Ezekieli 43:2 - KITABU KITAKATIFU

² Hene yaho, ndaalora uvukumi vwa Yahova wa Isiraeli nivuza kutura Ivugwi. Mwoyo gwa Nyasaye gwahulirika kuli lihuuma lia mazi manene, nu vukumi vwivwe vwang'ereng'ana ku lirova.

Ezekieli 43:2 ပူးပေါင်းရင်းမြစ်များ

Isaya 17:12

O, Muriviti munene gwi zihiiri goveeye kuli lihuma lie inyanza! O, lihuuma lia vandu liveeye kuli viguvuli vienyanza enene.

Isaya 6:3

Zihanzuka harara nizivoora: “Mutakatifu, Mutakatifu, Mutakatifu! Yahova Wuvunyali aveeye Mutakatifu, uvukumi vwivwe vwizuyi mu lirova liosi.”

Ezekieli 1:24

Lwi vilombe yivi viaburuka, ndaahulira liyoga lie zimbaha ziavio. Liyoga yili liahulirika kuli muhuumu gwa mazi ginyanza, kuli liyoga lie liihi linene, kandi kuli mwoyo gwa Nyasaye Wuvunyali. Lwa vialekera kuburuka vialingaa zimbaha ziavio,

Ezekieli 1:28

Uvwaku vwu vulavu yivu vwafanaa kuli ikisahi chi imbura mu malesi mu lidiku lie imbura. Yiki chaloreka kuva kuli uvukumi vwa Yahova. Lwa ndaahulira yaga, ndaagwa hasi mamumama. Maku ndaahulira mwoyo gwu mundu nigumulomaa.

Ezekieli 10:4

Uvukumi vwa Yahova vwatula ku vakerubi nivuzia mu vwingiliru vwi Litembeli. Maku amalesi gakunikaa Litembeli, no vong'ereng'anu vwu vukumi vwa Yahova vwakunika mugizi gwi Litembeli.

Ezekieli 11:22

Vakerubi vaveeye mwoyo vatanga kuburuka, kandi magurudumu gaazia harara navo. Vukumi vwa Nyasaye wa Isiraeli vwali kuvo.

Ezekieli 11:23

Maku vukumi vwatula mu lidaala linene kandi nivuzia mu kiguru Ivugwi walio.

Ezekieli 3:23

Kunangwa ndaazia mu livona, na wene yeyo ndaalora uvukumi vwa Yahova, kuli ndaali nembololi ku mugera gwa Kebari. Ndaagwa hasi mamumama,

Ezekieli 43:4

Uvukumi vwa Yahova vwazia mu Litembeli kuvitira mu kirivwa chi Ivugwi.

Ezekieli 44:2

Yahova yambolera, “Kirivwa yiki kilahanwa. Mundu si alavugilirwa kuvitira mucho mba, kigira Inzi Yahova Nyasaye wa Isiraeli, mali kuvitira mucho. Kulwayago, kilahanwa.

Ezekieli 9:3

Maku uvukumi vwa Nyasaye wa Isiraeli vwazia Igulu kutura ku vakerubi, nivuzia kuvwingiliru vwi Litembeli. Yahova yalanga mundu waali niyiviiki inguvu yu luvaala navoora,

Habakuk 2:14

Navuzwa kivala kilakave ni limanya linyingi liu vukumi vwa Yahova kuli zinyanza zizura mazi.

Habakuk 3:3

Nyasaye yaazaa kutura Edomu kandi; Nyasaye mutakatifu yaazaa kutura mu vigulu via Parani. Vukumi vwivwe voveeye mwigulu; kandi kivala keveeye ni lizominya lilie linyingi.

Habakuk 3:4

Yaazaa nu vulavu vwo loheni; vulavu vohemahemaa vuturaa mu mukono gwigwe, hi zinguru zizie ziaviswa.

Yohana 12:41

Isaya yavoola vindu yivi kigira yalora uvukumi vwa Yeso, kandi navoora amakuva geege.

Likunula 1:15

Zinduvatiru zie virenge vivie ziali kuli umugasa gusiyiywi mu muliru, mwoyo gwigwe gwahiligana kuli amazi manene.

Likunula 14:2

Ndaahulira kandi mwoyo nigutura mwigulu kuli mwoyo gwi kihilira cha amazi manene kandi kuli gwi lihirigana lie inguba enene. Mwoyo gwa ndaahulira gwaali kuli mwoyo gwa avimbi vakuba uvukana vwavo.

Likunula 18:1

Inyima wi vindu yivi, ndaalora engelosi yindi yi zinguru zinene niyiika kutura mwigulu, vukumi vong'ereng'ani ku lirova liosi.

Likunula 19:1

Inyima wa yaga, ndaahulira umufumu gwu mwoyo munene gwi kiduma kenene cha avandu mwigulu, nivavoora, “Haleluya ovohonyi, nu vukumi, ni zinguru viveeye via Nyasaye wiitu!

Likunula 19:6

Ndaahulira kandi umwoyo gwi kiduma kenene, kandi kuli gwa amazi manene gafuumaa, kuli lihirigana linene lie inguba. Ndaahulira mioyo yijo nijivolaa, “Nyasaye yizominywe! Nyasaye wiitu Wuvunyali aveeye mwami.

Likunula 21:11

Liang'ereng'ana nu uvukumi vwa Nyasaye; lidaala liang'ereng'ana ovong'ereng'anu kuli vwi ligina lie Jasiperi, lilengeru ligali kuli igilasi.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.