Ezekieli 46:12 - KITABU KITAKATIFU

¹² “Lwu mwimiliri yamiha yenya kuhaana isadaka yuvwihaani ku inzi, isadaka yukasambwa anoho isadaka yi mirembe, kirivwa chi Ivugwi kizizaa mu mugizi gwu musi kiligulwa. Alahaana isadaka mu liiva lilala liere kuli akolaa ku lidiku lie Lisabato, kandi kirivwa kilahanwa lwa azia ichova kandi.”

Ezekieli 46:12 ပူးပေါင်းရင်းမြစ်များ

1 Avami 3:4

Ku ing'inga ndala, mwami Solomoni yazia Gibeoni kuhaana visiuviliru kigira yaho niho hu vwali vonene kuvita vwosi vwukusigamira vifananyi. Yaali nahaani zimia ni zimia zie visiuviliru hene yaho maziambiri.

1 Kyetsinyinga 29:21

Lidiku lialonda ku, viitira Yahova visiuviliru vie zinyama kandi ni vahaana vihaanwa viu kusambwa kuye kuli ndi: Zigiriki 1,000 magondi mamigu 1,000 kandi vimeme vikole 1,000. Valeta kandi ivia vasamba ivihaanwa viavo vie iwaini, vigima ku vwali.

2 Kyetsinyinga 29:31

Hene yaho, mwami Hezekia yavavolera, “Kalunu mumali kwitakasa munyi aveene imbiri wa Yahova, mwisundi ahimbi, mulete visiuviliru kandi vihaanwa viu kusandiza ku Yahova.” Livugana lialeta visiuviliru kandi vihaanwa viu kusandiza mu Litembeli; na vosi avaari nu mwoyo gwu vwihaani valeta vihaanwa viu kusambwa.

2 Kyetsinyinga 5:6

Mwami Solomoni na vandu vosi va Isiraeli vavugana harara imbiri wi Lisandugu lie Lilagana, kandi vita visiuviliru vinyingi via magondi ni zing'ombe zinyingi ligali, zitanyala kuvalizwa mba.

Ezara 1:4

Niiva vandu vaatigara mu kivala chu vuhambe aleenya vokonyi kwirana, avatende vaavo valavakonya kuvaha ifeza, izahabu, uvutugi kandi mitugu harara nuvwihaani vundi vwosi kuhaana mu Litembeli lia Nyasaye mu Jerusalemi.”

Ezara 3:5

Inyima wa yago vahaana zisadaka zia vuli ing'inga ziukusambwa, nivisiuviliru viukuhaana viu mweli muhia numumavugano gandi goosi via Yahova asigamirwa, kandi na yivio viosi ivialetwa kuli vihaanwa viukwihaana ku Yahova.

Ezara 6:17

Mu litakasa lie Litembeli lia Nyasaye yili, vahaana zigiriki 100, amagondi 200, kandi vimeme 400 kuva kuli visiuviliru, kandi vahaana zimburi 12 kuva kuli kihanwa chu vwoni, imburi indala ku vuli ihiiri ya Isiraeli.

Ezekieli 44:1

Maku mundu uyu yambugura niyambira mu kirivwa chi chova, ichaali kolovega lwi ivugwi wi Litembeli. Kirivwa yiki chaali nikihaniywi.

Ezekieli 44:3

Umwami yeng'ine anyala kuzia kwikala mukirivwa yiki nukulia chukulia imbiri wange. Alingira kuvitira mu keng'oze chu vwingiliru, kandi alatula ichova kuvitira munzira ndala inzere.”

Ezekieli 45:17

Gulava muyinzi gwu mwamihi kuhaana vihaanwa viu kusambwa, vihaanwa viu vuswage kandi vihaanwa vie iwaini ku ihiiri yoosi ya Isiraeli ku ing'inga ya masavo gu Mweli Muhia, Lisabato kandi masavo gandi. Kandi alahaana vihaanwa viu vwoni, vihaanwa viu vuswage, vihaanwa viu kusambwa, kandi vihaanwa vie mirembe kunangwa vandu va Isiraeli vaduuki kusamifwa uvwoni vwavo.”

Ezekieli 46:8

Lwa mwamihi yingira, kuduuka avitiri mu keng'oze chu vwingiliru chi kirivwa chi Ivugwi kandi lwa azia ichova kuduuka alazira kunzira indala nzere.

Kyavalevi 1:3

Niiva ahaanaa ndala ku zing'ombe zizie kuva kuli kihanwa chu kusambwa, kuduuka ahaane igiriki itaveeye nimbara. Alageleeta ha vwingiliru wi Lihema liu kuvuganira mu YAHOVA, kunangwa Yahova aduuki kumuvugilira.

Kyavalevi 23:38

Amasavo yaga gaveeye gokomeeda ku masabato ga kazozo, kandi vihaanwa yivi viveeye viokomedaa ku vihaanwa via kazozo, vihaanwa vienyu viamuleetaa mulitwekiza liesuuha, kandi vihaanwa vienyu via muhaanaa nu mwoyo gwu vuyanzi ku Inzi Yahova.)

Kyavalevi 7:16

Niiva mundu alaleeta kihanwa chi mirembe ku liduukiza lilagana lie liesuuha, anoho kihanwa chu vuyanzi vwi lilarira lilie mwene, kitaliivwa choosi lidiku lia keleteywe ku mba, navuzwa inyama yikisiuviliru yakava nitigaye, ilaliivwa lidiku lilonda ku.

Livalidza 29:39

Yaga nigo malago galondekanaa ni vihaanwa viu kusambwa, vihaanwa viu vuswage, vihaanwa vie iwaini kandi vihaanwa vie mirembe viduukana vihaanwe ku Yahova ku ing'inga yatovolwa ya masavo ginyu. Vihaanwa yivi viveeye komeeda ku vihaanwa via muhaana kigira kutwekiza lilagana lienyu liu kwisuuha.

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.