Ezekieli 44:10 - KITABU KITAKATIFU

¹⁰ Yahova yambolera, “Ndahaana mageri ku vandu va Levi yavo harara na vandu va Isiraeli vosi, avaandeka ni vazia kusigamira vifananyi.

Ezekieli 44:10 ပူးပေါင်းရင်းမြစ်များ

Litanga 4:13

Kaini yavolera Yahova, “Likalagirwa liange liveeye linene ligali kuvita kegero.

Nehemia 9:34

Avaguuga viitu, avami viitu, aviimiliri viitu, avasaalisi viitu sivalinda Lilaga liilio mba. Sivahuliriza ku malago googo na amiganihizu googo mba.

Zaburi 38:4

Uvwoni vwange vunguniki kali kuduuka kumutwi gwange kuli musigo muliduhu, ugwa inzi ndakavuli kuginga.

Tsing'ano 11:31

Avandu vaveeye valungi vanyoola madanyi gaavo mukivala yiki; kunangwa ove nilisuvira ndi vandu vachamu na voni valahevwa mageri.

Isaya 53:11

Inyima wi limenya liu vusaliri alirana kuva nuvusangali; alamanya ndi siyasaaliraa vugira kivuni mba. Mutumikiri wange mulungi uwa inzi nyanzizangwa naye, alagiinga amageri ga vanyingi, na kigira ye ndasamiiha uvwoni vwavo.

Jeremia 23:11

Yahova avoora, “Avaporofeti navasaalisi vaveeye vugira Nyasaye; Inzi mali kuvanyolerera ni vakora uvudamanu mulitembeli.

Ezekieli 14:11

Inzi ndakora yaga kunangwa vandu va Isiraeli vavuli kondeka, anoho vavuli kweyononyia nuvwoni vwavo. Valava avandu vange, na inzi ndava Nyasaye wavo.” Yahova Wuvunyali umali kovora.

Ezekieli 22:26

Avasaalisi vavunanyi lilago kandi sivahaana luyali kuvindu vitakatifu mba. Sivaveeye ku niliavukanyia hagati hivindu viveeye vitakatifu nivitaveeye vitakatifu mba. Sivigizaa liavukana hagati hivindu vinifu ni vitaveeye vinifu mba, kandi sivagumira lisabato mba. Kigira yaga, avandu va Isiraeli sivambezaa luyali mba.

Ezekieli 44:12

Navuzwa kigira vatumikira vandu va Isiraeli lwa vasigamira vifananyi, nukuvimilira mu likora uvwoni, Inzi Yahova Wuvunyali nzisuha ndi, kuduuka vanyoore amageri.

Ezekieli 44:15

Yahova Wuvunyali yavoola, “Avasaalisi vaveeye vi hiiri ya Levi kandi avaveeye visukululwi via Zadoku, vazizagilira kundumikira nu vusuuvirifu mu Litembeli lwa vandu vosi va Isiraeli vaagirung'ana kutura ku Inzi. Kulwayago, yava nivo avisunda ahimbi ninzi nu kundumikira kuhaana zitinya kandi masahi gi zinyama zie visiuviliru ku Inzi.

Ezekieli 48:11

Kidieli yiki na keve cha vasaalisi vatakaswa, avaveeye visukululwi va Zadoku: Yava vandumikira nu vusuuvirifu kandi si vahambana na vandu va Isiraeli mu likora uvudamanu, kuli avandu vi ihiiri ya Levi vaakora.

Hosea 4:9

Munyi namuhevwe mageri malala mere kuli avandu! Inzi namuhe mageri kandi naamukole namutungi uvudamanu vwa mukoraa.

Kyavalevi 19:8

Mundu woosi ulia ku, alava muhioli na alahevwa mageri kigira wononyi chaviikwa halovega kigira Inzi, Yahova. Mundu oyo sialavalizwa kuva mulala ku avandu vange mba.

Zefania 3:4

Avaporofeti sivadukanaa mu miyinzi jaavo mba, kandi vaveeye avagaadi. Avasaalisi vonogonyia viveeye vitakatifu kandi vaagirung'anyia malago ga Nyasaye kulienya liavo.

Malaki 2:8

“Navuzwa kalunu munyi vasaalisi mumali kugirung'ana kutura kunzira inungi. Amigizu ginyu galombi vandu vanyingi kokora vudamanu. Mumali kuvunaga lilagana lia ndaalomba ni munyi.

Livalidza 18:23

Kutura kalunu nu kuzizagilira ihiiri ya Levi valalinda Lihema kandi valalinda miyinzi jalio. Yaga na malago gamiihaa kuivi kazozo harara nivisukululwi vivio. Ihiiri ya Levi si ilava ni miandu jaavo ja kazozo mu kivala cha isiraeli mba.”

Livalidza 5:31

Musaza alava muvoholore kutura ku vudamanu vwosi, navuzwa mukali alanyoola mageri gu vwoni vwosi.