Ezekieli 40:36 - KITABU KITAKATIFU

³⁶ Kirivwa yiki chaali ni ving'oze viu musikari, madigi gu mugati; keng'oze chu muvwingiliru kandi madirisha. Uvutambi vwacho vwali zimita makomi gaviri na gatano, na uvuvambalaru vwacho vwali zimita likomi na ziviri ni nusu.

Ezekieli 40:36 ပူးပေါင်းရင်းမြစ်များ

1 Avami 7:4

Zimbaho zia madirisha ziali ho mu zimbaho zivaga, kandi madirisha gahenzana mu vika vivaga.

Ezekieli 40:16

Amadigi gi chova gi ving'oze viosi gaali na madirisha makuzuzu, kandi madigi gu mugati. Amadigi gu mugati agaali kolovega lwi kirivwa, vaali ni vaviiki ku misaala ja makindu ijavazwa.

Ezekieli 40:21

Yaagera ving'oze 3 viu musikari iviali ku zimbega ziosi zie kirivwa, amadigi gaali mugati, kandi ving'oze viu vwingiliru, na viosi viali nu ligera lilala liere kuli iviali mu kirivwa chi Ivugwi. Ligera liosi liu vutambi vwi kirivwa liali zimita makomi gaviri na zitano, nu vuvambalaru vwa cho vwali zimita likomi na ziviri ninusu.

Ezekieli 40:29

Ving'oze viu musikari, ving'oze viu vwingiliru kandi madigi gacho viali ni ligera lilala liere kuli virivwa vindi. Madirisha gaali mu ving'oze viacho, uvutambi vwali zimita makomi gaviri na zitano, uvuvambalaru vwali zimita likomi na ziviri ninusu.

Ezekieli 40:7

Imbiri wacho vwaliyo uvwingiliru uvwali ni ving'oze vivaga viu musikari kuzimbega ziosi. Vuli keng'oze chaali zimita 3 vugalamu, na madigi hagati hi ving'oze yivi gaali zimita 2 ninusu uvuliduhu. Olovega lundi lwi ving'oze viu musikari yaliho ninzira zimita 3 uvugalamu iyazizaa mu vwingiliru vwe keng'oze chahenzana ni Litembeli.