Ezekieli 43:27 - KITABU KITAKATIFU

²⁷ Lwa madiku yaga gamalilika, maku kutura ku lidiku lia munane, avasaalisi valahaana ku vwali vihaanwa viu kusambwa kandi vihaanwa vie mirembe. Maku inzi ndavavugilira. Inzi Yahova Wuvunyali mali kovora.”

Ezekieli 43:27 ပူးပေါင်းရင်းမြစ်များ

Ayubu 42:8

Kalunu, muvuguli zigiriki saba na magondi makore saba na muzie ku mutumikiri wange Ayubu, mwihaaniri aveene kisiuviriru chu kusambwa. Umutumikiri wange Ayubu alamusaalira, kandi inzi ndavugilira lisaala lilie mburi kumbika muzisoni kolondekana nuvusiru vwinyu mba. Munyi si mwavoora agiligali kigira inzi kuli mutumikiri wange Ayubu mba.”

Ezekieli 43:26

Ku madiku saba avasaalisi valatakasa uvwali, nukuvokola kuva uvwetegeku kutumikirwa.

Ezekieli 45:17

Gulava muyinzi gwu mwamihi kuhaana vihaanwa viu kusambwa, vihaanwa viu vuswage kandi vihaanwa vie iwaini ku ihiiri yoosi ya Isiraeli ku ing'inga ya masavo gu Mweli Muhia, Lisabato kandi masavo gandi. Kandi alahaana vihaanwa viu vwoni, vihaanwa viu vuswage, vihaanwa viu kusambwa, kandi vihaanwa vie mirembe kunangwa vandu va Isiraeli vaduuki kusamifwa uvwoni vwavo.”

Hosea 8:13

Vahanaa visiuviliru ku inzi kandi ma valia inyama yukuvisiuviliru. Navuzwa inzi, Yahova, nzilira navo mba, kandi kalunu inzi ndizuliza uvwoni vwavo kandi ndavaha mageri. Inzi ndaviranyia Egebeti!

Kyavalevi 17:5

Kivuni chi lilaga yili keveeye ndi, avandu va Isiraeli kalunu valaleta ku Yahova zinyama zia vasinzira mu viguuti. Kalunu valazileeta ku Musaalisi ha vwingiliru vwi Lihema nukuzisinza kuli vihaanwa vie mirembe.

Kyavalevi 3:1

Lwu mundu woosi ahaanaa ku Yahova ndala ku zing'ombe zizie kuli kihanwa chi mirembe, gaduukanaa eve igiriki anoho erori itali nimbara.

Kyavalevi 9:1

Ku lidiku lia munane, Musa yalanga Haruni harara na vayaayi veve, na vimiliri va Isiraeli.

Kyavalevi 9:4

Na ulahaana igiriki ni ligondi limigu kuva kihanwa chi mirembe ku Yahova, harara ni kihanwa chu vuswage ni vuzuganyiywi mu na maguta. Kuduuka vakole ndio kigira Yahova alaloleka ku munyi kalunu.”

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 15:16

nduuki kuva mutumikiri wa Yeso Kristo ku vandu vizihiiri. Ndumikaa kuli musaalisi mu lilwaza makuva malahi kutura ku Nyasaye, ku vandu vizihiiri vaduuki kuva isadaka ivugilirwa na Nyasaye, kandi kihanwa chatakaswa na Roho Mutakatifu.

Vafeso 1:6

Gendi kwizominyi Nyasaye kigira vukumi vwi zimbavasi zizie, ku kihanwa chiche cha yahaana ku kunyi mu Mwana weve Muyanze.

Vafilipi 2:17

Hawundi amasahi gi livamwoyo liange gaduukanaa gasundulwi kuli kihanwa ku kisiuviriru chi lisuuvira lienyu lihaana ku Nyasaye. Niiva gaveeye ndio, inzi nyanza, kandi sangala harara ni munyi mwosi.

Vahebraina 13:15

Gendi kuvitiri mu Yeso, kuhaane ku Nyasaye kisiuviriru chi lizominya lietu kazozo, agaveeye kovora, kisiuviriru kihaanangwa ni minwa jiyama lieta lilie kuli Mwami.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.