Ezekieli 43:10 - KITABU KITAKATIFU

¹⁰ Yahova yaazizagilira kovora, “Mwana wu Mundu, ovoolere avandu va Isiraeli kigira Litembeli harara ni lilohiza lialio. Uvakole vave ni zisoni kigira vikolwa viavo vidamanu.

Ezekieli 43:10 ပူးပေါင်းရင်းမြစ်များ

1 Kyetsinyinga 28:11

Daudi yaaha Solomoni muyaayi weve zing'anagani ni lilohiza liosi liu kwumbaka Litembeli, ving'oze via mavikiru harara ni ving'oze vindi viosi, kandi havundu hi igulu, ha vundu hatakatifu kuvita hoosi hu vwasamihilwaa.

1 Kyetsinyinga 28:19

Mwami Daudi yavoola, “Yaga goosi gaveeye mu lilohizwa liang'odwa kolondekana na malago ga Yahova mwene yahaana ku inzi nduuki kokora.”

Kutwula 25:40

Na ohenze vulahi kuvilomba kolondekana nilifana liavio lia ndaakumanyia mu kiguru.

Ezekieli 16:61

Munyi mwaza mwizurizi kuli mumali kokora lwa mwaza mwiranyilwi avakaana vinyu vakulundu navakaana vinyu vakekeeke. Ndaaza mbakole na vave kuli avavozo ku munyi, kali niiva yili si liali lilagana liange ni munyi mba.

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Ezekieli 28:12

Yavoola, “Mwana wu Mundu, usiome kigira mwami wa Tiro. Umuvolere aga Inzi Yahova Wuvunyali mboraa: Ivi waali kelolero chu vuduukiru, kandi waali novogeri vunyingi ligali kandi wi ligondo lilahi ligali.

Ezekieli 40:4

Mundu oyo yambolera, “Mwana wu Mundu ohenze vulahi. Huliriza vulahi ligali, kandi uviiki zing'anagani zizio ku vuli kindu choosi changumanyia, kigira yiki nicho kivuni chagira nengoleta hano; kunangwa kuduuki kovolere avandu va Isiraeli goosi aga ololaa.”

Ezekieli 43:11

Niiva valava mu zisoni kigira vindu vidamanu via vamali kokora, maku, uvivaaliri lilohiza lie Litembeli. Uvamanyie lifana lialio, vwingiliru kandi litula ichova lialio, lilohiza lie vindu viosi, miima kandi amalago galio goosi. Uvang'odele vindu yivi viosi kunangwa vaduuki kolola kuli vindu viosi vialohizwa kandi vaduuki kolonda malago goosi gi Litembeli.

Ezekieli 44:5

na Yahova yambolera, “Mwana wu Mundu, ohenze vulahi ku viosi viaziza kokora kandi via ngovolera kigira amalago goosi agi Litembeli lia Yahova. Umanyirizi vulahi yavo vosi avavugilirwa kwingira mu Litembeli kandi yavo avatavugilirwa kwingira mulio.

Varumi 6:21

Mwanyoola vukala ki kutura ku vindu via muveeye soni navio kalunu? Kigira keheri chi vindu yivio ni likuza!

Joshua 22:28

Iganagani yitu yaali ndi niiva yaga galekoleka, visukululwi vietu vilakavoole, ‘Heenzi! Avaguuga vetu valomba uvwali vufanaa vuzwa kuli uvwali vwa Yahova Nyasaye. Sivwaali kigira lisaamba vihaanwa anoho kigira visiuviliru, navuzwa kuli kelolero ku vandu viitu kandi avienyu.’