Ezekieli 47:22 - KITABU KITAKATIFU

²² Kilava mwandu gwinyu gwi mihiga ni mihiga. Avageni vamenyi mu munyi kandi avamala kwivulira avana hano, gavadukiraa vanyoore kedonye chavo chu mulimi lwa mugugavuranyia. Gaduukanaa muvakolere kuli avandu vi kivala cha Isiraeli kandi vakubi zikuura konyoora kedonye chu mulimi harara ni zihiiri zia Isiraeli.

Ezekieli 47:22 ပူးပေါင်းရင်းမြစ်များ

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Ezekieli 45:1

Lwamugavulanyia kivala cha Isiraeli, nukuhaana ku vuli ihiiri kidieli kilala kilaviikwa halovega kuva havundu hatakatifu ha Yahova. Kidieli yiki kilava zikilomita 12 ninusu uvutambi ku zikilomita 10 uvuvambalaru. Havundu yaaha hoosi halava Hatakatifu.

Ezekieli 47:21

“Kunangwa mulagavuranyia kivala yiki munyi aveene kolondekana ku zihiiri zia Isiraeli.

Ezekieli 47:23

Vuli mugeni alanyoola kidieli chiche harara na vandu vi ihiiri yamenya mu. Inzi, Mwami Munene Yahova, mali kovora.”

Ezekieli 48:29

Mwami Munene Yahova avoora, “Yiki nicho kivala cha ugavula mu vidieli hagati hi zihiiri zia Isiraeli keve kuli miandu kuvo.”

Kyavalevi 19:34

Muvakolere kulia vandu va Isiraeli vache vinyu, muvayaanze kuli mwiyaanzaa vene. Mwizurizi ndi munyi kandi mwaali avageni mu kivala cha Egebeti. Inzi mbeeye Yahova Nyasaye winyu.

Vikolwa 11:18

Lwa vahulira yaga, valeka amahangari gaavo, ni vizominya Nyasaye, vavoola, “Nyasaye umali kuhaana ku vandu vi Zihiiri zindi vwiyangu vwu kwiganira no konyoora livamwoyo!”

Vikolwa 15:9

Siyalomba liavukanyia liosi hagati hiitu navo mba. Yasamiha uvwoni vwavo kigira vasuuvira.

Varumi 10:12

Likuva yili liveeye ku vandu vosi kigira sihaveeyeho ni liavukana hagati ha Vayuda na vandu vizihiiri mba; Nyasaye aveeye mwahuli mulala wavoosi kandi ahaanaa uvugasu vunyingi ku vosi avamwanira.

Vafeso 3:6

Agaviswa gene ni yaga: kuvitira mu Ivangeri ya Nyasaye, vandu vizihiiri vagwiyi avasangi vi miandu harara na Avayuda mu zimbavasi zia Nyasaye; vave muviri mulala na vasaange mu lisuuvirizwa lia Nyasaye yalomba kuvitira mu Kristo Yeso.

Kwidzulitsa 10:19

Kunangwa, muyanze avageni kigira munyi kandi mwaali vageni mu kivala cha Egebeti.

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.