Ezekieli 44:7 - KITABU KITAKATIFU

⁷ Vamali kwonogonyia Litembeli liange, nokoleka avageni vataveeye avasuuvirifu, avandu vavura kutia kwingira mulio lwahaana vindu vinolu kandi amasahi gi visiuviliru ku inzi. Kunangwa avandu vange vamali kuvunaga lilagana liange mulikola vindu viosi viu kuvihiliriza.

Ezekieli 44:7 ပူးပေါင်းရင်းမြစ်များ

Litanga 17:14

Vuli musaza utakevwa sialava mulala ku vandu vange mba, kigira siyalindi lilagana liange mba.”

Kutwula 12:43

Yahova yavolera Musa na Haruni, “Yaga nigo amalago gilipasaka: ‘Mundu mugeni wihiiri yindi’ sialalia ku chukulia chi Lipasaka mba,

Kutwula 12:48

navuzwa mundu utaakevwa sianyala kulia ku mba. Niiva mugeni wamenya hagati hinyu naye yenya kusanga kulia Lipasaka kukuminya Yahova, mulataga kokeva avayaayi vosi vinyumba yeyo. Naye alavugulwa kuli mulala uwivulwa mu kivala chiinyu cha Isiraeli na alasaanga mu lilia lienyu.

Isaya 24:5

Avandu vononyi lirova mu livunanyia lilaga lia Nyasaye kandi kuvula kolonda lilaga lilie liayalomba kuva ho mihiga ni mihiga.

Jeremia 11:10

Vamali kwirana kokora uvwoni vwa avaguuga vaavo, avasuuraa kuhulira amakuva gange. Vamali kugirung'ana kuzia kusigamira kandi kutumikira avanyasaye vandi. Avandu va Isiraeli na vandu vi Ivuyuda vamali kuvunaga lilagana lia ndaalomba na avaguuga vaavo.

Jeremia 31:32

Sinalive kuli Lilagana lia Ndalomba navaaguuga vaavo lwa ndaavagumira mukono nukuvimilira kutura mu kivala cha Egebeti mba. Kali niiva ndaali kuli musaza kuvo, sivalinda lilagana liene yilio mba.

Jeremia 4:4

Avandu vi Ivuyuda na Isiraeli mulindi lilagana lienyu ninzi Yahova winyu, kandi mwihaane munyi aveene ku inzi. Niiva simulakolandio mba, vutima vwange vulaaka kuli muliru kigira ivindu vidamanu viamumali kokora. Vulaaka na siaveeyeho na mulala ulisiminya mba.”

Jeremia 9:25

Yahova avoora, “Madiku gaaza, lwa ndihaana mageri ku yavo vosi avakevwa vuzwa kuligodo -

Jeremia 9:26

Avandu va Egebeti, Ivuyuda, Edomu, Amoni, Moabu kandi avandu avamenyaa muchangalangwe nivivala vie ihale. Kigira izihiiri yizi ziosi nagiligali siziakevwa mba, kandi kali avandu vosi va Isiraeli sivakevwa mumwoyo mba.”

Ezekieli 22:26

Avasaalisi vavunanyi lilago kandi sivahaana luyali kuvindu vitakatifu mba. Sivaveeye ku niliavukanyia hagati hivindu viveeye vitakatifu nivitaveeye vitakatifu mba. Sivigizaa liavukana hagati hivindu vinifu ni vitaveeye vinifu mba, kandi sivagumira lisabato mba. Kigira yaga, avandu va Isiraeli sivambezaa luyali mba.

Ezekieli 44:15

Yahova Wuvunyali yavoola, “Avasaalisi vaveeye vi hiiri ya Levi kandi avaveeye visukululwi via Zadoku, vazizagilira kundumikira nu vusuuvirifu mu Litembeli lwa vandu vosi va Isiraeli vaagirung'ana kutura ku Inzi. Kulwayago, yava nivo avisunda ahimbi ninzi nu kundumikira kuhaana zitinya kandi masahi gi zinyama zie visiuviliru ku Inzi.

Ezekieli 44:9

“Kulwayago, Inzi Yahova Wuvunyali mboraa ndi, sialavaho mundu kali mulala utaveeye musuuvirifu omenyi hagati ha vandu va Isiraeli, anoho avulaho mundu kali mulala utatiza inzi, ulingila mu Litembeli liange mba.”

Ezekieli 7:20

Maziambiri velola kigira magina gaavo guvuguli, navuzwa vaagatumikila kolomba vifananyi viukuvihiliriza. Kulwayago inzi ndavikola kuva ivindu kitaveeye vinifu kuvo.

Kyavalevi 17:11

Livamwoyo lia vuli kelombe liveeye mu masahi, na yiki nicho chagira Yahova nalaga ndi amasahi goosi gasundulwi ku uvwali kutulizaho uvwoni vwa avandu. Amasahi gaveeye livamwoyo, gakunikaa uvwoni.

Kyavalevi 21:17

avolere Haruni ndi: “Mu makura gaaza, atavaho na mulala ku visukululwi vivie oveeye novolema vwosi ku muviri gwigwe uhaana vihaanwa vie viukulia ku Inzi Nyasaye weve mba.

Kyavalevi 21:21

Kisukururwi chu Musaalisi Haruni keveeye ku novolema vwosi ku muviri kitahaana ku kihanwa chi viukulia ku Inzi mba,

Kyavalevi 21:6

Kuduuka ave umutakatifu, kandi siaduukanaa yambiki muzisoni mba kigira ahaanaa vihaanwa vie viukulia ku Inzi Nyasaye wavo kuduuka ave umutakatifu.

Kyavalevi 21:8

Kuduuka avandu vavuguli musaalisi kuva aveeye umutakatifu, kigira ahaanaa vihaanwa vie viukulia ku Inzi; Inzi Yahova mbeeye mutakatifu kandi ngolaa avandu vange kuva avatakatifu.

Kyavalevi 22:25

“Mutahaana kihanwa chichukulia cha Nyasaye winyu mutugu gwosi kutura ku mugeni mba. Mitugu kuli yiji jivugulwa kuva kuli jiveeye nimbala kulwayago sijinyala kuvugilirwa mba.”

Kyavalevi 26:15

Niiva mulasuura kuhulira malago gange ni lilagana liange lia ndalomba nimunyi,

Kyavalevi 26:41

Kandi nivangola kuvagirung'ana kandi kuvahila vazie mu kivala cha avasigu vaavo. Mu limalirika, lwi visukululwi vienyu viagehizwa kandi ni vamali kukindukizwa kigira uvwoni vwavo, kandi liebaala.

Malaki 1:7

Munyi munjayaa kuli ndi; muhaana ku vwali vwange viukulia vioneka. Maku muteeva, ‘Kunyi sikuhaana ndi kuhaana luyali ku ivi?’ Inzi ndamuvolera, mukoraa ndio mu lichaya vwali vwange.

Malaki 2:4

Maku mulamanya ndi inzi mali kuhaana malago yaga ku munyi kunangwa lilagana liange na vasaalisi, visukululwi via Levi, lilavuli kuvunagwa.

Malaki 2:8

“Navuzwa kalunu munyi vasaalisi mumali kugirung'ana kutura kunzira inungi. Amigizu ginyu galombi vandu vanyingi kokora vudamanu. Mumali kuvunaga lilagana lia ndaalomba ni munyi.

Vikolwa 21:28

Vahanzuka nivavoora, “Avandu va Isiraeli, kokoonyi, kokoonyi! Uyu niyie mundu wigiza avandu muvivala viosi makuva gahing'ana na vandu va Isiraeli, agahing'anaa ni Lilaga lia Musa na Havundu Hatakatifu hano. Kali kalunu umali kwingiriza avandu vi Zihiiri zindi mu Litembeli, nu kwonogonyia ahatakatifu hano.”

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Kwidzulitsa 10:16

Kunangwa kutura kalunu muve avahuliri ku Yahova kandi mutava vikirage mba.

Kwidzulitsa 30:6

Yahova Nyasaye winyu alamuha mioyo jukuhulira nukwegehiza harara ni visukululwi vienyu, kunangwa muduuki kumuyaanza nimioyo jinyu josi, na roho jinyu josi kandi mulazizagilira komenya mu kivala yicho.

Kwidzulitsa 31:16

Yahova yavolera Musa, “Ivi uzizaa kukuza vwangu, na inyima wi likuza liilio avandu yava sivalava avasuuvirifu ku inzi kandi mba, valavunanyia lilagana liange lia ndalomba harara navo. Valandeka nu kusigamira avanyasaye vandi vi kivala cha vaveeye ahimbi kwingira mu.

Kwidzulitsa 31:20

Ndavahila mu kivala kitugi kandi kenoru yiki, kuli ndasuuviriza avaguuga vaavo. Uwene yeyo valava ni chukulia choosi cha venya, na valamenya mu lielemeriza. Navuzwa valayeeka halovega kandi vasigamiri avanyasaye vandi. Valasura nukuvunanyia lilagana liange,

Vahebraina 8:9

Lilagana yili si lilakave kuli lia ndalomba harara na vaguuga vaavo ku lidiku lia ndavavugura nu mukono gwange kandi nimbimilira vatuli mu kivala cha Egebeti. Sivali avasuuvirifu ku lia ndalomba navo mba, ninzi sindavakola vave kindu mba, ndavaleka; Mwami avoora.