Ezekieli 40:6 - KITABU KITAKATIFU

⁶ Maku yazia mu kirivwa cholovega lwi Ivugwi, kuduuka ku vika via cho, nagera vwingiliru vwi kirivwa na vwali zimita 3 uvugalamu.

Ezekieli 40:6 ပူးပေါင်းရင်းမြစ်များ

1 Avami 6:8

Muliango gwu kwingira mu golofa ya hasi ligali gwaali kolovega lwi Isavaalu wi Litembeli, ni vika ingasi vizizaa kuduuka mu golofa yakaviri kandi yakavaga.

1 Kyetsinyinga 9:18

Kutura ing'inga yene yeyo avandu vi zihiiri ziavo vaviikwa mu vwingiliru vwi Ivugwi vwi kirivwa chu mwami. Yava nivo avaari avalindi vi Kirivwa cha hokososa ha vandu va Levi.

1 Kyetsinyinga 9:24

Vaali ho avalindi vi virivwa ku zimbega zine: Ivugwi, Imadioli, Ivaale na Isavaalu. Vuli lovega lwali nu mulindi munene.

Nehemia 3:29

Zadoku muyaayi wa Imeri yumbaka vuhia kidieli chahenzana ninyumba yeeye. Uwalonda ku yaali, Shemaya muyaayi wa Shekania, mulindi ha Kirivwa cha Ivugwi, yumbaka vuhia kidieli chalonda ku.

Zaburi 84:10

Kuva mu Litembeli liilio ku lidiku lilala, voveeye vulahi ligali kuvita kuva havundu handi madiku elefu indala, vwakaveeye vulahi inzi kuva mulindi ha kirivwa chi Litembeli lia Nyasaye wange, ukuvita komenya mu zinyumba zia vandu vachamu.

Jeremia 19:2

kandi mbitiri mukirivwa chi viju viadika kuzia mulivona lia Hinomu. Iwene yeyo ndalandiza makuva gayamboolera.

Ezekieli 10:18

Maku uvukumi vwa Yahova vwatula mu vwingiliru vwi Litembeli ma nivuzia igulu wa vakerubi.

Ezekieli 11:1

Roho wa Nyasaye yang'inga igulu kandi nambira mu kirivwa chi Ivugwi chi Litembeli. Hene yaho ahimbi nikilivwa ndaalora avasaza 25, harara na Jaazania mwana wa Azuri, Pelatia mwana wa Benaya na aviimiliri vaviri vi kivala.

Ezekieli 40:20

Maku mundu uyu yaagera inzira yi kirivwa cha Ivaale iyazizaa mu mugizi gwi chova.

Ezekieli 40:22

Keng'oze chaali muvwingiliru, madirisha, kandi misaala ja makindu ijavazwa viali kuli iviali mu kirivwa chi Ivugwi. Hene yaaha vialiho vika saba iviazizaa mu kirivwa, kandi keng'oze chu muvwingiliru chaali chu kumaliriza kolovega lwu mugizi.

Ezekieli 40:24

Maku mundu uyu yambugura ma niyambila kolovega lwi Isavaalu, uwene yeyo, chaaliyo kirivwa kindi. Yaagera madigi gacho gu mugati kandi ving'oze viacho viu muvwingiliru, na viali ni ligera lilala liere kuli vie virivwa vindi.

Ezekieli 40:26

Kirivwa yiki chaali ni vika saba iviazizaa kucho, kandi keng'oze chacho chaali chu kumaliriza chahenzana nu mugizi. Madigi gu mugati gaali ni misaala ja makindu ijavazwa.

Ezekieli 40:5

Ivugwi wi kirivwa, ndaalora lidigi ni likumberizi litembeli. Mundu oyo yavugula kidundu chokogelera chaali mu makono geege, ichaali zimita 3 uvutambi ma nagera lidigi. Liali zimita 3 kuzia igulu kandi vuvambalaru vwalio vwali zimita zivaga.

Ezekieli 40:7

Imbiri wacho vwaliyo uvwingiliru uvwali ni ving'oze vivaga viu musikari kuzimbega ziosi. Vuli keng'oze chaali zimita 3 vugalamu, na madigi hagati hi ving'oze yivi gaali zimita 2 ninusu uvuliduhu. Olovega lundi lwi ving'oze viu musikari yaliho ninzira zimita 3 uvugalamu iyazizaa mu vwingiliru vwe keng'oze chahenzana ni Litembeli.

Ezekieli 41:16

chigalirwa ni misaala kutura hasi kuduuka ku madirisha. Madirisha yaga gaali ganyala kufuumwa.

Ezekieli 42:15

Lwu umundu uyu yaali niyakamara kogera mugati havundu hi Litembeli, yambugura kuzia ichova kuvitira mu kirivwa chi Ivugwi kandi nagera ichova wa havundu yaho.

Ezekieli 43:1

Maku mundu oyu yambugura ma niyambila ha kirivwa kolovega lwi Ivugwi.

Ezekieli 43:17

Kika cha hagati kandi chaali zimita 7 ku vuli zimbega ziosi, kandi uvwikudumbu vwi chova kundulu vwali zisendimita 25 kuzia igulu. Uvugalamu vwu vwali vwali zisendimita 50 uvuvambalaru. Vika viazizaa igulu ku vwali viali kolovega lwi Ivugwi

Ezekieli 43:8

Avandu va Isiraeli harara na vami vaavo valomba oloze lwavo kandi vigutu viavo vie miliango ahimbi no loze lwange kandi vigutu vie miliango ji Litembeli liange, kunangwa hatigale vuzwa ni lidigi hagati hange navo. Vonogonyia lieta liange Litakatifu ni vindu viu kuvihiliriza via vaakora. Ku lwayago, ndavadiviza mu vutima vwange uvululu.

Ezekieli 44:1

Maku mundu uyu yambugura niyambira mu kirivwa chi chova, ichaali kolovega lwi ivugwi wi Litembeli. Kirivwa yiki chaali nikihaniywi.

Ezekieli 46:12

“Lwu mwimiliri yamiha yenya kuhaana isadaka yuvwihaani ku inzi, isadaka yukasambwa anoho isadaka yi mirembe, kirivwa chi Ivugwi kizizaa mu mugizi gwu musi kiligulwa. Alahaana isadaka mu liiva lilala liere kuli akolaa ku lidiku lie Lisabato, kandi kirivwa kilahanwa lwa azia ichova kandi.”

Ezekieli 47:1

Umundu oyo yambira inyima mu vwingiliru vwi Litembeli. Mazi gaali nigaturaa hasi mu vwingiliru kandi nigazizaa Ivugwi, kolovega lwi Litembeli liahenza. Giturukaa hasi kutura isi we kedonye chi Isavaalu kolovega lwu vwali.

Ezekieli 8:16

Kunangwa yambugura niyambila mugati mwu mugizi gwi Litembeli. Hene yaho, ahimbi nu vwingiliru vwi Litembeli, hagati hu vwali nulusimbu, vaaliho avasaza ishilini natano. Vaali nivakubi Litembeli migongo kandi vaali nivinaminyi mitwi jaavo nivahenzi Ivugwi, nivasigamiraa iliuva liali nilitongaa.