Ezekieli 44:3 - KITABU KITAKATIFU

³ Umwami yeng'ine anyala kuzia kwikala mukirivwa yiki nukulia chukulia imbiri wange. Alingira kuvitira mu keng'oze chu vwingiliru, kandi alatula ichova kuvitira munzira ndala inzere.”

Ezekieli 44:3 ပူးပေါင်းရင်းမြစ်များ

Litanga 31:54

Yakobo yahaana kisiuviriru ku kiguru, ma naagenihiza aviiko veve mu lilia. Inyima wa vaali ni vakalia, vaali mu lilinda uvudiku vwosi ku kiguru.

2 Avami 16:18

Kandi kulwukuyaanziza mwami wa Asiria, Ahazi kandi yaatuliza mu Litembeli ahadiguluku ahumbakirwa endeve yu vwami kuvikwa ku kandi nahana inzira yu mwami yingiliraa mu Litembeli.

2 Kyetsinyinga 23:13

Hene yaho yalora mwami muhia ha vwingiliru vwi Litembeli, nasingiyi ha itiiru yaalomberwa avami, kandi nakumbiriziywi na vanene vi liihi harara na vakubi vi visiriva. Avandu vosi vaali nivahanzuka nuvusangali vonene ligali kandi nivakubaa visiriva na vimbi vumu litembeli niviju viavo viu kwimba nivimiriyi zinyimbu zielizominya. Yatandula zinguvu zizie mu linyang'ana nilivihilirwa kandi nahanzuka, “Uvwibaali! Uvwibaali!”

2 Kyetsinyinga 34:31

Mwami yasingira ahimbi ni itiiru yu vwami, nalomba lilagana harara na Yahova, ku muhulira, nu kulinda amalago geege goosi, nu mwoyo gwigwe gwosi, kandi nokokola makuva kolondekana ni lilagana, kuli ga ng'odwa mu kitabu chi lilaga yicho.

Isaya 23:18

Likiranyia liu vutugi vwalio, vulatakaswa ku vutumiki vwa Yahova; uvutugi yivu si vulavikwa mukedeera mba, navuzwa vulatumika ku yavo avasigamiraa Yahova, kunangwa vaduuki konyoora viukulia kandi lieviika zinguvu kolondekana ni lienya liavo.

Isaya 62:9

Navuzwa munyi avamiiza uvuswage kandi ni mugesa, mulalia nu kwizominya Yahova; Kandi yavo avalindaa nu kuvungiza amazabibu, valanwa iwaini yago mu mugizi gwi Litembeli liange Litakatifu.”

Ezekieli 34:24

Inzi, Yahova ndava Nyasaye wavo, kandi mwami kuli mutumikiri wange Daudi naave mwamihi wavo. Inzi mali kovora.

Ezekieli 37:25

Valakamenye mu kivala cha ndahaana ku mutumikiri wange Yakobo, kivala cha vaguuga vaavo vamenyamu. Valakamenyeyo mihiga ni mihiga harara na vana vaavo kandi ni visukululwi viavo viosi. Mwami kuli mutumikiri wange Daudi alakavamiihi mihiga ni mihiga.

Ezekieli 40:9

Kandi yaagera vigutu vie kirivwa, na viali imiita indala. Lusimbu lwi kirivwa lwa henzana ni Litembeli.

Ezekieli 46:12

“Lwu mwimiliri yamiha yenya kuhaana isadaka yuvwihaani ku inzi, isadaka yukasambwa anoho isadaka yi mirembe, kirivwa chi Ivugwi kizizaa mu mugizi gwu musi kiligulwa. Alahaana isadaka mu liiva lilala liere kuli akolaa ku lidiku lie Lisabato, kandi kirivwa kilahanwa lwa azia ichova kandi.”

Ezekieli 46:2

Mwamihi wamihaa nazie kutura mu mugizi gwi ichova kuduuka mu vwingiliru vwe keng'oze kuvitira mu kilivwa kandi nasingili ha misaala ji kirivwa lwa avasaalisi vasamba visiuviliru viavo kandi kuhaana isadaka yeeye yi mirembe. Ha kirivwa yaho kuduuka yasigamiri ma azie ichova kandi. Kirivwa kitahanwa mba kuduuka hamugorova.

Kwidzulitsa 12:7

Hazana yaho, Nyasaye winyu, umali kumugaasiza, munyi harara na avizinyumba zienyu, mulalira nokusangalira vindu vilahi viamumali kuyinzira aku vudinyu.

Likunula 3:20

Henza, singiyi ha kiliango nzigulihizaa. Umundu woosi naava naahulira mwoyo gwange nukunzigulira kiliango, ndingira munyumba yeeye, nduuki kulia harara naye kandi naye alie harara ninzi.