Ezekieli 48:28 - KITABU KITAKATIFU

²⁸ Kidieli kikagata ni kidieli chi ihiiri ya Gadi kolovega lwi Isavaalu, ulwako lulatula mu lidaala lia Tamara kuduuka ku mazi ga Meribazi Kadeshi. Lulavitira kolovega lwi Imadioli wu mugera gwa Egebeti kuduuka ku inyanza ya Meditareniani.

Ezekieli 48:28 ပူးပေါင်းရင်းမြစ်များ

Litanga 14:7

Maku vaagirung'ana nivirana Kadeshi liamanyikana kuli Enimishipati. Vaguuta avandu vosi va Amaleki kandi nivaguuta vandu vosi va Amori avamenya mu Hazazoni Tamara.

Litanga 15:18

Ku lidiku liene yilio, Yahova yalomba lilagana na Aburamu; Yavoola, “Inzi ndagaa kuhaana ku visukululwi vivio kivala yiki choosi kutura ku lwako lwu mugera gwa Egebeti kuduuka ku mugera gwa Efurate,

2 Kyetsinyinga 20:2

Vasaza valala vazia ni vavoolera mwami Jehoshafati ndi, “Kiduma kenene chi i liihi kutura Edomu kimali kuduuka kutura ku lovega lundi lwi inyanza yi ijumbi kuza ku mulwaana. Vamali kugumira kivala cha Hazazoni Tamara.” Lieta lindi lie kivala yiki ni Engedi.

Zaburi 106:32

Avandu yava vaavihiliriza Nyasaye ha visinukiru via mazi via Meriba, kandi Musa yaali mu vudinyi kigira makuva gaavo.

Isaya 27:12

Lidiku yilio, kutura ku mugera gwa Efurate kuduuka ku lwako lwa Egebeti, Yahova alavungiza avandu veve sa mulala, kuli mundu yahulanyia ingano kutura ku mukuzi.

Ezekieli 47:10

Kutura mu migera ja Engedi kuduuka mu migera ja Enegilaimu, avandu valuvaa zisuzi valakave yo ku inyanza, kandi navavagale yo zineti ziavo ziduuki kwuma. Zisuzi zing'ano ziosi zilakaveyo kuli ziveeye mu inyanza ya Meditareniani.

Ezekieli 47:15

“Lwako lwi kivala yiki lulava kuli ndi: Kolovega lwi Ivaale, ulwako lulavita kutura ku inyanza ya Meditareniani kuzia mu Lidaala lia Hezoroni, kuduuka ha vwingiliru vwa Hamazi kuzia kuduuka ku lidaala lia Zedadi.

Livalidza 20:1

Ku mweli gwo kutanga vandu va Isiraeli vaduuka mwigendanyama lia Zini ma nivasosera ha Kadeshi. Hene yaho Miriamu yakuza nivamuyavira ho.

Livalidza 20:13

Yaga gekolekela ha Meriba ha vandu va Isiraeli vigaana kigira Yahova kandi hayavamanyila ndi aveeye mutakatifu.

Livalidza 34:5

lulagirung'ana kuzia ku lovega lwi livona ku lwako lwa Egebeti na lulamalilikila kunyanza ya Meditareniani.

Joshua 13:3

kandi kivala choosi cha vandu va Vimu kolovega lwi savaalu. Kivala kutura kumugera gwa Shihori, ivugwi wu lwako lwa Egebeti kuduuka ivaale wu lwako lwa Ekironi, chaali kivala cha Kanaani. Avami va vandu va Filisitia vamenya Gaza, Ashidodi, Ashikeloni, Gazi, na Ekironi.