Ezekieli 43:7 - KITABU KITAKATIFU

⁷ yambolera, “Mwana wu Mundu, hano ni havundu he ndeve yange yu Vwami. Ndamenya havundu yaaha nu kwamiiha vandu vange Isiraeli mihiga ni mihiga. Avandu va Isiraeli, anoho avami vaavo si valonogonyia lieta liange litakatifu nu kusigamira avanyasaye anoho kuyavira miviri mikuzu ja vami vaavo havundu hano mba.

Ezekieli 43:7 ပူးပေါင်းရင်းမြစ်များ

1 Avami 8:13

Kalunu inzi mali kukwumbakira Litembeli linene liuvukumi, havundu ha omenya mihiga ni mihiga.”

2 Avami 16:4

Vuli havundu hu kusigamira misambwa, ku vigulu, kandi isi wi misaala mivisi ni ja matu manyingi, Ahazi yahaana visiuviliru kandi navuyiza vimuli.

1 Kyetsinyinga 28:2

Mwami Daudi yasingira imbiri wavo navavoolera, “Munyi huliri icha nziza kumuvolera, avaamitu vange na avandu vange, mumbulirize. Ndeenya ukwumbakira Lisandugu lie Lilagana lia Yahova, Litembeli lie mihiga ni mihiga kandi live endeve yi virenge via Nyasaye witu. Mali kolomba lietegeka kuliumbaka kuhaana luyali kuye.

Zaburi 132:14

“Yaaha niho aha inzi ndimenya mihiga ni mihiga; kandi ha nyenya kwamiiha.

Zaburi 46:5

Nyasaye aveeye mu lidaala linene yilio na silinyala kudivizwa mba. Mugambazuri mumavwevwe, Nyasaye alaza kukokonya.

Zaburi 47:8

Nyasaye yikalaa kondeve yeeye yu vwami indakatifu; kandi yamiha ku zihiiri ziosi

Zaburi 68:17

Yahova yaazaa kutura ku kiguru cha Sinai kuduuka havundu hatakatifu, harara ni zielefu zizie zinyingi zia magare geege gizingulu.

Zaburi 68:18

Yanigiraa igulu mwigulu navugura avahambe va yalaanya vanyingi harara naye, avugulaa vihaanwa kali kutura ku vibaali. Yahova Nyasaye alamenya ho.

Zaburi 99:1

Yahova aveeye mwami; leka avandu vadegere. Yikalaa kondeve yeeye yu vwami igulu wi vilombe vie zimbaha, na lirova lidengeyaa!

Zaburi 99:5

Mwizominye Yahova, Nyasaye wiitu. Musigamiri imbiri wendeve yeeye yu vwami! Aveeye mutakatifu!

Kutwula 25:8

Kuduuka avandu vanombere lihema hatakatifu, kunduuki komenya hagati haavo.

Kutwula 29:45

Ndamenya hagati ha vandu vange Isiraeli, kandi ndava Nyasaye wavo.

Isaya 6:1

Mu muhiga gwu mwami Uzia yakuza, ndaalora Yahova mu malola. Yaali niyikaye kondeve yeye yu vwami, igulu kandi niigingiywi igulu ligali. Ulukigiti lwi iganza yeye lwizura Litembeli liosi.

Isaya 66:1

Yahova avoora, “Ligulu liveeye endeve yange yu vwami na lirova liveeye endeve yukuviika ku virenge viange. Kunangwa mulanyumbakira inyumba ya lugano ki; havundu hange hokomenya halava ha lugano ki?

Jeremia 14:21

Wizulizi malagano googo ku kunyi kandi utakoleganyia mba; utavika avandu va Jerusalemi, havundu he endeve yooyo yu vwami vwu vukumi mu zisoni mba. Utavunaga lilagana lia walomba ni kunyi mba.

Jeremia 16:18

Inzi ndavakora vatungi haali kaviri kigira uvwoni vwavo nuvuchamu vwavo, kigira vamali kwononyia kivala change nivifananyi vitaveeye nilivamwoyo kuli avakuzu, kandi vamali kuviikamu avanyasaye vanyingi vuvugadi.”

Jeremia 17:12

Litembeli lietu liveeye kuli endeve yu vukumi yu vwami, liasingirizwa ku kiguru kidiguluku kutura mu litanga.

Jeremia 3:17

Lwa ing'inga yeyo iliduuka, Jerusalemi ilakalangwe ‘Endeve yu vwami vwa Yahova’, kandi izihiiri ziosi zilakavuganiri wene yeyo kusigamira. Kunangwa sivalalindagilira nokolonda uvudamanu vwimioyo jiavo mba.

Ezekieli 1:26

Igulu muvwerefu, chaliho ni kindu chalorekaa kuli endeve yu vwami iyalombwa ni ligina liesafiro. Kondeve yu vwami yiyi, kindu chaali nichikaye ku, ichalombwa mu lifana liu mundu.

Ezekieli 10:1

Ndahenza igulu mu vwerefu, na ndaalora kindu kuli endeve yu vwami iyalombwa ni safiro neveeye igulu wi mitwi ja Vakerubi.

Ezekieli 20:39

Yahova Wuvunyali avoora, “Kalunu munyi mwosi avandu va Isiraeli, muzie mundu mulala samulala atumikiri vifananyi vivie! Navuzwa mwiganihizaa ndi, inyima wa yaga, mulatia Inzi kandi mulalekera kwonogonyia lieta liange litakatifu nu kuhaana vihaanwa ku vifananyi vienyu.

Ezekieli 39:7

Kuduuka ndore ndi avandu vange Isiraeli vamanyi lieta liange Litakatifu. Sindavugilira lieta liange litakatifu lionogonywe mba. Maku zihiiri zilakamanye ndi Inzi Yahova, mbeeye Nyasaye Mutakatifu wa Isiraeli.”

Ezekieli 43:9

Kalunu valeke kusigamira avanyasaye vandi kandi vahiri miviri mikuzu ja vami vaavo ihale kutura ku inzi. Niiva valakola ndio, inzi ndamenya hagati haavo mihiga ni mihiga.”

Ezekieli 48:35

Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Ezekieli 6:13

Miviri jaavo mikuzu jilakasalanywi hagati hi vifananyi kandi ku vwali vwosi, najisalanywi ku vuli tugulu tutambi, kondongozi ya vuli kiguru, isi wumusala gwosi umuvisi kandi nu muduguyu gwosi munene, na havundu hoosi aha vasambira visiuviliru ku vifananyi viavo. Maku vuli mundu namanyirizi ndi inzi mbeeye Yahova.

Ezekieli 6:5

Ndasalanyia miviri ja vandu va Isiraeli; Ndasalanyia nu kukumberiza uvwali vwavo.

Hosea 14:8

Avandu va Isiraeli si valeenya vifananyi kandi mba; Inzi ndahaana mativuli ku lisaala liavo kandi ndavalinda. Inzi ndava chiriri kuvo kuli musaala muvisi gwu mudaragwa: kandi ligasiza liavo liosi lilatula ku Inzi.”

Joeli 3:17

“Maku, munyi Isiraeli mulamanya ndi inzi mbeeye Yahova Nyasaye winyu. Menyaa mu Ziyoni, kiguru change Kitakatifu. Jerusalemi lilava lidaala Litakatifu; avageni sivalaliguuta kandi mba.

Kyavalevi 26:30

Ndononyia havundu hinyu hukusigamira ku vigulu, ndasambura uvwali vwinyu vwi kimuli kandi ndasiuva miviri jinyu mikuzu ku vifananyi vienyu viagwa. Mulivihilirwa liange linene.

Mika 4:7

Vakolwa avalema kandi vaveeye ihale kutura mu zingo ziavo, navuzwa ndalomba limenya lihia harara niyavo avamala kohononoka, na valagwa ihiiri yizingulu. Inze Yahova ndavamiiha ku kiguru zia Ziyoni kutura ing'inga yeyo kuduuka mihiga ni mihiga.”

Zekaria 13:2

Ing'inga yeyo, ndakatuliziho amita gi vifananyi viosi kutura ku kivala, kandi mundu kali mulala si alakavizulizi kandi mba. Ndakatuliziho mundu woosi ovola aveeye muporofeti, kandi ndakatuliziho liegomba liu kusigamira vifananyi.

Zekaria 13:3

Niiva mundu woosi alazizagilira koporofeta, baba weve na mama weve valamwiganihiza ndi ivi siulava mwoyo mba, kigira ovola makuva gu vugadi mu lieta lia Yahova. Niiva si alahulira lieganihiza yili, baba weve na mama weve vamwivula valamutoza nu kumwita lwava naporofetaa.

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Likunula 22:3

Sihalava ho kandi ni kindu choosi ichalaamwa na Nyasaye mu lidaala linene yilio mba. Navuzwa endeve yu uvwami vwa Nyasaye ni yu Mwana wi Ligondi zilakave mu lidaala yilio kandi avatumikiri veve valakamutumikiri.