Ezekieli 43:15 - KITABU KITAKATIFU

¹⁵ Kika cha higulu chu vwali, havundu haali hu kuhaanira visiuviliru haali zimita ziviri. Liumbakwa liezikona zie kika cha higulu yiki zieginga igulu kuvita vika vindi.

Ezekieli 43:15 ပူးပေါင်းရင်းမြစ်များ

1 Avami 1:50

Adonija, mu vuti vonene kigira Solomoni, yazia mu Lihema liukuvuganira mu na Yahova, nagumira vudinyu ku zinziga ziu ku vwali.

1 Avami 2:28

Joabu yahulira agaali nigekoleki ku Adonija. Yaali niyungi Adonija mukono, navuzwa siyunga Abisolomu mukono mba. Kunangwa yirukira mu lihema liukuvuganira mu lia Yahova. Nagumira zinziga ziu kuvwaali.

Zaburi 118:27

Yahova aveeye Nyasaye, ahaanaa vulavu ku kunyi, mutange lisavo ku ligenda kovodong'ana uvwali; mugiingi amatu ga makindu mu makono ginyu.

Kutwula 27:1

“Olombe uvwali kutura ku misaala ji kikuma. Gaduukanaa vove ovoleng'ani zimbega ziosi, zimita 2.2 vutambi kandi vuvambalaru na kuzia igulu, zimita 1.3.

Kutwula 27:2

Olombe zinziga ku zisonga zine mu zikona ziavwo zine. Nazio zilalomba kedonye kilala nu vwali navwo vwosi vulavakwa mugasa.

Isaya 29:7

Maku, mahi goosi gi zihiiri zingiliraa lidaala linene liu vwali vwa Nyasaye, ni viugi viavo via mahi, ni viju viosi - ivindu viosi - vilakatulizwi ho nokogota kuli maloto, kuli kindu kiganaganiywi mu vudiku.

Ezekieli 43:20

Uvuguli masahi gayo na uviiki ku zitiru zine ziu muzikona ziu vwali, kandi mu zikona ziukundulu kwu vwali, kandi ku vwikudumbu vwavwo. Mu likora ndio, ulanihiza uvwali nukuvutakasa.

Kyavalevi 9:9

Avayaayi veve vamuleetera masahi, naye yiina mu kedete chiche naviika malala ku zinziga ziu uvwali. Yasundula masahi gatigala mu lwaalo lwuvwaali.