Ezekieli 46:2 - KITABU KITAKATIFU

² Mwamihi wamihaa nazie kutura mu mugizi gwi ichova kuduuka mu vwingiliru vwe keng'oze kuvitira mu kilivwa kandi nasingili ha misaala ji kirivwa lwa avasaalisi vasamba visiuviliru viavo kandi kuhaana isadaka yeeye yi mirembe. Ha kirivwa yaho kuduuka yasigamiri ma azie ichova kandi. Kirivwa kitahanwa mba kuduuka hamugorova.

Ezekieli 46:2 ပူးပေါင်းရင်းမြစ်များ

1 Kyetsinyinga 17:16

Maku mwami Daudi yazia mu Lihema lia Yahova, niyikara hasi, nasaara, “Inzi kinga avinyumba yange si kudukani kokolelwa goosi aga umali kongolera, Yahova Nyasaye.

1 Kyetsinyinga 9:18

Kutura ing'inga yene yeyo avandu vi zihiiri ziavo vaviikwa mu vwingiliru vwi Ivugwi vwi kirivwa chu mwami. Yava nivo avaari avalindi vi Kirivwa cha hokososa ha vandu va Levi.

2 Kyetsinyinga 23:13

Hene yaho yalora mwami muhia ha vwingiliru vwi Litembeli, nasingiyi ha itiiru yaalomberwa avami, kandi nakumbiriziywi na vanene vi liihi harara na vakubi vi visiriva. Avandu vosi vaali nivahanzuka nuvusangali vonene ligali kandi nivakubaa visiriva na vimbi vumu litembeli niviju viavo viu kwimba nivimiriyi zinyimbu zielizominya. Yatandula zinguvu zizie mu linyang'ana nilivihilirwa kandi nahanzuka, “Uvwibaali! Uvwibaali!”

2 Kyetsinyinga 29:29

Lwa vamala kuhaana kihanwa, mwami harara na yavo avaari ho harara naye viinama ma ni vasigamira Yahova.

2 Kyetsinyinga 34:31

Mwami yasingira ahimbi ni itiiru yu vwami, nalomba lilagana harara na Yahova, ku muhulira, nu kulinda amalago geege goosi, nu mwoyo gwigwe gwosi, kandi nokokola makuva kolondekana ni lilagana, kuli ga ng'odwa mu kitabu chi lilaga yicho.

2 Kyetsinyinga 6:13

Solomoni yaali naalombi kitalazi chu mugasa nakiviiki hagati hu mugizi. Kitalazi chene yiki chaali uvutambi nu vugika zimita 2.2 zimbega ziosi, na kuzia igulu chaali zimita 1.3. Solomoni yanina ku kitalazi chene yiki, nasigama ku havundu hu mundu woosi yaali anyala kumulora, ma naginga makono geege mwigulu.

Ezekieli 40:19

Maku mundu uyu yaagera inzira kutura mu kirivwa chu mugizi gwu mugati kuduuka mu kirivwa chu mugizi gwi chova, yaali zimita 50 uvutambi. Maku yazia Ivaale Imbiri wange.

Ezekieli 40:39

Muving'oze viu muvwingiliru yivi, zialimu ni zimesa ziviri kuvuli lovega. Ku zimesa yizi vasinzira ku zinyama zie, vihaanwa viu kusambwa kandi vihaanwa viu vwoni anoho vihaanwa via mahiolo.

Ezekieli 44:3

Umwami yeng'ine anyala kuzia kwikala mukirivwa yiki nukulia chukulia imbiri wange. Alingira kuvitira mu keng'oze chu vwingiliru, kandi alatula ichova kuvitira munzira ndala inzere.”

Ezekieli 45:19

Musaalisi alavugula ku masahi gi kihanwa chu vwoni na avake ku maliva gi kiliango chi Litembeli, mu zikona zine ziu vwali kandi ku vigutu vie kirivwa chu mugizi gwu mugati.

Ezekieli 46:12

“Lwu mwimiliri yamiha yenya kuhaana isadaka yuvwihaani ku inzi, isadaka yukasambwa anoho isadaka yi mirembe, kirivwa chi Ivugwi kizizaa mu mugizi gwu musi kiligulwa. Alahaana isadaka mu liiva lilala liere kuli akolaa ku lidiku lie Lisabato, kandi kirivwa kilahanwa lwa azia ichova kandi.”

Ezekieli 46:8

Lwa mwamihi yingira, kuduuka avitiri mu keng'oze chu vwingiliru chi kirivwa chi Ivugwi kandi lwa azia ichova kuduuka alazira kunzira indala nzere.

Matayo 26:39

Yisunda hambiri hakekeke, naagwa hasi mam'mama nasaara navoora, “Baba wange, ni ganyalika, tuliza ekekombe chu vusaliri yiki ku inzi! Navuzwa gatava aguvulaliri vwange, nitali gave kuli ivi wenyaa.”

Vakolosai 1:28

Kunangwa kwilwazaa Kristo ku vandu vosi kutumikira vogeri vwosi kuviganihiza kandi kuvigiza, kuduuki koleta vuli mundu imbiri wa Nyasaye, kuli mundu muduukiru mu Kristo.