalionogonyia! Yaga nigo agavaakola mu Litembeli liange.

Ezekieli 24:14

Inzi Yahova Wuvunyali, mali kovora. Ing'inga imali kuduuka kokora kekolwa, si ndagilung'anyia zing'anagani ziange kigira uvwoni vwinyu mba, anoho si ndamuverera mba. Ndamuha mageri ku aga mumali kokora.” Yahova umali kovora.

Ezekieli 29:15

vwami vodedekere mu vwosi, kandi si namwamiihi ku zihiiri zindi ziosi mba. Nambakore kuva avadedekere ligali kali si navamiihi zihiiri zindi ziosi kandi mba.

Ezekieli 33:11

Uvavoolere ndi ligali kuli inzi, Yahova Wuvunyali, mbeeye Nyasaye oveeye mwoyo, si sangala kolola mwoni nakuzaa mba. Ndakayanzi kolola naleki kokora vwoni kandi naveeye mwoyo. Avandu va Isiraeli, muleke uvudamanu vwamukolaa. Kigira ki mwenya kukuza?

Ezekieli 43:8

Avandu va Isiraeli harara na vami vaavo valomba oloze lwavo kandi vigutu viavo vie miliango ahimbi no loze lwange kandi vigutu vie miliango ji Litembeli liange, kunangwa hatigale vuzwa ni lidigi hagati hange navo. Vonogonyia lieta liange Litakatifu ni vindu viu kuvihiliriza via vaakora. Ku lwayago, ndavadiviza mu vutima vwange uvululu.

Ezekieli 44:7

Vamali kwonogonyia Litembeli liange, nokoleka avageni vataveeye avasuuvirifu, avandu vavura kutia kwingira mulio lwahaana vindu vinolu kandi amasahi gi visiuviliru ku inzi. Kunangwa avandu vange vamali kuvunaga lilagana liange mulikola vindu viosi viu kuvihiliriza.

Ezekieli 5:7

Kalunu hulira, munyi avandu va Jerusalemi, aga inzi Mwami Munene Yahova mboraa. Kulivula kutia lilaga liange kandi kuvula kolonda malago gange, mumali kwivika mu vudinyu vunyingi kuvita zihiiri zindi zimukumberiza. Mumali kolonda miima ji zihiiri zindi.

Ezekieli 7:20

Maziambiri velola kigira magina gaavo guvuguli, navuzwa vaagatumikila kolomba vifananyi viukuvihiliriza. Kulwayago inzi ndavikola kuva ivindu kitaveeye vinifu kuvo.

Ezekieli 7:4

Inzi si ndamuleka anoho kumumanyia zimbavasi mba. Nziza kumuha mageri kigira vindu viukuvihiliriza viamumali kokora, kunangwa muduuki kumanya ndi, inzi mbeeye Yahova.”

Ezekieli 7:9

Inzi si ndamuleka anoho kumumanyia zimbavasi mba. Inzi nziza kumuha mageri kigira ivindu viukuvihiliriza via mumali kokora, kunangwa muduuki kumanyiriza ndi inzi mbeeye Yahova, kandi Inzi niyie umuhezaa mageri.”

Ezekieli 8:15

Yahova yateva, “Mwana wu Mundu, ololaa yaga? Ulalola kali vindu vinyingi ligali viukuvihiliriza kuvita yivi.”

Ezekieli 8:16

Kunangwa yambugura niyambila mugati mwu mugizi gwi Litembeli. Hene yaho, ahimbi nu vwingiliru vwi Litembeli, hagati hu vwali nulusimbu, vaaliho avasaza ishilini natano. Vaali nivakubi Litembeli migongo kandi vaali nivinaminyi mitwi jaavo nivahenzi Ivugwi, nivasigamiraa iliuva liali nilitongaa.

Ezekieli 8:18

Kulwayago, ndahaana mageri kuvo mu vutima vwange. Sindavahonya anoho kuvamanyia zimbasi mba. Kali nivasaara ku inzi mu lihanzuka linene, navuzwa si ndavahuliriza mba.”

Ezekieli 9:10

Navuzwa si ndavavererera, anoho si ndavahonyia mba. Ndavaha mageri kuli vahaana mageri ku vandi.”

Ezekieli 9:5

Kandi ndaahulira Nyasaye navolera vandu vandi, “Mumulonde kuduuka mu lidaala linene, kandi mu mwiti. Mutaleki mundu kali mulala mba; kandi mutavererera mundu kali mulala mba.

Kyavalevi 15:31

Yahova yavolera Musa yiganihizi avana va Isiraeli ku vudamanu vwavo; kunangwa vavuli kwonogonyia Lihema lilie liukuvuganira mu, liali hagati haavo. Nivakakoli ndio vaali valitwa.

Amosi 8:7

Yahova, Nyasaye wa Isiraeli, umali kwisuha umwene; kuli mundu wa vandu va Isiraeli vekonyera ku; “Ligali sindivilira miyinzi jaavo midamanu.

Zekaria 11:6

Yahova yavoola, “Sindazizagilira kuva ni zimbavasi ku mundu woosi mu kivala mba. Ndaviika vandu vosi mu zinguru zia vamiihi vaavo. Avamihi yavo valaduvaga vandu vu mu kivala, kandi sindakakihonye kutura mu zinguru ziavo mba.”

Malaki 3:17

Yahova Wuvunyali yavoola, “Valakave vandu vange. Ku lidiku yilio lwa ndikola kekolwa, valakave vandu vange ligali. Ndakavaveere zimbavasi kuli baba aveeraa mwana weve umutumikiraa.

Varumi 11:12

Vwoni vwa Vayuda vwaleeta uvutugi vwu vugasu ku lirova liosi, kandi ovogeheru vwavo vwaleeta vugasu vunyingi ligali ku vandu vizihiiri. Kulwayago, vulava vugasu vonene ki ligali lwa vandu vosi vi Vuyuda valiviikwa harara!

Varumi 11:21

Niiva Nyasaye siyavererera Avayuda vaveeye iziisia zieligali, uganaganaa alavererera ivi?

Varumi 8:32

Nyasaye siyigalira Mwana weve mwene muderwa, navuzwa yamuhaana kuli kisiuviriru kigira kunyi kwosi. Niiva yakola ndio, sialakuha ivindu viosi harara naye?

Kwidzulitsa 29:20

Yahova sialasamiiha mundu kuli uyu. Mu vogono yivwo, vutima vusamba vwa Yahova vulaaka kuye, kandi kivi chi vilaamo viosi viang'odwa mu kitabu yiki vilamugwira kuduuka lwa Yahova asiminya lieta lilie kutura mu lirova yili.

Vahebraina 6:13

Lwa Nyasaye yalomba lisuuvirizwa lilie ku Aburahamu, yalomba liesuuha akole icha yaali naasuuvirizi. Kigira sihaali nu munene kuvita oyo mwene, yatumikira lieta lilie liene lwa yalomba liesuuha lilie.