Ezekieli 45:9 - KITABU KITAKATIFU

⁹ Yahova Wuvunyali yavoola, “Munyi avamihi va Isiraeli, mwakora uvwoni ku ing'inga indambi! Mulekere kolola kilage kandi lidambiza. Mukore agaveeye amalungi kandi likalaga lirungi. Mutakungi avandu vange vatuli mu kivala chavo kandi mba. Inzi Mwami Munene Yahova muvooleraa yaga.

Ezekieli 45:9 ပူးပေါင်းရင်းမြစ်များ

Ayubu 20:19

Kigira umali kudambiza avadaka nukuvaleka muvudaka ligali. Kandi umali kuvugura zinyumba zia yavula kwumbaka.

Ayubu 22:9

Ivi wakunga vakunzakali vugira kindu choosi, kandi wavunaga makono ga avavisandu.

Isaya 1:17

na mwigi okokora amalungi. Mulole ndi likalaga liuvulungi likoleywi. Mukoonye yavo avadambizwa, muhe avavisandu uvulungi vwavo, na mukingi avakunzakali.”

Jeremia 22:3

“Inzi Yahova, mulaga mukore likalaga liveeye lirungi kandi liu vulungi. Mukingi mundu umali kunuurwa kutura ku munuri. Mutakola uvudamanu anoho mutadambiza avageni, avavisandu anoho avakunzakali mba. Mutiita avandu vataveeye nimbara havundu yaaha mba.

Jeremia 6:7

Kuli kidaho kilinda mazi gacho vulahi, nindio avandu va Jerusalemi valinda uvudamanu vwavo vulahi. Mbulira kilage ligali niliononyia mu lidaala; ndolaa uvulwaye nizingwagu.

Ezekieli 44:6

“ Ovoolere avandu va Isiraeli avibaara ku Inzi ndi, Inzi Yahova Wuvunyali sindikuzira ku vindu viu kuvihiliriza viavakola mba.

Ezekieli 7:11

Kirage kemedaa uvuchamu vunyingi. Avandu vaavo, anoho uvuhinda vwavo anoho uvukumi vwavo si navitigale mba.

Ezekieli 7:23

“Vuli kindu keveeye muligoyana kandi kivala chizuuyi avalumindi kandi avandu vikirage vizuye madaala manene.

Ezekieli 8:17

Maku Yahova yambolera, “Mwana wu Mundu, ololaa yaga? Avandu vi Vuyuda yava vakikiri kuduukira mu likora vindu viosi viu kuvihiliriza via ivi umali kolola yaaha kandi nokokola kirage mu kivala choosi. Awa vaduukana vaaze kuvikolera mu Litembeli nokongola kali kuva nu vutima vunyingi ligali? Henza kuli vanyega mu liiva liosi liokokola uvudamanu!

Amosi 5:15

Mudunyili uvudamanu, na muyanze agaveeye malungi, na mulole ndi likalaga lirungi likoleywe mu viyaalo. Hawundi Yahova Nyasaye Wanyala Viosi alaveera avandu veve Isiraeli zimbavasi avatigara mwoyo.

Amosi 5:24

Mu vogono vwi vindu yivio muleke likalaga lirungi lidoloke kuli mugera gwa mazi, na uvulungi kuli mugera munene gwa mazi agalivula kukama.

Mika 2:9

Mukungaa avakali va avandu vange vatuli mu zingo ziavo ziavayaanzaa. Mumali kunyaga avana vaavo uvugasu vwange mihiga ni mihiga.

Mika 6:10

Nyara kwivilira zikiba zio vudamanu munyumba ya avadamanu, na ekegero kekekeeke chu kuvihiirizwa?

Zekaria 7:9

“Ndahaana malago yaga ku vandu vange kale ligali: ‘Gamudukira muve ni likalaga lirungi, kandi mumanyie vohoma ni zimbavasi ku mundu nu wache.

Zekaria 8:16

Yivi ni vindu viduukana mukore: Muvoore agaveeye giligali mundu nu wache. Muhaane likalaga liagiligali nokoleta mirembe.

Luka 3:14

Avasikari navo vamuteeva kandi, “Na kunyi kokole ki?” Naye yavavolera, “Mutanuura mundu woosi vindu vivie anoho kugina mundu woosi mba. Muvugiliri mitungu jinyu.”

1 Petro 4:3

Mwamenya ing'inga indambi mu madiku gaavita nimwagotera mu likora aga avi kivala vayaanza kokora. Ilimenya lienyu liali lie miima midamanu, liegomba lidamanu, uvuhambiki, ilisieva, uvuhambiki vwu mu viduma, ni lisigamira liu kuvihiliriza lie vifananyi.