Ezekieli 47:19 - KITABU KITAKATIFU

¹⁹ “Lwako lwi Isavaalu lulatangila ha Tamara, na lulazia Imadioli wi Isavaalu kuduuka ku migera ahimbi Meribazikadeshi. Lulazizagilira kuvitira mu Egebeti kandi lulamalilikira mu inyanza ya Meditareniani.

Ezekieli 47:19 ပူးပေါင်းရင်းမြစ်များ

1 Avami 8:65

Kunangwa Solomoni yalomba lilia ing'inga yeyo, na vandu vosi va Isiraeli vaali harara naye, Livugana linene kutura mu vwingiliru vwa Hamazi kuduuka mu Ivaale kandi kutura ku lwako lwa Egebeti vaali ni lilia; imbiri wa Yahova Nyasaye wiitu ku madiku saba.

1 Avami 9:18

Bahalazu, Tamara mwigendanyama lie Ivuyuda,

2 Kyetsinyinga 20:2

Vasaza valala vazia ni vavoolera mwami Jehoshafati ndi, “Kiduma kenene chi i liihi kutura Edomu kimali kuduuka kutura ku lovega lundi lwi inyanza yi ijumbi kuza ku mulwaana. Vamali kugumira kivala cha Hazazoni Tamara.” Lieta lindi lie kivala yiki ni Engedi.

Zaburi 81:7

Lwa waali mu vudinyu, waanira ku inzi na ndakohonyia. Ndakutivulira lisaala liilio kutura havundu hange hukwivisa mu kihuzuzi nizinguba. Ndaakogeriza ha vidaho via Meriba.

Isaya 27:12

Lidiku yilio, kutura ku mugera gwa Efurate kuduuka ku lwako lwa Egebeti, Yahova alavungiza avandu veve sa mulala, kuli mundu yahulanyia ingano kutura ku mukuzi.

Ezekieli 47:10

Kutura mu migera ja Engedi kuduuka mu migera ja Enegilaimu, avandu valuvaa zisuzi valakave yo ku inyanza, kandi navavagale yo zineti ziavo ziduuki kwuma. Zisuzi zing'ano ziosi zilakaveyo kuli ziveeye mu inyanza ya Meditareniani.

Ezekieli 47:15

“Lwako lwi kivala yiki lulava kuli ndi: Kolovega lwi Ivaale, ulwako lulavita kutura ku inyanza ya Meditareniani kuzia mu Lidaala lia Hezoroni, kuduuka ha vwingiliru vwa Hamazi kuzia kuduuka ku lidaala lia Zedadi.

Ezekieli 48:28

Kidieli kikagata ni kidieli chi ihiiri ya Gadi kolovega lwi Isavaalu, ulwako lulatula mu lidaala lia Tamara kuduuka ku mazi ga Meribazi Kadeshi. Lulavitira kolovega lwi Imadioli wu mugera gwa Egebeti kuduuka ku inyanza ya Meditareniani.

Livalidza 20:1

Ku mweli gwo kutanga vandu va Isiraeli vaduuka mwigendanyama lia Zini ma nivasosera ha Kadeshi. Hene yaho Miriamu yakuza nivamuyavira ho.

Livalidza 20:13

Yaga gekolekela ha Meriba ha vandu va Isiraeli vigaana kigira Yahova kandi hayavamanyila ndi aveeye mutakatifu.

Livalidza 34:3

Lwako lwi isavaalu lulisunda kutura muchangalangwe cha Zini kuvitira ku lwako lwa Edomu. Lulatangila Ivugwi ma lutwekele Isavaalu winyanza yi Jumbi.”

Livalidza 34:5

lulagirung'ana kuzia ku lovega lwi livona ku lwako lwa Egebeti na lulamalilikila kunyanza ya Meditareniani.

Kwidzulitsa 32:51

Kigira vombi simwali avasuuvirifu ku inzi imbiri wa avandu va Isiraeli. Lwa mwaali ha Kidaho cha mazi ga Meriba ha Kadeshi, mu changalangwe cha Zini, munyi simwahaana ku inzi luyali imbiri wa avandu mba.

Kwidzulitsa 33:8

Yavoola ku ihiiri ya Levi: “Ivi, O, Yahova, vuula uvulariri vuvwo mu litumikira Urimu na Zumimu yooyo. Kuvitira mu vatumikiri vovo vasuuvirifu, Avalavi. Wavageriza ha Maasa kandi wavalolekiza wavanyoola kuva aviligali ha mazi ga Meriba.

Joshua 12:3

vwavalizwa harara na Livona lia Jorodani kutura kunyanza ya Galilaya Isavaalu wa Bezi-Yeshimozi liveeye Ivugwi wi Inyanza yi jumbi kandi kuzizagilira kuzia kolovega lwi kiguru cha Pisiga kitangiraa.