Ezekieli 48:35 - KITABU KITAKATIFU

³⁵ Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Ezekieli 48:35 ပူးပေါင်းရင်းမြစ်များ

Litanga 22:14

Aburahamu yagulika havundu yaho “Yahova ahaanaa.” Kandi kali kuduuka kalunu avandu vavoola, “Yahova ahaanaa ku kiguru chiche.”

1 Kyetsinyinga 23:25

Daudi yavoola, “Yahova, Nyasaye wa Isiraeli umali kuhaana mirembe ku avandu veve, kandi umwene alamenya mu Jerusalemi mihiga ni mihiga.

Zaburi 132:14

“Yaaha niho aha inzi ndimenya mihiga ni mihiga; kandi ha nyenya kwamiiha.

Zaburi 46:5

Nyasaye aveeye mu lidaala linene yilio na silinyala kudivizwa mba. Mugambazuri mumavwevwe, Nyasaye alaza kukokonya.

Zaburi 46:6

Zihiiri zihumaa mu vuti, zitihizwa nu vwami vodengeyizwa; Nyasaye amolomaa nu mwoyo kuli gwi inguba yatulukaa, lirova lisalulukaa.

Zaburi 48:14

“Nyasaye uyu aveeye Nyasaye wiitu mihiga ni mihiga; alakwimilira ku zing'inga ziosi izizaa.”

Zaburi 48:3

Nyasaye alindaa zimbinga zizie; umali kwimanyia ndi aveeye mukingi wukusuuvirwa mugati mwizimbinga zie lidaala linene.

Zaburi 68:18

Yanigiraa igulu mwigulu navugura avahambe va yalaanya vanyingi harara naye, avugulaa vihaanwa kali kutura ku vibaali. Yahova Nyasaye alamenya ho.

Zaburi 77:13

O, Nyasaye, vindu viosi via okolaa viveeye vitakatifu. Siaveeye ho numunyasaye oveeye munene kuli ivi mba.

Zaburi 87:3

Avandu vi lidaala linene lia Nyasaye, hulirizi ku vindu viokogenyia via avoora ku ivi.

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Kutwula 17:15

Musa yumbaka uvwali, navulanga lieta “Yahova aveeye ebendera yange.”

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 14:32

Mundu alativulira ki avatumwa vi zihiiri kutura Filisitia? Kulavavoolera ndi, “Yahova umali kusingiliza musingi gwa Ziyoni, na avandu veve avadambizwa valirukirayo nokonyoora ovohonyi.”

Isaya 24:23

Umweli gulamwama tititi, kandi liuva sililaaka kandi mba, kigira Yahova Wuvunyali alava mwami. Alamiiha mu Jerusalemi, ku kiguru cha Ziyoni, kandi aviimiliri va vandu valalola uvukumi vwivwe.

Jeremia 14:9

Kigira ki oveeye kuli mundu oveeye mu ligenya, kuli musikari utaveeye ni zinguru kokonya? O, Yahova, ligali ivi oveeye harara ni kunyi! Kunyi koveeye avandu vovo; utakoleka mba.’ ”

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Jeremia 3:17

Lwa ing'inga yeyo iliduuka, Jerusalemi ilakalangwe ‘Endeve yu vwami vwa Yahova’, kandi izihiiri ziosi zilakavuganiri wene yeyo kusigamira. Kunangwa sivalalindagilira nokolonda uvudamanu vwimioyo jiavo mba.

Jeremia 33:16

Avandu vi Ivuyuda na Jerusalemi valahonywa kandi valamenya mu mirembe. Lidaala linene yili lilangwa ‘Yahova Muhonyi Wiitu.’

Jeremia 8:19

Muhulirizi! Mbulira avandu vange nivalira mukivala choosi: “Yahova yatura mu Ziyoni? Mwami wa Ziyoni yatura yo kandi naye?” Yahova, mwami wavo yativura, “Kigira ki mwakora inzi kuva nu vutima ku lisigamira vifananyi viinyu! Kandi linamira avanyasaye vinyu avageni avataveeye kindu?”

Ezekieli 35:10

“Munyi mwavoora ndi, avandu vi ihiiri yi Ivuyuda na Isiraeli, harara ni vivala viavo ni vienyu kandi mulavivugula, kali niiva Inzi Yahova, ndaali Nyasaye wavo.

Ezekieli 37:26

Inzi ndakalombe lilagana harara navo liukuvasuuviliza mirembe mihiga ni mihiga. Inzi ndakavasingilizi kandi ndakameede ulwivulu lwavo, kandi ndakaviiki Litembeli liange mu kivala chavo uwa lilakamenye mihiga ni mihiga.

Ezekieli 37:28

Lwa ndakaviiki Litembeli liange wene yeyo kuva harara navo mihiga ni mihiga, maku zihiiri zilakamanye ndi, inzi Yahova mali kotovola vandu va Isiraeli kuva vandu vange.”

Ezekieli 48:34

Kolovega lwi Imadioli, lidigi lilava zimita 2,250 uvutambi. Lovega yilu lulava ni virivwa 3: Kirivwa cha Gadi, kirivwa cha Asheri kandi kirivwa cha Nafutali.

Joeli 3:21

Inzi ndatungiza kisaalia kigira yavo avamala kwitwa, kandi sindatulizaho mahiolo gaavo mba, kigira inzi Yahova menyaa mu Ziyoni.”

Zekaria 14:21

Vuli inyingu yo kodekera mu, mu lidaala lia Jerusalemi kandi Ivuyuda woosi ilakatakaswe nu kugitumikira mu lisigamira Yahova Wuvunyali. Avandu vahaana visiuviliru valakadekere mu inyama yi visiuviliru. Lwi ing'inga yeyo ilakaduuki avakiranyi sinavaveho kandi mu Litembeli lia Yahova Wuvunyali mba.

Zekaria 2:10

Yahova yavoola, “Mwimbi nu vusangali munyi avandu vamenyi mu Jerusalemi! Nziza komenya hagati hinyu!”

Zekaria 8:3

Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

Livalidza 23:21

Ndolaa madiku gaaza imbiri ga Isiraeli, sialavaleetela vudamanu naho vudinyu mba; Yahova Nyasaye wavo aveeye navo; valandiza ndi Yahova nu mwami wavo.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.

Likunula 22:3

Sihalava ho kandi ni kindu choosi ichalaamwa na Nyasaye mu lidaala linene yilio mba. Navuzwa endeve yu uvwami vwa Nyasaye ni yu Mwana wi Ligondi zilakave mu lidaala yilio kandi avatumikiri veve valakamutumikiri.

Likunula 3:12

Uyu ugutaa uvulwani, ndamukora itiiru mu Litembeli lia Nyasaye wange. Sialazia ichova walio kandi mba: ndang'oda kuye lieta lia Nyasaye wange, kandi lie lidaala lia Nyasaye wange, Jerusalemi imbia, likanga kutura mwigulu ku Nyasaye wange. Kandi ndang'oda kuvo lieta liange lihia.

Vakalagi 6:24

Gidioni yumbakira Yahova uvwali hazana yaho, navulanga “Yahova aveeye umurembe.” Kuduuka kalunu, uvwali zana vukikiri ha Ofura, ovoveeye vwa vandu va Viezeri.