Ezekieli 43:17 - KITABU KITAKATIFU

¹⁷ Kika cha hagati kandi chaali zimita 7 ku vuli zimbega ziosi, kandi uvwikudumbu vwi chova kundulu vwali zisendimita 25 kuzia igulu. Uvugalamu vwu vwali vwali zisendimita 50 uvuvambalaru. Vika viazizaa igulu ku vwali viali kolovega lwi Ivugwi

Ezekieli 43:17 ပူးပေါင်းရင်းမြစ်များ

1 Avami 18:32

Yatumikira magina yaga yumbaka vuhia vwali vwu kusigamira ku Yahova. Yayava mutalo kukumbiriza vwali zana, mutalo munene gwaaligunyala kuvugura himbi ziliitali komi na zine zia mazi.

1 Avami 6:8

Muliango gwu kwingira mu golofa ya hasi ligali gwaali kolovega lwi Isavaalu wi Litembeli, ni vika ingasi vizizaa kuduuka mu golofa yakaviri kandi yakavaga.

Nehemia 9:4

Hene yaho, Jeshua, Bani, kadimieli Shebania, Bani, Sherebia, Buni na Kenani vasingira ku kitalazi cha va Levi nivalira ku Yahova Nyasaye wavo nu mwoyo munene.

Kutwula 20:26

Mutanyumbakili vwali voveeye ku ni vika viukuninira ku mba; niiva mulakola ndio, chahonyo chienyu kilaloleka lwa muva nimuniinaa igulu ku vika.

Kutwula 25:25

Olombe ulukigiti izahabu lugikumbilizi zimbega ziosi nalwo love zimilimita 75.

Kutwula 30:3

Ukuniki kwigulu kwavwo, zimbega zine ziosi, zinziga ziavwo zive ni izahabu indahi, kandi uviiki ku ligemo lie zahabu ku vukumbiriza.

Ezekieli 40:6

Maku yazia mu kirivwa cholovega lwi Ivugwi, kuduuka ku vika via cho, nagera vwingiliru vwi kirivwa na vwali zimita 3 uvugalamu.

Ezekieli 43:14

Kutura ku vugalamu vwa hasi kundulu vwali imiita indala, nu vuvambalaru vwali inusu yi mita. Kutura ku kika kilala kekekeeke kuduuka ku kika kenene ziali zisendimita 50, uvuvambalaru kandi zimita 2 kuzia igulu.

Ezekieli 43:20

Uvuguli masahi gayo na uviiki ku zitiru zine ziu muzikona ziu vwali, kandi mu zikona ziukundulu kwu vwali, kandi ku vwikudumbu vwavwo. Mu likora ndio, ulanihiza uvwali nukuvutakasa.

Ezekieli 45:19

Musaalisi alavugula ku masahi gi kihanwa chu vwoni na avake ku maliva gi kiliango chi Litembeli, mu zikona zine ziu vwali kandi ku vigutu vie kirivwa chu mugizi gwu mugati.

Ezekieli 8:16

Kunangwa yambugura niyambila mugati mwu mugizi gwi Litembeli. Hene yaho, ahimbi nu vwingiliru vwi Litembeli, hagati hu vwali nulusimbu, vaaliho avasaza ishilini natano. Vaali nivakubi Litembeli migongo kandi vaali nivinaminyi mitwi jaavo nivahenzi Ivugwi, nivasigamiraa iliuva liali nilitongaa.