Ezekieli 43:19 - KITABU KITAKATIFU

¹⁹ Avasaalisi vi ihiiri ya Levi, avaari visukululwi via Zadoku, yavo nivo veng'ine ava Inzi mbugilira vaze imbiri wange nukundumikira. Inzi Yahova Wuvunyali mali kulaga yaga. Ulavaha igiriki vahane kuli kisiuviriru chu vwoni.

Ezekieli 43:19 ပူးပေါင်းရင်းမြစ်များ

1 Avami 2:27

Maku Solomoni yaha Abiazari ku litumika kuli musaalisi wa Yahova. Nandio yaduukiza aga Yahova yaali navooye mu Shilo ku musaalisi Eli harara ni visukululwi veve.

1 Avami 2:35

Mwami yakola Benaya munene wi liihi mu vogono vwa Joabu; naviika Zadoku musaalisi mu vogono vwa Abiazari.

Isaya 61:6

Navuzwa munyi mulalangwa avasaalisi va Yahova, avatumikiri va Nyasaye wiitu. Mulalia nu kusangalira uvutugi vwi zihiiri, kandi nu kwiyizominya nokovoora ndi uvutugi yivu voveeye uvwinyu.

Isaya 66:22

“Avandu vange harara ni visukululwi viavo valamenya mihiga ni mihiga, kuli ligulu lihia kandi lirova lihia via ndilomba vilakamenye mihiga ni mihiga.

Ezekieli 40:46

ne keng'oze keveeye kolovega lwi Ivaale ni cha vasaalisi avatumikaa ku vwali. Avasaalisi yava vaali ivisukulurwi via Zadoku, avaari vi ihiiri ya Levi avavugililwa kuzia imbiri wa Yahova kumutumikira.

Ezekieli 43:23

Nuwakamala kutakasa uvwali, uvuguli igiriki kandi ligondi limigu litaveeye ni mbala,

Ezekieli 44:15

Yahova Wuvunyali yavoola, “Avasaalisi vaveeye vi hiiri ya Levi kandi avaveeye visukululwi via Zadoku, vazizagilira kundumikira nu vusuuvirifu mu Litembeli lwa vandu vosi va Isiraeli vaagirung'ana kutura ku Inzi. Kulwayago, yava nivo avisunda ahimbi ninzi nu kundumikira kuhaana zitinya kandi masahi gi zinyama zie visiuviliru ku Inzi.

Ezekieli 45:4

Kilava kidieli kitakatifu mu kivala, ichavikwa halovega kigira avasaalisi vatumikira Yahova mu Litembeli. Kilakave mu ni zinyumba zia vasaalisi kandi havundu hatakatifu hi Litembeli lilie.

Ezekieli 48:11

Kidieli yiki na keve cha vasaalisi vatakaswa, avaveeye visukululwi va Zadoku: Yava vandumikira nu vusuuvirifu kandi si vahambana na vandu va Isiraeli mu likora uvudamanu, kuli avandu vi ihiiri ya Levi vaakora.

Livalidza 16:40

Yaga gaali lieganihiza ku vandu va Isiraeli ndi mundu woosi utaveeye wi chisukululwi cha Haruni atiisunda himbi kuvwaali nu kusambira Yahova kimuli mba. Niiva alakola ndio aladivizwa kuli Kora na vandu veve. Yaga goosi gekoleka kuli Yahova yaali nalagi Elieza kuvitira ku Musa.

Livalidza 16:5

kandi yavolera Kora harara nu muganda gwigwe gwosi ndi, “Lidiku lia mugamba, Yahova alamanyia mundu oveeye weve; kandi oveeye mutakatifu, wayatovola, na alamukola yisundi ahimbi naye ku vwali.

Livalidza 18:5

Ivi na vayaayi vovo venyine gamuduukira mutwekizi uvutumiki vwa havundu Hatakatifu kandi ku vwali kunangwa vutima vwange vuvuli kwirana ku vandu va Isiraeli.

2 Vakorintho 5:21

Kristo siyali nuvwoni mba, navuzwa Nyasaye yamulomba kusanga muvwoni vwitu, kunangwa kunyi kuduuki kusanga mu vulungi vwa Nyasaye muye.

Vahebraina 7:27

Siaveeye kuli avasaalisi vanene vandi mba; siyenyekaa ahaane visiuviliru kigira uvwoni vwivwe mwene kutanga, ma kandi kigira uvwoni vwa vandu mba. Yakola yaga lwa yahaana kisiuviriru kilala, lulala vuzwa kigira viosi, lwa yihaana mwene.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.